وأخيراً وبعد تفكير ... إخترت الوحش الجميل ds5

[Abo.Moazz]

السلام عليكم ورحمة الله وبركاتة
حيرة مستمرة لعدة شهور بين عدة أنواع وموديلات .. وأخيراً تم الإستقرار على الجميلة DS5 2014 وتم دفع المقدم وفى إنتظار إنتهاء الإجراءات بإذن الله
أحكيلكم بقى القصة من البداية
بداية القصة كانت حيرة متناهية بين 6 موديلات
1 - السيتروين DS5 Sport
2 - أوبل إنسجنيا Top Line
3 - Volvo S60
4 - BMW 316i
5 - بيجو 508 Hi Line
6 - مرسيدس CLA180
وبدأت أصفى فيهم واحدة واحدة ... أقولكم أسباب إستبعادى للموديلات الأخرى
- نبدأ بالـ volvo s60 : عربية ملهاش حل ومحترمة آخر 3 حاجات ... بس السعر اللى زودوه بطريقة إستهبالية ... 338 ألف جنيه ... طبعا انا بفكر فى الفئة اللى ألاقى فيها كماليات كويسة ... قلت بلاها الـ volvo
- الـ BMW 316i : طبعا برده عربية ركوبة ومفيهاش غلطة .. بس بـ 334ألف .. من غير زينون من غير حساسات أمامية .. بالنسبالى كماليات كان نفسى فيها ده غير إنى مش هجيب اللون الأسود ولا الأبيض .. يعنى الميتاليك ... يعنى هزود 8000 كمان .. يعنى 342 ألف ... معدية ... قلت بلاها الـ BMW
- مرسيدس CLA : طولى 190 سم .. قعدت فيها راسى خبطت فى السقف ... حجز وإستلام يوليو 2015 .... قلت بلاها المرسيدس
- بيجو 508 : عربية ممتازة ... برده اللى منعنى عنها قلة كمالياتها ... وقلت بدل كده كده فرنساوى يبقى خلينى فى الأشيك
حصرت الحيرة بين عربيتين الإنسجنيا وال سيتروين ... الأوبل ممتازة وكماليات كتير بس مش عارف ليه مستريحتش لشكلها زى السيتروين ... جبت أصحابى وأقاربى وفرجتهم على دى ودى .. كله إختار ال DS5
قلت ياللا على البركة
واللى شجعنى كمان إن بنك PNB عامل عرض شفت إنه معقول على التقسيط بفايدة تصل بعد الإشتغالات ل 8%
رحت على المعرض وكنت ناوى على اللون البنى أو الفيرانى أو الأبيض
شفت عنده واحدة سوده عجبتنى .. عيبها الوحيد إن مش باين فيها السقف البانوراما بس شكلها فخم جداً
إن شاء الله الإستلام هيكون خلال 3 أو 4 أيام
هستلم وأصورلكو العربية وإن شاء الله لو ربنا كاتبلى عمر هعمل تقرير الإستلام
أنا طالب منكو بقى خدمة .. ياريت أى حد عنده ال DS5 يقولى المفروض أستلم معاها أيه لأنى مش جايبها من عز العرب .. أنا هجيبها من أباظة

[lanos2004]

عربيه شكلها تحفه وملفته للنظر
مبروك عليك
ونقول ماشاء الله علشان العين

[insurancebroke]

مبروك مقدما
وربنا يكفيك شرها
ممكن تروح عز العرب وتساله لو هشترى العربيه هستلم معاها ايه
او حد هنا يفيدك

[mhkorayem]

1000 مبروك مقدماً
وربنا يباركلك فيها ويبعد عنك العين
بس هي الـ ds5 فيها زينون وحساسات اماميه ؟؟؟؟
وهي عامله كام دلوقتي ؟؟؟

[Abo.Moazz]

عربيه شكلها تحفه وملفته للنظر
مبروك عليك
ونقول ماشاء الله علشان العين

الله يباركلك
وألف حمد وألف شكر ليك يارب على النعمة ... والله فلوسها أنا تعبان وشقيان فيها على الآخر

مبروك مقدما
وربنا يكفيك شرها
ممكن تروح عز العرب وتساله لو هشترى العربيه هستلم معاها ايه
او حد هنا يفيدك

أنا ناوى أتصل بيهم بكرة وأسألهم فى التليفون .. وهسأل إن شاء الله على موضوع النافيجيشن .. لأن واحد فى B Auto قاللى إن التوكيل نزل السوفت وير بتاعه

