ستروين ax

[samy_xl]

السلام عليكم

انا جديد في موضوع العربيات بصراحة وبحثت كتير عن العربيات
المستعملة
128 , لادا , فيليشيا , سويفت , ماروتي , ستروين وغيرها

انا استفساري بخصوص الستروين ax

سعرها من 18 ل 22 الف زي ما بحثت

انا عاوز اعرف ليه سعرها قليل كده مع انها موديلات 96 و 97

يمكن بشوف عربيات ماروتي اغلى منها مع اني قريت امكانيتها احسن من الماروتي

هل فيها عيب منزل سعرها كده؟

[rotanamasoud]

السوق هو السبب وثقافه الشعب المصرى

[MOHAMED HASAN]

اى حاجة فرنسى (رينو بيجو سيتروين) سعرها رخيص لانها ثقافة شعب لا اكثر و لا اقل

[AAAH]

العربيه دى حصل فيهت مشكله كبيرة اول مانزلت مصر فى التوكيل بتاعها ومبقاش ليها قطع غيار رغم انها كان فى منها تاكسى كتير جدا فالناس خدت عنها انطباع سئ
ومع انتشار السيارة ووجود عدد كبير منها ابتدى التجار يستوردوا قطع غيار ليها فرجعت مكانتها ليها تانى لكن للى متابعينها فقط انما الفكره العامة عند باقى الناس لسه سيئه
والعربيه لا تقارن بالعربيات اللى فى رينج سعرها زى 128 و 127 اطلاقا ولا يوجد وجه مقارنه اصلا

[samy_xl]

شكرا جدا عالتفاعل

طب مفيش اخبار عن قطع الغيار في اسكندرية؟

ولا لازم فالقاهرة ؟

[AAAH]

قطع الغيار موجوده فى القاهرة واسكندريه وبورسعيد بوفرة