هل هناك جديد ؟

[say135]

انا في حيرة في الاختيار بين بيجو 301 وستروين اليزية ، وتابعت كل ما كتب وخاصة مشكلة التكييف في ستروين . ولكني لاحظت ان المناقشات قد توقفت عند شهر 9 من عام 2013 . هل هناك اي معلومات جديدة فيما يخص الستروين من واقع التجربة لحوالي عام كامل وخصوصا فيما يتعلق بثمن قطع الغيار وجودة الوكيل ؟ لاحظت ايضا خلال ركوبي الستروين ان مساحة الرؤية من الزجاج ضيقة الى حد ما عن البيجو التي تبدو اكثر اتساعا . فهل هذه ملحوظة شخصية ام موضوعية ؟ واخيرا هل ينتهي هذا الشعور لو كان صحيحا بالتعود على السيارة ام انه يمثل مشكلة خلال القيادة .. ارجو الاهتمام بالرد لأنني في الحقيقة اجد الستروين أفضل من حيث التصميم الخارجي واريد ان احجزها سريعا قبل الصيف . شكرا للجميع

[kokowasfy]

الاتنين اخوات شوف الى يريحك فيهم و اتكل على اللة فية

[الجنرال]

مشكلة التكييف وقفت فى شهر 9 لانها اتحلت خلاص الحمد لله ومبقيتش مشكلة بعد تحديث السوفت وير

اما موضوع الرؤية ده معرفش محستهوش .. يمكن لانى مجربتش سواقة ال 301

عموما .. استخير وربنا يكرمك ان شاء الله

[doc mohamed]

انا في حيرة في الاختيار بين بيجو 301 وستروين اليزية ، وتابعت كل ما كتب وخاصة مشكلة التكييف في ستروين . ولكني لاحظت ان المناقشات قد توقفت عند شهر 9 من عام 2013 . هل هناك اي معلومات جديدة فيما يخص الستروين من واقع التجربة لحوالي عام كامل وخصوصا فيما يتعلق بثمن قطع الغيار وجودة الوكيل ؟ لاحظت ايضا خلال ركوبي الستروين ان مساحة الرؤية من الزجاج ضيقة الى حد ما عن البيجو التي تبدو اكثر اتساعا . فهل هذه ملحوظة شخصية ام موضوعية ؟ واخيرا هل ينتهي هذا الشعور لو كان صحيحا بالتعود على السيارة ام انه يمثل مشكلة خلال القيادة .. ارجو الاهتمام بالرد لأنني في الحقيقة اجد الستروين أفضل من حيث التصميم الخارجي واريد ان احجزها سريعا قبل الصيف . شكرا للجميع

بص انا كنت محتار زيك كده وفي الاخر لقيت النصيب والظروف كلها بتوجهني للسيتروين،الخلاصة من وجهة نظري ان العربيتين اخوات في الموتور وكل الاساسيات الاختلاف في الشكل والتوكيل والسعر(وقت ما اشتريتها كان فرق10000 للتسليم الفوري)،انا من اول ماشوفت العربيتين بالنسبالي السيتروين احلي من الخارج(بالذات اللون الفيراني تحسها بي ام هههههههههه) والتابلوه من جوه احلي وشكل الجنوط علي شكل ديل الدولفين احلي من البيجو(دي طبعا اذواق مش تقليل من البيجو خالص انا والدي شايف ان البيجو احلي كتيييييييير)،بصراحة مضحكش عليك رغم ان اعجابي كان بالسيتروين الا اني حجزت البيجو من اباظة واعدت مستنيها اد كده(خوفا من عز العرب ومن قلة انتشار السيتروين وحبا في الاسد الفرنسي) وشائت الظروف والنصيب في الاخر اني استلمت السيتروين(ذكرت الظروف في موضوع في قسم بيجو)،والحمد لله الي الان تعاملت مع عز العرب في اصلاح حادث بسيط والصيانة الاولي وانطباعي انهم جيدين مش وحشين ومش حلوين(بس خلي بالك انا متعاملتش لفترة طويلة اقدر احكم عليهم الله اعلم) ملحوظة اخري انتشار السيتروين هيبقي تقريبا ربع انتشار البيجو حتي بعد فترة ده راي الشخصي لو الموضوع ده هيفرق معاك هات بيجو وبلاش سيتروين وفي الاخر صلي استخارة وتوكل علي الله وشوف هتختار ايه ومبروك مقدما واي استفسار انا تحت امرك

[civilpharaoh]

بص يا باشا الاتنين واحد تقريبا الإختلاف في الشكل الخارجي .مساحة الرؤية واحدة و مشكلة التكيف إتحلت من زمان.مسألة مين أحلي دي أذواق أنا شايف الستروين غيري شايف البيجو،العيب الوحيد الي شايفه في البيجو هو ان الإكصدام الأمامي مش بارز عن الكبوت ولو حاجة بسيطة فأي خبطة من الأمام بتيجي في الكبوت غير كدة هي عربية ممتازة هي و الإليزية.مسألة التوكيل بصراحة لسه مجربتوش و إن شاء الله منحتجلوش إلا في الصيانات الدورية فقط.مسألة الإنتشار دي بسبب ثقافة المشتري و السوق وإلا مكنش الكوري مغرق البلد مع كل الإحترام للكوري.ربنا يوفقك للإختيار الصحيح

[say135]

شكراااااااااااااااااااااا ااااااااا

الف شكر ياجماعة على سرعة الاستجابة والمعلومات ، وان شاء الله نتواصل معا من خلال هذا المنتدى الرائع ... تحياتي للجميع