الحقوني فتيس ال c4 2007

[ahmed111111]

السلام عليكم يا شباب ستروين
انا دلوقتي معايا c4 2007 و بعمل الصيانه في التوكيل و كله تمام الحمد لله .. من فتره كده لمبه السيرفيس نورت و روحت التوكيل قالولي في مشكله في تسريب الزيت للفتيس ... قالولي في سداد في مجري الزيت .. و فك تركيب الفتيس هيتكلف 4500 .. طبعا انا مستحيل اعمل كده في التوكيل .. ياريت يا شباب تلحقوني .. العربيه مركونه تحت البيت و خايف امشي بيها .. و في ناس قالتلي هات فتيس استيراد بس معرفش منين ولا اي حاجه .. و العربيه ماشيه 80 الف كيلو بس .. لو حد يعرف اي حد ياريت يفيدني و يقولي احل المشكله دي ازاي .. هل افتح الفتيس بره ولا اجيب استيراد ولا اعمل ايه ساعدوني

[Sherif Mandoor]

لو الفتيس فى مشكله لاقدر الله هات استيراد من بورسعيد

[kokowasfy]

صلحة فى التوكيل محدش برة هيقدر يساعدك فية و كلو هيعك جدااا خليك فى التوكيل و عوضك على اللة و انشاء اللة هيرجع احسن من الاول

[hamaka]

خليك فى التوكيل أفضل بالرغم من ارتفاع التكلفة ، للأسف دى عيوب معروفة فى معظم فتيسات الفرنساوى اللى تم انتاجها من 2004 ل 2007 ، موجود فى موديلات لبيجو و سيتروين و حتى رينو ، هى عيوب بتتعالج و بترجع الفتيس زى الأول باذن الله بس عيبها فى لسعتها ، التوكيل بيرمى عالى طبعاً عشان مصنعيتهم أصلاً عالية و عارفين انهم أحسن ناس بيعالجوا المشكلة و بيرجعوا الفتيس زى الأول و بيستعملوا قطع الغيار الأصلية بتاعة بلدها و بيدوك ضمان على شغلهم عشان لو لا قدر الله المشاكل رجعت تانى بس فى المعتاد باذن الله مش بترجع ، استعوض ربنا و اتوكل على الله....

[mangawy2013]

العسكري في الحرفيين وهاتوا من رضا بتاع الاستيراد بيقولوا عامل الفين جنيه

[fakhry]

عليك وعلي امجد في الحرفيين ده دكتور في الفتيس الاتوماتيك ويرجعو زي الاول ان شاء الله

[ahmdghalwash]

السلام عليكم يا شباب ستروين
انا دلوقتي معايا c4 2007 و بعمل الصيانه في التوكيل و كله تمام الحمد لله .. من فتره كده لمبه السيرفيس نورت و روحت التوكيل قالولي في مشكله في تسريب الزيت للفتيس ... قالولي في سداد في مجري الزيت .. و فك تركيب الفتيس هيتكلف 4500 .. طبعا انا مستحيل اعمل كده في التوكيل .. ياريت يا شباب تلحقوني .. العربيه مركونه تحت البيت و خايف امشي بيها .. و في ناس قالتلي هات فتيس استيراد بس معرفش منين ولا اي حاجه .. و العربيه ماشيه 80 الف كيلو بس .. لو حد يعرف اي حد ياريت يفيدني و يقولي احل المشكله دي ازاي .. هل افتح الفتيس بره ولا اجيب استيراد ولا اعمل ايه ساعدوني

اخي العزيز هون عليك.....يمكنك الكشف بالجهاز وتحديد العيب قبل البدء في الاصلاح والتكاليف....فعيوب الفتيس معروفه وياريت تحدد مايحدث معك بالضبط لمساعدتك...ولاداع لشراء فتيس استيراد لوجود تحفظات كثيرة اصبحت دخيله ع السوق مؤخرا...يمكنك اصلاح فتيس سيارتك عند اي مركز متخصص...وان شاء الله تتحل المشكله
م-احمدغلوش

[hamaka]

اخي العزيز هون عليك.....يمكنك الكشف بالجهاز وتحديد العيب قبل البدء في الاصلاح والتكاليف....فعيوب الفتيس معروفه وياريت تحدد مايحدث معك بالضبط لمساعدتك...ولاداع لشراء فتيس استيراد لوجود تحفظات كثيرة اصبحت دخيله ع السوق مؤخرا...يمكنك اصلاح فتيس سيارتك عند اي مركز متخصص...وان شاء الله تتحل المشكله
م-احمدغلوش

أنا مع الرأى ده الحقيقة ، الفتيس ممكن جداً يتصلح و يرجع زى الأول و أحسن لأن عيوبه اتحفظت خلاص ، الفتيس الاستيراد طبعاً هيشترى دماغك بس المشكلة انه كده كده فى نسبة مخاطرة و برضه خسارة فتيسك لأنه ماشى قليل و يعتبر لسة بحالته

[ahmed111111]

اولا احب اشكر كل الاعضاء و ربنا يجعله في ميزان حسناتكم ان شاء الله
المشكله هي تسريب الزيت للفتيس ... تاني حاجه انا كنت مغير الجلبتين و مغير زيت فتيس من حوالي 5 شهور في التوكيل فروحتلهم عشان كده قولت اكيد الجلبتين حصلهم حاجه و هغيرهم في الضمان لكن المهندس كريم قالي العيب مش منهم و محتاج فتح فتيس ب 4000 جنيه تقريبا ده غير تصليح الفتيس يعني ممكن اخش في 6000 .. 7000 معرفش دي بطيخه و زي متطلع الي بايظ فيها
و في نفس الوقت مش عاوز اجيب فتيس استيراد معرفش تاريخه عامل ازاي نفترض خرب بعديها ب فتره
اخر حاجه هستسمحكم فيها ياريت تجبولي ارقام تليفونات عشان انا معرفش حاجه في الحرفين بروح اتوه هناك و ارجع
و بالمناسبه في ناس قالتلي علي ايهاب جلال صقر قريش هل ده كويس ولا في احسن منه و ياريت يكونوا متخصصين في الفتيس و حنينين في السعر عشان انا العربيه مشكلالي ازمه نفسيه :d و مركونه تحت البيت

[ahmed111111]

الفتيس بتاعي مش ماشي غير 80 الف كيلو بس انا مش بهلك العربيه .. هو ابتلاء من ربنا و الحمد لله طبعا علي كل شئ و لكن انا احبذ ان انا اصلحه افضل بدل مجيب واحد استيراد معرفش كان ماشي اد ايه ف لو حد يقدر يجبلي واحد محترم و بيعرف ربنا في معاملاته عشان كل الصنايعيه نصابين و صعب اصلح في التوكيل ب 7000 جنيه ... و انا ساكن في الهرم و مفيش مشكله لو روحت اي مكان او مركز بس يكون محترم و بيعرف ربنا اهم حاجه عشان ميعورنيش في الفلوس

[HANZALA]

السلام عليكم
ممكن تكلم الفني احمد جمال وده شغال في توكيل بيجو وانا صلحت عنده فتايس اوتومامتيك للشركة اللى انا شغال فيها وهو هيفيدك
01005480878

[Mohamed-Saoud]

طيب روح الأول ايهاب جلال بتاع صقر قريش علشان ناس كتير شكرت فيه و هتلاقي واحد كاتب موضوع مخصوص علشان بيشكر فيه :-)

[mangawy2013]

يا باشا الاستيراد زي الفل وبتاخد عليه شبه ضمان انا مركب عندي كل حاجه استيراد واحسن من الجديد واضمن