المساعد ياشباب

[dr_elzawey]

السلام عليكم ورحمه الله وبركاته
كيف حالكم جميعاً
هذه أول مشاركة لي في المنتدي الكريم
اخواتي اريد أن اشتري عربية مستعمله في حدود 12 الف ففكرت في الاتي
1- فيات 1300 لانها منتشره جدا عندنا في اسيوط وبتشتغل تاكسي بس الناس قالتلي ابعد عنها لانها قديمة أووي واتلاقيها هلكانه

من الشغل
2- بيجو 104 منتشرة عندنا ونفس الكلام لما سألت عنها قالوا ملهاش قطع غيار
3-فيات 128 الناس عندنا لما سألتهم قالوا السعر دا ممكن تجيب واحد كويسة بس اتكون موديل قديم وخايف من مشكلة الشروخ
4-ستروين ax سألت عليها قالولي مش اتلاقي ليها قطع غيار حتي مسمار ليها مش اتلاقي ولكن لما سألت واحد كان معه العربية

دي قالي في ناس بتبيع قطع غيار في اسيوط ووصفلي عناوينهم والحظ انهم جنبي قي السكن بس قالي لو البياع قالي الحاجة ب 10

مش اتقدر تنزل من سعره لانهم مفيش غيرهم في السوق عندنا وكمان قطع غيار غالي وكمان في صنايعي شغال فيها
هل يعني لو في قطعه غيار للفيات 128 ب 10 الاقيها في الستروين ب 100 جنية ولا مش الغلو دا بس حضراتكم بتقولوا الحاجة بتعمر
5-فيات 124
6-فيات 127 اربعه باب قالوا ضيقة
ياشباب انا عايز عربية اروح بيها الشغل يبعد مسافة 18 كم من سكني كل يوم وكمان تكون حنينة عليا في المصاريف علشان

المرتب قد حالنا ( بعمل مدرس ) ومش عايز كل شوية اروح للمكانيكي
فنرجو النصيحة لوجه الله

[أبو ياسين]

128

[hemaa_82]

لو علي قد الشغل رايح جاي من غير هبد مطباي و رزع ...128 عمرها ما هتضايقك .... هية بتشرخ مع المساعدين المحجرة و لبس المطبات ....

من الاخر مساعدينها الامامي دول روح العربية

[dr_elzawey]

شكرا ياشباب بارك الله فيكم
لو سمحتم طيب المبلغ 12 الف يجيب موديل كام في فيات 128
وللعلم دي أول مرة أشتري عربية ومش ناووي اغيرها الا بعد مده كبيرة لعجز الفلوس

[J A G U A R]

127 اقلهم اعطالا

[dr_elzawey]

شكرا لكم وبارك الله فيكم

[Honda_lover]

ال ١٢٧ افضل بس تكون حالتها حلوة وتكون موديل قريب سوبر فيورا يعني وللاسف المبلغ اللي مع حضرتك صعب يركبك سوبر فيورا بحالة حلوة المبلغ دة يركبك ١٢٨ موديل ٨٣-٨٦ وتكون محتاجة شوية مصاريف

[dr_elzawey]

شكرا لك أخي بارك الله فيك