العربية بتطفى كتير

[hinrey_2]

عندي ستروين ax 95 والعربية من ساعت ماجبتها فيها الاتى :-
1-عند بداية التشغيل لازم افضل حاطط رجلى على دواسة البنزين لمدة دقيقة مثلا والا الموتور يطفى وبعد الدقيقة ارفع رجلى من على البنزين وتفضل شغالة عادي سلانسيه .
2- عند رفع رجلى من على الدبرياج على السرعة البطيئة فى الزحمة العربية بتطفى لو ما كنتش دايس سنة على دواسة البنزين ورافع معدل اللفات لحوالى 1000 لفة فى الدقيقة
3- دواسة الدبرياج لازم رجلى تضغطها حتى المس ارض السيارة لكي يفصل الموتور عن تروس الحركة
ممكن حد من الزملاء الافاضل يفهمنى ايه الحكاية وما هى المشكلة وما حلهالان اخوكم ابيض
مع الشكر

[rotanamasoud]

الكاربراتير عايز يتنضف وبالمره غير فلتر البنزين(ومع بدايه التشغيل بتشد الشفاط دقيقتين الاول)
والار بى ام على السلانسيه 750-800 لو اقل على الار بى ام يمكن يكون السبب
الدبرياج عايز يتعلى او الاسطوانه خفت لو منفعش تعليه وخفت تتغير

[hinrey_2]

جزيل الشكر لـrotanamasoud على النصائح الهامة والافادة
بس سؤال على قد حالى وارجوك اعذر جهلى بالعربية . فين مكان الشفاط ده وايه لازمة استخدامه ؟
مع الشكر .

[rotanamasoud]

جزيل الشكر لـrotanamasoud على النصائح الهامة والافادة
بس سؤال على قد حالى وارجوك اعذر جهلى بالعربية . فين مكان الشفاط ده وايه لازمة استخدامه ؟
مع الشكر .

الشفاط اللى هو الخانق عند بدء اداره العربيه يستخدم لخنق الهواء(داخل الكاربراتير)ليصبح الخليط مشبع بالبنزين بنسبه كبيره الى الهواء
اما بالبلدى فانت بتفتحه وانت بتدور الصبح بيسرع التدوير وميخليش المكنه تدوخك فى الدوران وبعد ما تبدء تسخن بترجعه لوضعه الطبيعى وده فى عربيات كتير كاربراتير
هو فى الصوره على الشمال تحت هوايه التكييف على طول فى درج بيتشد بيشد وير واصل بالكاربراتير

[hinrey_2]

خالص الشكر لحضرتك على الافادة وسرعة الرد
جزاك الله كل خير