1000 مبروك مقدماً
وربنا يباركلك فيها ويبعد عنك العين
بس هي الـ ds5 فيها زينون وحساسات اماميه ؟؟؟؟
وهي عامله كام دلوقتي ؟؟؟

الله يباركلك ويرزق الناس كلها بأحسن منها
الفئة السبورت فيها حساسات أمامية وخلفية + كاميرا خلفية
وفيها زينون واطى بس
دلوقتى بتعمل 299800
بس العربية اللى فى المعرض كان فيها نقرة صغيره جدااااااااً تقريباً مش باينة فى الإكصدام اللى ورا .. أنا إتلككت بصراحة وقلتله عايز واحدة غيرها قام عملى تخفيض 5000 جنيه ... يعنى أخدتها بـ 295000
هدفع 50% وهقسط على سنتين إن شاء الله

[ahmad--ezzat]

الف مبروووك ياباشا...انا اقابلك وتاخدني لفه :d


ربنا يحميهالك ان شاء الله

[J A G U A R]

اختيار موفق ان شاء الله

[Abo.Moazz]

الف مبروووك ياباشا...انا اقابلك وتاخدني لفه :d


ربنا يحميهالك ان شاء الله

ياباشا عربيتك .. واللى عايز يتفرج عليها أو يجربها أنا تحت أمركم كلكم

[amr elsisi]

ربنا يباركلك فيها ويكفيك شرها

[eslam.maghawry]

بسم الله ماشاء الله تبارك الله
ربنا يبارك لك فيها ويعطيك خيرها ويكفيك شرها
كنت بتدرب في ستروين عز العرب
ومن اجمل العربيات اللي ركبتها فعلا
تصميم خرافي من الداخل تحس انك راكب طيارة والطارة شكلها رياضي وشيك جدا
بإذن الله لما تستلم أو بشكل عام طبعا عليك بالاذكار والرقية الشرعية عشان الحسد

[تامر.محمد]

الف مبروك
بصراحة العربية تصميميا من برة جامدة جدا و من جوة ما شاء الله تحفة فنية

Sent from my GT-N7000 using Forum Runner

[Ahmed_Adham]

لو سمحت عندك فكره الانتريور البني متاح ولا لاء؟ وهل ليه سعر مختلف؟ والفئه السبورت دي فيها الشاشه الشفافه اللي بتظهر السرعه والنافيجيشن ولا لاء؟

[fepsceasar]

ما شاء الله
احييك على التفكير خارج الصندوق ..ربنا يعطيك خيرها يا رب ويكفيك شرها

[Abo.Moazz]

ربنا يباركلك فيها ويكفيك شرها

ربنا يباركلك

بسم الله ماشاء الله تبارك الله
ربنا يبارك لك فيها ويعطيك خيرها ويكفيك شرها
كنت بتدرب في ستروين عز العرب
ومن اجمل العربيات اللي ركبتها فعلا
تصميم خرافي من الداخل تحس انك راكب طيارة والطارة شكلها رياضي وشيك جدا
بإذن الله لما تستلم أو بشكل عام طبعا عليك بالاذكار والرقية الشرعية عشان الحسد

إن شاء الله ..

الف مبروك
بصراحة العربية تصميميا من برة جامدة جدا و من جوة ما شاء الله تحفة فنية

Sent from my GT-N7000 using Forum Runner

الله يبارك فيك

لو سمحت عندك فكره الانتريور البني متاح ولا لاء؟ وهل ليه سعر مختلف؟ والفئه السبورت دي فيها الشاشه الشفافه اللي بتظهر السرعه والنافيجيشن ولا لاء؟

للأسف الشديد مفيش إنتريور متاح غير اﻷسود .. الفرش المضلع زى اللى بنشوفة على النت غير متاح
والعربية حاليا سعرها 299800 الفئة السبورت .. وأيوة فيها الشاشة الشفافة اللى بتظهر عليها السرعة بس النفيجيشن مش شغال اصلا
[QUOTE=fepsceasar;3875476750]ما شاء الله
احييك على التفكير خارج الصندوق ..ربنا يعطيك خيرها يا رب ويكفيك شرها[/QUOT
الله يباركلك ... مش عايز اقولك على الكلام اللى بسمعه من الناس لما بتعرف إنى اخترت السيتروين
بس انا عن نفسي مقتنع بإختيارى ﻷنى من النوع اللى بركب علشان أستمتع مش علشان أبيع

[horas3000]

الف مبروك يا زعيم
و تستلمها علي خير و ربنا يبارك لك فيها