C4 Picasso - سي 4 بيكاسو

[Nehad Aly]

سلام عليكم
انا ناوي اشتري سي 4 بيكاسو

ممكن حد يقولي اهم مشاكلها ، ومميزاتها بنا على تجرته الشخصية ؟

شكرا

[Captin fg]

دة سؤال لغز يا نهاد العربية بيتسال عليها كتير بس مفيش حد بيجاوب

[ENG.MaRk]

شكلها وحش قوي

[Migo123]

لو السؤال على الجراند بيكاسو الموجوده عن الوكيل حاليا هي عربية ممتازة جدا وعملية واسعة و ركوبة محترمة جدا لكن الموتور الحالي لازم يشتغل بنزين 95 والا هيروح قريب جدا

[Nehad Aly]

هو انا حاسس ان قسم الستروين دا اصلا قسم مهجور :)

بالنسبة لشكل العربية فدا شيء نسبي .. والدنيا ازواق

اما بالنسبة للعربية ، فانا بصراحة مش عايز اجيب الستروين سي 4 بيكاسو
انا فعليا عايز اشتري سي 3 بيكاسو

بس سألت كذا مرة هنا عنها ومحدش رد ( شكلي انا الوحيد في بفكر فيها )
فدورت لغاية ما لقيت ان سي 4 بيكاسو فيها حاجات منها زي الفتيس ، ودي اكتر حاجة انا مقلق منها

ويمكن لو لقيت ان في فرق جودة اعلي ، احاول ادبر الفرق و اجيبها

[Migo123]

انا اتفرجت على c3 picasso صالونها فقير جدا مقارنة بال C4 .... عموما الموديل المقابل لها في بيجو هو 2008 و اعتقد انها هتكون افضل بكتيير

[Nehad Aly]

الصالون فقير مقارنة بال سي٤ دي جملة متفق معاك فيها لحد كبير

بس العربية اوسع من جوه من السي٤ بكتير ، واعلي منها على الارض


بالنسبة للبيجو ٢٠٠٨ ، طبعا غني عن الذكر ان البيجو و ستريون شركة واحدة اغلب الموديلات فيها نفس الاجزاء


اولا بيجو ٢٠٠٨ سعرها اعلي ب ١٠ الاف
المساحة الداخلية ضيقة ، ومستحيل الجلوس فيها في الخلف لو رجعت الكرسين الامامين للخلف

المقعد الوسط في الكنبة عديم القيمة تقريبا ، مساحته الكنبة قليلية من جهه ، وكمان الارتفاع في ارضية العربية في الوسط يخلي مفيش مكان لرجله عشان يحطها

العربية ارتفاعها اقل من ارتفاع السي٣ بيكاسو ب ١٣ سم ... ودا مش رقم قليل خالص


الفتيس مختلف ، في البيجو هو نفس بتاع السي ٤ وهو اوتو ماتيك ستيب ترونيك
اما في حالة السي ٣ بيكاسو فهو فتيس نصف اوتوماتيك ب ٦ نقلات ( نفس التكنولوجيا المستخدمه في العربيات الراللي للستروين )


على ذكر الصالون ، بيجو ٢٠٠٨ علي سبيل المثال مفيش مكان للكوبيات العربية نهائي ( حاجة غربية جدا )

العربتين متقاربتين في الاوشن ... بيجو فيها بلوتوث ... الستروين فيها تثبيت السرعة و حساسات ركن خلفي


طبعا البيجو سعر البيع بتاعها اعلي من سترين بلا جدال
وتوكيل بيجو يقال انه احسن من بتوكيل سترين ( عز العرب )


انا مازال اكتر حاجة عايز اطمن منها هي مشاكل الفتيس نصف الاوتوماتيك على المدى البعيد ( فوق ١٠٠ الف كيلو )

[hemaah48]

السلام عليكم ورحمة الله وبركاته
اخوانى الاعزاء انا من ملاك السى4 بيكاسو 2012 السياره فى مجملها رائعه ولكنى سأقول مشكلها بكل صراحه
اولا موضوع البنزين فعلا لازم بنزين 95
ثانيا هى ايزى ترونك وده له استخدام هادى شويه عن الجير العادى زى الاوبل فيكترا 2008
موديل 2012 فيها مشكله بالحراره ويجب تغير كوعه الثرموثتات بالتوكيل مجانا
السياره بتأكل زيت شويه بسب التربو
اذا استخدم بنزين 92 بعد فتره يحصل مشاكل بالانجن وبالموتور
ده اللي انا لاحظته الى الان
اما المميزات فحدث كثيرا عن النعومه والفخامه والمتانه العفشه الجباره بصراحه من افضل السيارات التى استخدمتها

[mcml_13]

لسه مجرب ال c3 picasso
الفتيس بتاعها ماعجبنيش خالص ... العربية بتهدى فى الغيار بين النقلات ... بنحس انها زى ماتكون بتدوس فرامل لواحدها لحد لما الغيار ينقل

[Nehad Aly]

لسه مجرب ال c3 picasso
الفتيس بتاعها ماعجبنيش خالص ... العربية بتهدى فى الغيار بين النقلات ... بنحس انها زى ماتكون بتدوس فرامل لواحدها لحد لما الغيار ينقل

في فعلا حتديك الاحساس دا ، لانها فعليا زي العربية المانوال ... لازم ترفع رجلك من على البنزين عشان العربية تنقل الترس بطريقة ناعمة


ممكن تقولي عشان بقيت تجربتك في سواقتها ... الموتور ، الصوت ، العفشة ، التكييف ، تجربة السواقة في مجملها

وفين أقدر اروح اعمل تجربة قيادة ( لو كانت سواقتك ليها كان عن طريق معرض )

[chtamer]

check inbox