شوية استفسارات بخصوص الاليزية

[civilpharaoh]

الحمد لله انا استلمت الاليزية الهاي لاين يوم الجمعة ٣١/١ انا شايف العربية جميلة و عملت بيها ١١٠ كم بس حاسس ان العربية مبتستجبش لدوسة البنزين بسرعة و خصوصا لو العربية علي سرعة بطيئة او بطلع من وقفة وكمان صوت الموتور تحسه عالي شوية فهل ده طبيعي علشان لسه في التليين؟ وكمان مكان الاير باج الي جنب السواق لما بتحط ايدك علي الطابلوة باين و بقيت اشوف الفرق كمان من غير ما احط ايدي علي الطابلوه فهل ده بردو طبيعي ؟كمان انا مش لاقي زرار mute في الكاسيت ده مكانه فين؟الصيانة الاولي علي الالف ولا ٢٥٠٠؟اضبط الاطارات نيتروجين علي كام؟معلش انا طولت عليكم بس استحملوني انا عضو جديد في ستروين

[doc mohamed]

الحمد لله انا استلمت الاليزية الهاي لاين يوم الجمعة ٣١/١ انا شايف العربية جميلة و عملت بيها ١١٠ كم بس حاسس ان العربية مبتستجبش لدوسة البنزين بسرعة و خصوصا لو العربية علي سرعة بطيئة او بطلع من وقفة وكمان صوت الموتور تحسه عالي شوية فهل ده طبيعي علشان لسه في التليين؟ وكمان مكان الاير باج الي جنب السواق لما بتحط ايدك علي الطابلوة باين و بقيت اشوف الفرق كمان من غير ما احط ايدي علي الطابلوه فهل ده بردو طبيعي ؟كمان انا مش لاقي زرار mute في الكاسيت ده مكانه فين؟الصيانة الاولي علي الالف ولا ٢٥٠٠؟اضبط الاطارات نيتروجين علي كام؟معلش انا طولت عليكم بس استحملوني انا عضو جديد في ستروين

الف مبروك انت استلمت من التوكيل ولا معرض؟؟؟ انا راي تسالهم في التوكيل هم ادري بالنسبة لموضوع الايرباج،انا حاجز بس لسه مستلمتش بصراحة ومش هقدر افتيلك اوي بس اعتقد انها فترة تفتيح المتور في الاول

[mohamed hussei]

انت استلمت منين ياباشا ؟ حوار سحب دة العربية هيتحدث لها سوفت وير وتبئا تمام

[مهدي أيمن]

هذا في فترة التليين فقط بعدها تكون طيارة

[civilpharaoh]

الف شكر علي الاهتمام.انا استلمت من معرض المهندس اوتوموتف الي في 6 اكتوبر.طيب بالنسبة للنيتروجين و الطابلوة حد يعرف عنهم اي معلومة?ومعني كدة ان السحب ده طبيعي لحد ما اعمل اول صيانة?

[الجنرال]

بص يا سيدي .. الاوروبي عموما سحب العربية .. او تجميعها بمعنى اصح بيبقى بطئ شوية عن الكوري .. وبالتالي فالاستجابة البطيئة دي لما بتتحرك من حالة الوقوف التام بتبقى بطيئة شوية

مفيش زرار لوحده يقفل الصوت (الميوت) لكن انت ممكن تقفل الصوت عن طريق انك تدوس على اللى بيعلي الصوت واللى بيوطي الصوت مع بعض نفس الوقت .. ساعتها هيعمل ميوت للصوت خالص

[islam.3bada]

مبروك عليك الجميلة اليزيه

ثانيا : اول صيانة عند 2500 مش 1000 كم

اظبط نيتروجين على 32 اماى و خلفى

صوت الموتور كدا طبيعى و هيهدى شوية بعد التليين بس مش كتير و انا سالتهم فى التوكيل عليه و قالو انهم عملو ليه قياسات اكتر من مرة و هو كدا الطبيعى بتاعه

السحب هيتحسن معاك كتير بعد اول 1000 ان شاء الله بس حاول متقرصش على العربية حاليا

موضوع الايرباج ده يا ريت صورة واضحة للى حضرتك بتوصفه ده عشان انا معنديش حاجة من اللى حضرتك بتوصفها دى ..

[civilpharaoh]

الف شكر يا رجالة ستروين الواحد بيطمن لما يلاقي حد يرد علي اسئلته