من تانى الصيف ومشكله التكييف c elysee

[back2life]

بما ان الصيف دخل والمعظم بيشغل التكييف فى العربيه اكيد اللى عنده سى اليزيه بيعانى من نفس المشاكل اللى روحنا للتوكيل بسببها ..

العربيه لما يوصل مؤشر الحراره ل 39 40 التكييف بيجيب هوا سخن نااااار وغير كدا ان سحب العربيه بردو لسه فيه مشكله بعد ماقلوا دا سوفت واير ... اللى عنده نفس المكشله انا راى ان الحل هو حقوق المستهلك ياريت ناخد موقف كلنا ونتجمع ونروح لحقوق المستهلك ونضغط على التوكيل

[kokowasfy]

متابع

[waleed acc]

العربية اصلا مفيهاش مؤشر حرارة عشان يجيب اربعين و لا تسعة و ثلاثون
و بعدين طول عمر التكييف الاوربي ضعيف
ايه الجديد و السحب انا شايف انه كويس مش وحش اوي يعني
و شكرا

[elsayed mohame]

مؤشر حرارة من أنهى إتجاه حضرتك ؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!
ستروين سى اليزية لا يوجد بها مؤشر حرارة وازاى التكييف اللى متظبط على البارد يجيب سخن !!
العربية كانت فيها مشكلة سوفت والحمد لله رب العالمين مبقاش فيه مشكلة .. وأنا الحمد لله راضى جدا عن العربية بعد تجربة 10 شهور .. ياريت حضرتك تقولنا عرفت درجة الحرارة ازاى فى عربيتك ؟؟؟؟؟؟!!!!

[asuity]

انا من اوائل الناس الليكان عندهم مشكلة التكييف دي .. المشكلة تم حلها الحمد لله والتكييف كويس
تحياتي

[islam.3bada]

بضم صوتى لباقى الاعضاء , ايه موضوع مؤشر الحرارة ده ؟؟

انا التكييف عندى كويس الحمد لله لسه مجربه امبارح و اول امبارح فى الحر و كان كويس
السحب بيتاثر تكيد بس مش بتموت لو قرصت سنة زيادة بتعمل اللى انا عايزه و بتسحب عادى

[back2life]

المؤشر اللى فى الشاشه الكاست دا لما بيوصل ل 39 او 40 التكييف بيجيب هوا سخن ماليش علاقه دا مؤشر داخلى او خارجه اياكان انا بقول اللى بيحصل معايا وانا العربيه عامل بيها 40 الف كيلو والمشكله دى كانت موجوده من وقت ماشترتها التكييف كان بيفصل بيجيب هوا مروحه لكن الموضوع دلوقتى بقى هوا سخن من الماتور ... بخصوص القرص فدى عربيه اتوماتيك لما تقرص وتهدى العربيه بتنتش ودا مش صح
تحياتى للجميع

[islam.3bada]

حضرتك لازم ترجع للتوكيل و تتاكد ان عندك كل حاجة مظبوطة وان عندك اخر نسخة من السوقت وير
درجة الحرارة اللى حضرتك بتقول عليها دى درجة الحرارة الخارجية و ايا كان , يوم الاربعاء اللى فات كانت 44 درجة على الشاشة و التكييف بيسقع عادى
و بخصوص انك تقرص و تهدى ايه اللى يخليها تنتش !!!!
و هل حضرتك تقصد السى اليزيه و لا الاتوماتيك عموما ؟

تحياتى
واتمنى المشكلة اللى عند حضرتك تتحل فى اقرب وقت ان شاء الله

[Muhammad.Salah]

ايه الاخبار يا باشا لسه في مشكلة في التكيف ولا اتحلت ؟

[Samy90]

نفس المشكلة عندي لما درجة الحرارة الخارجية بتوصل 40 العربية بتنتش فالزحمة والمكيف ولا كأنه شغال حتى لو كان max !
وعالطريق السريع سحبها بيقل جدا .. المشكلة دي عندي بقالها اسبوع والعربية ماشية 16 الف

[lamada]

انا مهندس تكييف و احب اقولك ان سبب المشكلة ان التكييف بيفصل حماية هاى بريشر

من اسباب المشكل:

1- ضعف مروحة الكوندنسر او سدد فى الكوندنسر و يجب تنظيفة و التاكد من عمل مراوح السربنتينة بكفأة
2- زيادة الشحنة اكثر من اللازم قد تتسبب فى تحميل زائد على التكييف و فصله هاى بريشر

ظبط الشحنة و اتاكد من عمل الكوندنسر فان بكفأة و اغسل السربنتينة و كل حاجة هتبقى تمام