تقرير صيانة 10000 كم للاليزيه و اصلاح حادث بالتوكيل

[islam.3bada]

بداية الحمد لله على كل شئ
من شهر تقريبا العربية اتخبطت خبطة بسيطة على الدائرى ادت الى كسر القاعدة العلوية للفانوس الامامى شمالى بسبب ان الرفرف لما اتخبط اتحرك من مكانه وده كان اول اختبار حقيقى بالنسبة لى للعربية و الحمد لله تاكدت من قوتها , الخبطة كانت فى الجزء المدبب من اكصدام ميكروباص نيسان قديم والحمد لله الخسائر كانت اقل مما توقعت , الفانوس سليم تماما باستثناء القاعدة اللى اتكسرت من اثر تحرك الرفرف و الاكصدام سليم تماما :018a1d~146:

الرفرف كان ممكن يتسمكر عادى جدا لكن التوكيل قال هنغيره و بالفعل تم تغيير الرفرف و الفانوس و الكارتيرة عشان فيها شرخ 5 سم !!!!!!

سعر الفانوس : 1655 جنيه بعد الضريبة
سعر الرفرف : 980 جنيه بعد الضريبة

مش متذكر سعر الكارتيرة بالظبط بس هى سعرها غالى شوية فى حدود 340 لـ 370
طبعا التامين تكفل بالموضوع الحمد لله .

نيجى بقى للمهم صيانة الـ 10000 كم .
استغليت فرصةوجود العربية بالتوكيل و عملت صيانة الـ 10000 كم

تم تغيير الزيت و فلتر الزيت فقط
سعر الزيت : 312 جنيه قبل الضريبة
سعر الفلتر : 49 جنيه قبل الضريبة

طبعا انا كنت رايح و متحفز عشان موضوع التيل و حدث ما توقعت لما سالت على التيل قالى انه فاضله من 4000 الى 5000 كم بالكتير و العربية كانت عاملة 9000 كم
من غير الدخول فى مشادات معاهم قررت ان المرة الجاية ان شاء الله هركب تيل من بره

جدير بالذكر ان 300 جنيه ( 270 + 27 ضريبة ) مصنعية كتير جداااااا على تغيير زيت وفلتر و تشيك على العفشة و الفرامل و السوائل

جدير بالذكر ايضا ان المعاملة كانت كويسة جدا و المهندس هشام اللى كان مسئول عن عربيتى رجل فى فمة الذوق و الاحترام و اللباقة
و انهم انجزوا العربية فى وقت كويس نسبيا .


تحياتى

[civilpharaoh]

قدر الله و ما شاء فعل اي حاجة بسيطة المهم انك بخير

[Hema_Basha]

الف مبروك يا سمسم علي الصيانة عقبال المليون ان شاء الله

[Hema_Basha]

برضوا زي البيجو يعني التيل ميقغدش اكتر من 12 او 13 الف كم او زي حالاتي ميكملش عشرة

[hamaka]

أولاً الحمد لله على سلامتك ، ثانياً المهندس هشام من الناس الممتازين هناك و المهندس كريم برضه لو اتعاملت معاه راجل فى منتهى الذوق و بيفهم كويس قوى...بالنسبة للتيل أنا أعتقد ان تيل السى 4 موديلات 2004 - 2010 ممكن يركب عندك ، ده المفروض ان الأصلى منه أجود من بتاع الايليزيه و بيقعد من 20000 ل 25000 لواحد سواقته عادية يعنى شد متوسط مش كتير ، و لو واحد سواقته هادية خالص و مفيش شد تقريباً ممكن يكمل معاه 30000 كم

[amrelsaqqa]

مبروك ياباشا

بس الفانوس بقى بـ 1600 وشوية وهو كان نازل بـ 1400 بالضريبة
الظاهر مفيش فايدة

[islam.3bada]

قدر الله و ما شاء فعل اي حاجة بسيطة المهم انك بخير

متشكر ليك يا باشا

الف مبروك يا سمسم علي الصيانة عقبال المليون ان شاء الله

الله يبارك فيك يا هيما بنتعلم من مشاركاتك وصيانة المليون اكيد انت هتروح و تحكيلنا بقى انت سابقنا بكيلومترات كتير ما شاء الله

برضوا زي البيجو يعني التيل ميقغدش اكتر من 12 او 13 الف كم او زي حالاتي ميكملش عشرة

ولاد عم ما انت عارف , ومعاكم فى الموضوع التيل الـ EBC ان شاء الله

[islam.3bada]

أولاً الحمد لله على سلامتك ، ثانياً المهندس هشام من الناس الممتازين هناك و المهندس كريم برضه لو اتعاملت معاه راجل فى منتهى الذوق و بيفهم كويس قوى...بالنسبة للتيل أنا أعتقد ان تيل السى 4 موديلات 2004 - 2010 ممكن يركب عندك ، ده المفروض ان الأصلى منه أجود من بتاع الايليزيه و بيقعد من 20000 ل 25000 لواحد سواقته عادية يعنى شد متوسط مش كتير ، و لو واحد سواقته هادية خالص و مفيش شد تقريباً ممكن يكمل معاه 30000 كم

الله يسلمك يا باشا , لم يسعدنى الحظ بالتعامل مع المهندس كريم لسه , بس كويس انك طمنتنى

