استلمت الاليزيه النهارده اى نصائح ؟؟

[Dr.A7med]

الف مبروك ربنا يكيفيك شرها

بس ليه الستروين ومحجزتش بيجو

بص العربيتين واحد اختلافات بسيطه جدا فى مقاس الجنط والفوانيس الخلفيه
انا شايف ان شكل الستروين اشيك ,, بالنسبه للانتشار عندك البيجو منتشره عنها طبعا
بس صدقنى العربيه ليها وكيل محترم بردو وقطع الغيار متوفرة قبل ما العربيه تنزل مصر
انا كلمت مدير المبيعات المسئول فى مصر وقالى مفيش فرق
وفر 10000 جنيه هينفعوك فى التامين والرخصه وهيتبقى فلوس كمان

[ooooosooooo]

الف الف مبروك ...انا كنت سمعت ان السيارة مفهاش ترومومتر حرارة دا فعلا ولو مفهاش اعرف حرارة السيارة منين دى مشكلة

[saddam]

صديقي المواطن
إحنه سعداء عشانك كلنا هنا في المنتدى ودي فلوسك وده زوقك وحضرتك اللي حتركب مش الناس وعربية جميلة ومتفكرش تبيعها قبل 7'سنين ﻷنها عربية محترمة ولن بعيبها سوى ضعف سعر البيع وغلاء قطع الغيار فتخليها 7 سنين معاك عشان متزعلش من سعر البيع تكون حضرتك طلعته في السبع سنين دول وربنا بديمها خيمة فوق رأسك ويحفظهالك من كل سوء
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[M.Mankola]

الف الف مبروووك و ربنا يباركلك فيها
العربية ما شاء الله جميلة و ناعمة جدا

[M.Mankola]

الف الف مبروك ...انا كنت سمعت ان السيارة مفهاش ترومومتر حرارة دا فعلا ولو مفهاش اعرف حرارة السيارة منين دى مشكلة

معظم العربيات فى الفئة دى مفيهاش عداد حرارة للاسف ... مجرد لمبة بتنور و خلاص

[Akram.Gamal]

اه يا كبير علشان كده سألت البيجو وكيل احسن قطع غيار اوفر واقل سعر

انا قدامى الستروين استلام فورى واقل من البيجو ب 10 الاف جنية واخترت البيجو فانا كده غلطان ولا اية

بص اولا مبروك عليك
موضوع انك صح او غلط ده مقدرش اقولك لانى راكب زيك
لكن العربيتين صفقه ممتازه .. و اانا بالنسبه ليا فرق الفلوس يستاهل ثمن الجنط و غيره
بالنسبه للوكيل بيجو لو سيئ جدا هيبقا احسن من عز العرب برضو فى رأيى

و مبروك عليكم

[Hosam_Optrawy]

الف مبروك ربنا يباركلك فيها

وياريت تتابعنا دايما بتقييمك ليها انت وباقى ملاك الإليزى

[Dr.A7med]

الف مبروك ربنا يباركلك فيها

وياريت تتابعنا دايما بتقييمك ليها انت وباقى ملاك الإليزى

الله يبارك فيك
ان شاء الله بعد 1000 كيلو بس

[Dr.A7med]

الف الف مبروك ...انا كنت سمعت ان السيارة مفهاش ترومومتر حرارة دا فعلا ولو مفهاش اعرف حرارة السيارة منين دى مشكلة

الله يبارك فيك
فيها لمبه بتشتغل لما العربيه تسحن جامد

[Mohamedalhayes]

الله يبارك فيك يا فندم ،، انا كنت حاجز عند احمد مرعى وحاجز فورى دفعت 5.000 جم زياده وفى الاخر العربيه تتاخر اسبوعين !! كل يوم اكلمه يقولى بكره ،اصل المصنع مش عارف ايه واللون وكده
كنسلت الحجز
وبدات ادور على عربيه تانيه لقيت الستروين ممتازه جدا فخامه وموتور اعلى واروبى ومميزات تانيه كتيره ،، ناس كتير قالتلى بلاش ومش منتشره وقطع غيار غاليه بس انا مسمعتش والحمد لله مش ندمان
وجبتها من عند اباظه فى يومين
ان شاء الله هعمل تقرير بس امشى بيها شويه كده

فعلا ناس كتير بتقول بلاش سيتروين عشان قطع الغيار غالية والعربية مش منتشرة بس شايف فعلا C-Elesee جميلة جدا والمواضيع المكتوبة عنها تؤكد ذلك .
ياريت حضرتك تقول رأيك بعد استعمالها وبعض الصور