الى خبراء السيتروين ax

[hemanil]

معايا عربية سيتروين ax 1400من 2010 حتى الان بحكم انى من طنطا وجدت ان معرفة الصنايعية بيها حوالى 60%
وعشان كده اصبحت بعمل فيها كل حاجة بنفسى تغيير جلب مقصات ردياتير فرامل كهربا ولكن فيه حاجة مش عارف اعملها بنسبة 100% وهى ضبط ومعايره الكاربرتير ارجو من الاخوة المحترمين يدلونى كيف اضبط الكاربيراتير وهل فية علامات معينة تدل على االكاربيراتير مظبوط على الرغم من انى بفكة حتة حتة وانظفة واركبة تانى ولكم جزيل الشكر لهذا الموقع المحترم

[rotanamasoud]

انا فكيته مسمار مسمار ونضفته لاكن لم اظبطه حتى الان (على ظبطه الميكانيكى فمقدرش افيدك)

[ضى القمر]

متابع

[hemanil]

بعد ما لاقيت كل ها الردود والمساهمات الغزيرة قررت انى اعتمد كليا على نفسى
وعشان كده عملت حاجة استطعت بيها اظبط الكاربيراتير وهى
فيه خرطوم واصل بين وش السلندر والعمه بتاعة الكاربيراتير بالصدفة انا شيلته وجدت صوت الموتور اتغير
وبدأت احاول تظبيط الهوا والبنزين وفعلا اتظبطو تمام ورحت عامل خرطوم طويل شوية وركبتة فى الماسورة اللى طالعة من وش السلندر ونهايته اسفل الموتور فى الفراغ ولم اهتم بالفتحة اللى فى عمه الكاربيراتير
الان صوت العربية بقى هادى خالص واستهلاك البنزين حاسس انه بقى افضل بس لى سؤال بسيط ايه الفائدة الضرورية من وصل الخرطوم بين العمة ووش السلندر ولكم جزيل الشكر

[rotanamasoud]

طيب ما انا عامل كده اصلا عشان الكاربراتير يفضل نضيف حتى لو المكنه سليمه ومبتنفخش (هو اصلا فايدته عشان البيئه وانت عارف اننا كمصريين مفيش بينا وبين البيئه عمار

[hemanil]

شكرا للأخ روتانا بس انت تقلان علينا لية هل اللى عملته مايأثر على الاداء الصحيح والموضوع مسألة بيئة فقط ولا هو ليه دور ولو بسيط غير موضوع البيئة ده ولوالمسألة عشان التلوث فقط ممكن احط اى نوع من الفلاتر يتصاحب مع البيئة شوية عشان البيئة متزعلش مننا واحنا مش اقل من الخواجات فى حفاظنا عليها ولك جزيل الشكر

[rotanamasoud]

بس انت قولت ظبط الكاربراتير مجاش فى بالى رجع الفايص
افضل ظبط خارجى فلتر اسبور مخروطى بيركب مباشر مكان العلبه السوده الكبيره اللى جواها الفلتر
تسد الفتحات زى فتحه الفايظ بحيث العمه متسحبش هوا غير من الفلتر فقط وحتشوف نتيجه وتحسن ملحوظ
اما عن فوائد الفايص فهو بيدخل هواء ساخن فى بدايه التشغيل بيريح المحرك(للدول البارده الفائده)وبيقلل من تلوث البيئه
اما عيوبه برجله الكاربراتير لدخول الزيت مع الهواء ويجب تنظيف الكاربراتير دوريا من الزيت فطبعا الافضل الغائه
واى حاجه معاك فى العربيه قول وانا مش بتاخر على حد ان شاء الله

[hemanil]

الاخ روتانا اراك متفاعل وحريص على ابدأالنصيحة وهذا يسلتزم من الشكر الكثير لك
ولى كام سؤال كده
1 ممكن الغى فتحة الفايص اللى خارجة من وش السلندر واقفلها بطبة ولا لها ضرورة ما
2 سمعت انك قولت المكنة بتنفخ هل فيه مؤشرات تبين حالة المكنة او نسبة كفائتها
3 هل فكرة سائل الريسورس فعال وايجابى ولا له حالة معينة يضطر اللجؤ اليه فيها
ولك جزيل الشكر

[rotanamasoud]

لا شكر على واجب
1-مفكرتش ابدا فى الغائها لانها بتنفث ضغوط من وش السلندر فالافضل تعمل زى ما بعمل خرطوم تبريد قديم وطويل وتثبته يضرب فى الارض
2- الحاله الممتازه للمكنه هى نفخ جاف هواء فقط والحاله الجيده جدا هى نفخ جاف مع زيت بسيط والمكنه اللى رايحه بتنفخ هوا على زيت(تنقط) ودى طريقه من طرق معرفه حاله اى مكنه
سائل الريسورس لم اجربه ولاكن اعتقد ان كل دى مسكنات

[hemanil]

شكرا للاخ روتانا وبدوام التوفيق