استفسار من ملاك الاليزية

[civilpharaoh]

عندي سؤال لملاك الجميلة الاليزية.في صوت تكة بسمعها من ناحية الفتيس لما أجي أدوس علي الفرامل علشان انقل بس من ال p إلي اي نقلة تانية.هو صوت فك التعشيقة أو تحرير الفتيس بس هل الصوت ده المفروض يتسمع لأني مكنتش ملاحظة قبل كدة فمش عارف ده طبيعي ولا إيه؟معلش فيه سؤال تاني أنا حاسس إن النقلات تقيلة يعني لما أجيب ال p أو الd أو الr بحس عصاية الفتيس تقيلة فهل ده طبيعي أصلي كنت راكب لانسر قبل الاليزية فمكنتش حاسس بالحاجات دي فمش عارف ده طبيعي ولا ايه

[elbasha2020]

[QUOTE=civilpharaoh;3875501544]عندي سؤال لملاك الجميلة الاليزية.في صوت تكة بسمعها من ناحية الفتيس لما أجي أدوس علي الفرامل علشان انقل بس من ال p إلي اي نقلة تانية.هو صوت فك التعشيقة أو تحرير الفتيس بس هل الصوت ده المفروض يتسمع لأني مكنتش ملاحظة قبل كدة فمش عارف ده طبيعي ولا إيه؟معلش فيه سؤال تاني أنا حاسس إن النقلات تقيلة يعني لما أجيب ال p أو الd أو الr بحس عصاية الفتيس تقيلة فهل ده طبيعي أصلي كنت راكب لانسر قبل الاليزية فمكنتش حاسس بالحاجات دي فمش عارف ده طبيعي ولا ايه



اولا موضوع التكة اللي في الفتيس عندي ودي تقريبا عشان متنقلش الغيار من P الا لما تدوس فرامل و مش هتسمعها الا لما تكون واقف في مكان هاادي او جوه الجراج انا بحس بيها كده
ثانيا موضوع تقل عصاية الفتيس مقدرش افيدك لني مجربتش الاوتو غير فيها بعد الشاهين مانويل فطبيعي معرفش بس هو عادي بالنسبة لي مش تقيل يعني عاادي شايفه عاادي

[islam.3bada]

التكة اللي بتسنعها دي طبيعية مفيهاش اي مشكلة زي ما حضرتك قولت ده صوت تحرير الفتيس، موضوع ان عصاية الفتيس تقيلة ده طبيعي و مش هتلاقيه فارق كتير بين اي عربية فتيسها علي سوستة [متعرج] حضرتك حسيت بالفرق ده بعد اللانسر عشان فتيس اللانسر علي زرار [مستقيم
]
انا كان معايا السيراتو نفس نظام الفتيس بتاع اللاليزيه و مكنش فيه فرق يذكر في نعومة العصاية نفس الاحساس تقريبا
فا ده حاجة طبيعية متقلقش

[civilpharaoh]

الف شكر يا رجالة علي الاهتمام .الي فهمتوا اني طبيعي اسمع الصوت ده من الفتيس بس غريبة اني مكنتش واخد بالي منه من الاول. انا عندي سؤال تاني هو انا ايه الي ممكن اعمله علشان اهدي صوت الموتور شوية.هل اعمل عزل للكبوت ؟ولو اه بيتعمل فين و بكام وهل هيأثر علي حرارة الموتور أو له اي مشاكل؟ولو مينفعش الحل ده ايه ممكن يتعمل؟و ألف شكر مرة تانية

[islam.3bada]

فكرة انه ياثر على تبريد السيارة متخافش منها لانه التبريد مالوش علاقة بعازل الكبوت , و عدم وجود العازل الغرض منه تخفيض التكلفة مش اكتر

معرفش صراحة حد عمل عزل بس انا بفكر جديا فى الموضوع ده
الكبوت مش هيحتاج اكتر من 2 متر عزل و تقص منه على قد مساحة الكبوت الداخلية و هيثبت بكلبسات

[civilpharaoh]

فكرة انه ياثر على تبريد السيارة متخافش منها لانه التبريد مالوش علاقة بعازل الكبوت , و عدم وجود العازل الغرض منه تخفيض التكلفة مش اكتر

معرفش صراحة حد عمل عزل بس انا بفكر جديا فى الموضوع ده
الكبوت مش هيحتاج اكتر من 2 متر عزل و تقص منه على قد مساحة الكبوت الداخلية و هيثبت بكلبسات

طيب يا باشا لو عرفت بيتعمل عند مين قولي و نجرب سوا بس هل العازل ده هيعزل الصوت عن الصالون ولا عزل صوت الموتور عن الخارج فقط؟

[islam.3bada]

هو مش هيتعمل :)
هو احنا اللى هنعمله فعليا
كل المطلوب حاليا ان احنا نلاقى حد بتاع عوازل كويس و عنده انواع كويسة
بالنسبة للتاثير على الصوت داخل الصالون , هو هيقل اكيد لكن بشكل طفيف
لو هدفك هو الصوت داخل الصالون هتركب العازل فى صدر العربية خلف الموتور , و هنا المهمة هتبقى اصعب شوية فى التركيب و التثبيت

[civilpharaoh]

في حد قالي ان بتوع العزل موجودين في شارع محمد علي من ناحية المناصرة عندك فكرة عن الموضوع ده

[civilpharaoh]

والكلبسات تتجاب منين؟

[islam.3bada]

معرفش حاجة عن موضوع المناصرة ده , الكلبسات موجودة فى التوفيقية

[civilpharaoh]

دا كمان حوض العربية مفيبهوش اللباد العازل بين الموتور و كابينة القيادة يا حلاوة و دي كانت هتكلفهم كام يعني.اهي دي بقي ملهاش حل اكيد مف هفك الموتور علشان اركب العازل في الحوض

[islam.3bada]

دا كمان حوض العربية مفيبهوش اللباد العازل بين الموتور و كابينة القيادة يا حلاوة و دي كانت هتكلفهم كام يعني.اهي دي بقي ملهاش حل اكيد مف هفك الموتور علشان اركب العازل في الحوض

مين قال بس يا باشا انه العازل مش موجود , لو مش موجود كان هيبقى الصوت مسموع على طول و على اى رينج من لفات الموتور . و كنت هتبقى قاعد فى فرن من كتر الحرارة ,
انا بقول لحضرتك انه يتحط العازل هنا لزيادة العزل مش لان العربية مفيهاش عازل

تحياتى

[civilpharaoh]

ماشي يا باشا هعديها علشان خاطرك يس المهم عايزين نشوف موضوع عزل الكبوت ده