ناوي علي c4 بيكاسو جراند وطالب مساعدتكم

[somabakr]

إخواني الكرام

أنا ناوي بإذن الله علي c4 بيكاسو جراند2010 مستعمل وطالب مساعدتكم في الأتي:

1. إية أهم الحاجات اللي أبص عليها؟
2. قطع الغيار أخبارها إية؟
3. لو حد قدامة عربية نظيفة وفبريكة ياريت يبلغني.

وشكرا مقدما يارجالة

[somabakr]

إية يارجالة الستروين ده أنا زبون جديد هههه

ياريت تنصحوني عشان أنا بفكر في الـ c3 برضة

[محمود سامح]

سيارة ممتازة جدااا

[somabakr]

شكرا أستاذ محمود ولو حضرتك تعرف أي تفاصيل أكون شاكر جدا

[J A G U A R]

ال c3 انتشارها قليل وتوكيلها زفت

[somabakr]

شكرا أستاذي لمرورك بس أنا بسأل علي الـ C4 Grand

إية هية الحاجات اللي أسأل البائع عليها كنقط فنية في العربية دية

[M R. Z E C O]

صديقي العضو
طبعا زي ما سادتك عارف انتشار ستروين ضعيف فده البيتقل سوقها شويه بس ممكن تستغل الموضوع ده لصالحك وتدور على c5 طبعا غنية عن التعريف طبعا استعمال والعربية دي بالزات في اعاده البيع بعد الزيرو بتنزل جاااامد . انما لو خلاص قررت فحاول يكون حد ثقة اتفاهم معاه مبدايا عالسعر وفهموا الكلام النهايي بعد الفحص هتفحص العربية في مركز سمكرة او عند سمكري معرفة بس حليلو بقه لصاحبنا البايع العربية يشتريه لو لقيت فيها مشاكل او عامله حادثة سيبها لو مفيش مشاكل كمل على فحص التوكيل واعرف مشاكله والاهم تاخد بالك من التيل والطنابير والزيوت والسيور ولو عايزة مصاريف فده هيقلل من السعرواهم حاجة تعمل للعربية كار كير كامل وبالتوفيق
تقبل مروري zeco

[somabakr]

شكرا أستاذ زيكو علي المساعدة بس الـ c5 هاتبقي غالية شوية عن الـ 100000

[أبو_يوسف]

ربنا يوفقك وتلاقي حاجة كويسة..
هي العربية دي في منها اتوماتيك ولا مانيوال بس؟
مواتير الديزل بتاخد بنزين عادي ولا ايه النظام؟

[M R. Z E C O]

شكرا أستاذ زيكو علي المساعدة بس الـ c5 هاتبقي غالية شوية عن الـ 100000

صديقي العضو

خلاص نفس الكلام اعمله على c4
تقبل مروري zeco