العربية اتصلحت

[islam.afifi]

و اخيرا استلمت العربية و هي زي الفل و كل المشاكل اختفت

[rahieb_100]

مبروك يا اسلام ربنا يسعدك بيها بقى :)
بس ممكن توضح ايه اللى حصل وعملوا ايه بالظبط لحل المشكلة

[islam.afifi]

مبروك يا اسلام ربنا يسعدك بيها بقى :)
بس ممكن توضح ايه اللى حصل وعملوا ايه بالظبط لحل المشكلة

التوكيل لحد آخر لحظة بيقول انه بعت عينة بنزين بره يظبطوا عليها السوفت وير
و قبل عيد الأضحى التوكيل جاب السوفت وير الجديد و استلمتها النهاردة و الحمد لله العربية ممتازة

[Silent~Dream]

مبروك يا باشا انا كنت متابع المواضيع بتاع مشاكل التكييف و السحب اكيد ظبطوا العربيه على بنزين 80 هههههههههه او المهندسين هنالك قالولهم ايه القرف الى انت جايبينه ده بس بصراحه حاجه كويسه ان التوكيل يفضل واقف جنب العميل عشان يحلوا المشكله عشان العربيه تنتشر و سمعه بقى و كده

[J A G U A R]

الف مبروك

[islam.afifi]

مبروك يا باشا انا كنت متابع المواضيع بتاع مشاكل التكييف و السحب اكيد ظبطوا العربيه على بنزين 80 هههههههههه او المهندسين هنالك قالولهم ايه القرف الى انت جايبينه ده بس بصراحه حاجه كويسه ان التوكيل يفضل واقف جنب العميل عشان يحلوا المشكله عشان العربيه تنتشر و سمعه بقى و كده

الله يبارك فيك
الحمد لله , الواحد كان عايش في كابوس
مش مشكلة حتى لو يظبطه على بنزين 50 :d
بس كدا تمام الحمد لله
الف شكر ليك يا باشا و ان شاء الله نرفع سمعة سيتروين شوية

[islam.afifi]

الف مبروك

الله يبارك فيك يا باشا

[dr_waswas]

انت كده هتخليني افكر اجيب سيتروين بقى

[asuity]

ان شاء الله المشاكل تختفي لﻻبد .. وبما ان الشئ بالشئ يذكر احب اشكر المهندس محمد غازي على وقفته معانا

[islam.afifi]

انت كده هتخليني افكر اجيب سيتروين بقى

العربية حلوة على فكرة
بس كنا متضايقين من معاملة عز العرب
بس زي ما أحمد قال , محمد غازي شخصية محترمة
الحمد لله على كل شئ

[dr_waswas]

انا بفكر احيب السي ٥
عاجباني أوي

[islam.afifi]

انا بفكر احيب السي ٥
عاجباني أوي

معنديش خلفية عنها بصراحة بس هي شكلها حل و ضخم و ليها هيبة على الطريق

[rotanamasoud]

اخيرا يا استاذ اسلام متعرفش انا كنت متدايق عشانك قد ايه لان انا معايا القديم بتاع الستروين وممتاز جدا فكنت زعلان ازاى عربيه زى دى تعمل كده
وراجع احدى مشاركاتى قولتلك البنزين وطلع البنزين (اعتقد عينه البنزين اللى راحت فرنسا لا تمت ب90 بتاع بره بصله عشان كده الدنيا كانت بايظه)
الف الف الف مبروك وعايزين تقرير حلو

[islam.afifi]

اخيرا يا استاذ اسلام متعرفش انا كنت متدايق عشانك قد ايه لان انا معايا القديم بتاع الستروين وممتاز جدا فكنت زعلان ازاى عربيه زى دى تعمل كده
وراجع احدى مشاركاتى قولتلك البنزين وطلع البنزين (اعتقد عينه البنزين اللى راحت فرنسا لا تمت ب90 بتاع بره بصله عشان كده الدنيا كانت بايظه)
الف الف الف مبروك وعايزين تقرير حلو

الله يبارك فيك يا باشا
فعلا كان كابوس رهيب و الحمد لله خلص على خير
معلش الواحد برضه مكنش متوقع انه من البنزين لأني جربت كذا محطة في كذا مكان حتى في اسكندرية
و الواحد كان خايف يكون فيها عيب صناعة خصوصا انها لسه جديدة في السوق
بس الحمد لله على كل شئ
كدا الواحد يستمتع بالعربية

[مهدي أيمن]

و اخيرا استلمت العربية و هي زي الفل و كل المشاكل اختفت

يااخي مبروك عليك , احنا في الجزائر بنشكر في سي اليزي وانا عندي سي الزي وماشي بيها 5000كلم وماشاء الله رائعة , لحد الان ماسمعتش واحد يشكي من سي اليزي في الجزائر حسب اعتقادي