انا برضه كنت فكرت فى موضوع التيل ده و كنت متاكد ان فى تيل من هيركب عليها من اى من موديلات ستروين التانية زى ما تيل الـ 301 طلع هو بتاع الـ 207 و كنت بفكر فعلا افك التيل و انزل لاى حد بتاع قطع غيار فرنساوى اسال عليه , ان شاء الله هشوف موضوع تيل الـ c4 ده او الـ 207

حضرتك كنت بتجيب تيل الـ c4 بكام ؟ و ماركته ايه ؟ و هل فى منه مضروب ؟

[islam.3bada]

مبروك ياباشا

بس الفانوس بقى بـ 1600 وشوية وهو كان نازل بـ 1400 بالضريبة
الظاهر مفيش فايدة

الله يبارك فيك يا عمرو

انا مهتمتش اعرف سعر اى حاجة عشان كنت معتمد على التوكيل , بس انا لما راجعت لستة الاسعار اللى عندى لقيتهم كاتبين فى اخر الورقة ان الاسعار طبقا لسعر العملة الحالى . و طبعا لو اتكلمت معاه هيكون الرد معروف ان الدولار و اليورو سعرهم زاد و باقى الكلام معروف

بس انا اللى استفذنى الصراحة مش سعر الفانوس انما سعر الكارتيرة , كتير اوى على حتة بلاستيك

[islam.3bada]

انا كنت عايز اشترى الجهاز الصغير ده اللى بيكشف عن سمك البوية اللى بيستخدمه تجار العربيات , لو حد يعرف بيتباع فين ياريت يقولى

[Hema_Basha]

حبيبي يا سمسم والله
انا والله شارع بتاع ال207 عندي احتياطي بس لسه مركبتوش والتيل ال
Ebc هفضي بس كده وانزل للراجل بنفسي بورسعيد
انا عامل لحد دلوقتي 25500 فاضل 3000 كم واعمل صيانة ال30000 كم ان شاء الله انا بعملها بدري شوية علشان المرتين اللي فاتوا كتت بروح بدري علشتن الزفت التيل كان بيخلص بدري وكالعادة التيل اللي مركبه عندهم لتاني مرة عمال يصفر

[abohend]

مبروك

مبروك الصيانة و الإصلاحات
و متابع بقوة آداء توكيل سيتروين من باب المقارنة ببيجو

[hamaka]

الله يسلمك يا باشا , لم يسعدنى الحظ بالتعامل مع المهندس كريم لسه , بس كويس انك طمنتنى

انا برضه كنت فكرت فى موضوع التيل ده و كنت متاكد ان فى تيل من هيركب عليها من اى من موديلات ستروين التانية زى ما تيل الـ 301 طلع هو بتاع الـ 207 و كنت بفكر فعلا افك التيل و انزل لاى حد بتاع قطع غيار فرنساوى اسال عليه , ان شاء الله هشوف موضوع تيل الـ c4 ده او الـ 207

حضرتك كنت بتجيب تيل الـ c4 بكام ؟ و ماركته ايه ؟ و هل فى منه مضروب ؟

أنا بجيبه من التوكيل و بركبه هناك برضه ، كان تمنه من سنة بالظبط 390 قبل الضريبة و المصنعية ، و ماركته سيتروين طبعاً ، بالنسبة بقى للمضروب كان فى حاجة محترمة جداً ماركتها ريمسا أسبانى وقتها كان عامل 160 أو 170 حاجة كدا و كان فى ناس مركباه و بتشكر فيه ، بس أنا مجربتوش الحقيقة ، أنا على طول بتعامل مع التوكيل حفاظاً على العربية و على أعصابى عشان معظم الصنايعية عايزين الحرق....

[islam.3bada]

حبيبي يا سمسم والله
انا والله شارع بتاع ال207 عندي احتياطي بس لسه مركبتوش والتيل ال
ebc هفضي بس كده وانزل للراجل بنفسي بورسعيد
انا عامل لحد دلوقتي 25500 فاضل 3000 كم واعمل صيانة ال30000 كم ان شاء الله انا بعملها بدري شوية علشان المرتين اللي فاتوا كتت بروح بدري علشتن الزفت التيل كان بيخلص بدري وكالعادة التيل اللي مركبه عندهم لتاني مرة عمال يصفر

جبته بكام تيل الـ 207 يا هيما و ماركته ايه ؟؟
عقبال صيانة الـ 3 مليون ان شاء الله

ومتابع معاك فى موضوع التيل لو فى اى جديد

[islam.3bada]

مبروك الصيانة و الإصلاحات
و متابع بقوة آداء توكيل سيتروين من باب المقارنة ببيجو

الله يبارك فيك يا ابو هند

معتقدش فيه فرق يذكر كل واحد عنده تكة
اللى انا لاحظته حتى الان :
- لسه مفيش عربيات اليزيه الى الان نزلت من غير غطاء الكنترول زى بيجو , يمكن عشان لسه منزلش سيتروين 2015 الله اعلم
- صيانة الـ 10000 فى سيتروين مبيتغيرش فيها لتر الهواء زى ما حصل مع ملاك الـ 301
- مش اخبار التعامل فى توكيل بيجو ايه , بس الصراحة الناس فى توكيل سيتروين ذوق جدا
- توكيل بيجو لسه لم يصيبه هبل الاسعار اللى اصاب عز العرب و عمل الاليزيه هاى لاين بـ 140000

ده اللى انا لاحظته حتى الان من متابعاتى