مبروك الضمير مات

[hinrey_2]

النهاردة كنت باحود يمين ولقيت واحدة راكنة ركنة زى الزفت وسدة الشارع وقدامى عربية الوش فى الوش فى تقاطع وورايا عربية والحيوان اللى قدامى يقولى حود ما يهمكش واللى ورايا مش عايز يرجع وانا باحود ومش شايف جنب العربية فى المراية ولقيت واحد ابن حلال بيقولى وقف يا استاذ العربية اتخربشت وفعلا لقيت الجنب اليمين اتخربش المهم رفعنا العربية وبعدناها عن الاحتكاك .
المهم مكنتش اعرف ان فيه ناس سفلة همهم انه يعدي حتى لو اللى قدامه اتحرق بجاز .
المهم ان الخدوش كتير بس سطحية يعنى معدتش المعجون والحمد لله ومفيش معايا فلوس ارشها ممكن حد يقولى اداريها ازاى لان العربية اتبهدلت وشكلها بقى وحش جدا وانا نفسيتى تعبانة
الحمد لله وحسبي الله ونعم الوكيل فى اللى يأذي الناس علشان مصلحته
عندنا ازمة اخــــــــــــــــــــــــــــــــــــــــــلاق

[shiko85]

اللى بعمله بنزين او تنر علشان التنظيف
اوقات كتير بيكون الخدش او الأحتكاك من لون العربيه التانيه و لما بتمسحه بتطلع عربيتك سليمه
لو لسه فيه خدوش ممكن بعد كده تجيب كمبوند وتحطه على الخدوش و بفوطه نظيفه تمسح الكمبوند بشكل دائرى لحد ما الخدش يروح او ممكن تروح مكان تعمل سحق للخدوش دى

[lanos2004]

شوف انا عمرى ما بسمع كلام حد يقولى خش ولا حود--

[Ahmed.Essam]

هات wd-40 رش منه على فوطة حبة بسيطة نضف بيه الخدوش
وبعديت هات كومباوند وبحركة دائرية على الخدوش وانت ضاغظ عليها شوية
وان شاء الله بسيطة

[S O P H O S]

معلش يا باشا في وفي بردوا

[mostafa 3fifi]

Wd او بنزين علشان تشيل اي اثر للون العربيه اللي حكتك ... و بعدين حط كمباوند على اماكن اللي متحربشه و يفضل استخدام قطن مع الكمباوند احسن كتير من الفوطه .... و خد بالك ان الكمباوند ممكن يشيل لون العربيه الاساسي و يبين البطانه (بالاخص في اي سوكه ) بعد الكمباوند يفضل استخدام بولش كريم ب نفس طريقة الكمباوند ... و ان شاء الله ترجع زي الاول

[ibrahimsaad]

شوف انا عمرى ما بسمع كلام حد يقولى خش ولا حود--

فعلا والله انا اتبهدلت بسبب النوعيه دى من البشر كل همهم انهم يعدوا حتى لو على حساب غيرهم

[hinrey_2]

جزاكم الله كل خير والله هونتوا عليا كفاكم الله شر كل مؤذي معدوم الضمير

[hinrey_2]

[mostafa magdy]

زي ما الاخوه قالوا لحضرتك ..
مفيش كلام طبعا بعد كلامهم .. لأن كلهم أقدر مني
و علي حسب عمق الخدش اللي فاهمه من حضرتك .. من الوصف يعني .. شويه واكس يخلصوك منها تماما ..
و إحنا في البلد دي وصلنا لمرحله لا تطاق ..
معلش يا كبير ..

[hinrey_2]

شكرا لك ولكل الزملاء

[drcobra]

النهاردة كنت باحود يمين ولقيت واحدة راكنة ركنة زى الزفت وسدة الشارع وقدامى عربية الوش فى الوش فى تقاطع وورايا عربية والحيوان اللى قدامى يقولى حود ما يهمكش واللى ورايا مش عايز يرجع وانا باحود ومش شايف جنب العربية فى المراية ولقيت واحد ابن حلال بيقولى وقف يا استاذ العربية اتخربشت وفعلا لقيت الجنب اليمين اتخربش المهم رفعنا العربية وبعدناها عن الاحتكاك .
المهم مكنتش اعرف ان فيه ناس سفلة همهم انه يعدي حتى لو اللى قدامه اتحرق بجاز .
المهم ان الخدوش كتير بس سطحية يعنى معدتش المعجون والحمد لله ومفيش معايا فلوس ارشها ممكن حد يقولى اداريها ازاى لان العربية اتبهدلت وشكلها بقى وحش جدا وانا نفسيتى تعبانة
الحمد لله وحسبي الله ونعم الوكيل فى اللى يأذي الناس علشان مصلحته
عندنا ازمة اخــــــــــــــــــــــــــــــــــــــــــلاق


اولا الضمير مات من زمان
ثانيا ممكن اللى قدامك يكون قاصد يأزيك
ثالثا انا اول حكة فى عربيتى وهى جديدة كانت من واحد ازبل من الزبالة سواق والله كان السبب بس سيبته ومشيت ومن بعدها اى حد يقولى ادخل وانا مش مطمن لازم اقف واطمن الاول
لرابعا ابأ ببولش وكمبوند وشوف هيجيب اد اية؟

[hinrey_2]

شكرا جزيلا باذن الله اجرب الكمباوند والبوليش

[hinrey_2]

اكملكم الحكاية النهاردة بوصل ابنى للمدرسة بعد حكة امبارح والاكصدام وقع فى الطريق الظاهر هوه كمان اتهز من الحكة ولقيت سمكري فاتح باقوله الاكصدام وقع لقيته بيقولى طيب سيبها اصل انا ما باشتغلش دلوقتى مع انه مسمار قلاووظ بصمولة وهايتربط طبعا ركنت فى الشارع لقيته بيقولى انت سايبها مفتوحة قلت له لأ قالى طب افتحها او سيبلى المفتاح .طبعا لا فتحتها ولا سبت المفتاح وصاحبنا قالى براحتك .
وخدت ابني لمدرسته على رجلينا مع التاخير طبعا ورجعت خدت العربية والاكصدام واقع وروحت على البيت وربطت الاكصدام فى 10 دقائق .
الصنايعي جاري مرضيش يساعد واحد فى ضيقة ومعاه طفل مع انه هاياخد فلوس .وكان عايزنى اسيب المفتاح وامشى علشان ارجع الاقيه مصلح الاكصدام ويقولى انا عملت وسويت ويكبر الشغلانة
ملحوظة انا ربطت الاكصدام وما احتجتش افتح العربية .
الرحمة من عندك يا رب

[rotanamasoud]

هو الضمير وحده اللى مات
الاخلاق ماتت
الشهامه ماتت
الرجوله ماتت
الخ