علي وشك اني أشتري C Elysee

[Caesar Ramiro]

السلام عليكم...

كل عام و الجميع بخير...

يا جماعة أنا عايز أشتري العربية دي.. شايفها تحفة و بجد أنا مش بحب سطوة الاختيارات التقليدية و السوق اللي للأسف بيخللي عربيات أدني بكتير تبقي ماشية ع الطريق أكتر من عربيات أفضل بمراحل...

أنا هشتري العربية بكرة إن شاء الله... بس يا ريت تجاوبونى علي كذا سؤال شاغلنى لحد دلوقت و المقارنة بينها و بين بيجو 301...

١. المواصفات... هل العربية فيها esp و لا لأ...؟؟

٢. السعر.

٣. التوكيل ( شكوى من عز العرب توكيل ستروين على خلفية تعاملهم مع مالكي بروتون.. لكن آخرين بيقولوا المعاملة مختلفة مع مالكي الإليزيه.. ايه الحقيقة..؟؟ ) غير كده أنا بحاول أوصلهم علي تليفونات مفيش رد أو خارج الخدمة...!!!

٤. مراكز الخدمة و الصيانة المعتمدة. خاصة ف القاهرة.. أنا من المنوفية.

٥. قطع الغيار.. توافرها و أسعارها.

٦. أداء العربيتين و استهلاك البنزين.

٧. انتشار العربيتين و خاصة الإليزيه.. و فكر السوق بخصوصهم اتغير و لا ايه.. و خاصة سعر البيع هل هو فعلا متدني أوي للدرجادي..!!

و إن شاء الله بكرة أجيبها منين تحديدا..!! من مركز معتمد زي اللي ف العجوزة و التسليم هيبقي فوري و لا أيه.. و لا أجيبها من معارض خاصة زي الفرش.. قلقان من موضوع ان بعض المعارض بتشيل أجزاء من العربيلت و تستبدلها و بتجيب العربيات سواقة مش بكساحات.. و تتخبط و تترش.. مهازل..!!

أفيدونا جزاكم الله خيرا...

[Caesar Ramiro]

و يا ريت لو حد من مالكى أي واحدة من السيارتين أو من لهم تجربة معاها يقولي علي موضوع "نتشة الفتيس" و "تيل الفرامل" اللي بيحتاج يتغير بسرعة دا.. فيه ناس بتقول انهم غيؤوه علي 10.000 كم...!!!

[Adnfalcon]

نتشه الفتيس بتحسها عند الغيار التاني . هي نتشه خفيفه
التيل فعلا بيخلص بدري بدري لأن عمره الافتراضي قصير جدا .. في ناس سمعت الصفاره بعد 1000 كم

[Raef Sobh Azab]

سأنقل لحضرتك تجربة أحد ملاكى السيتروين سى إليزيه وهو الأخ العزيز / إسلام الذى لم يبخل على بأى إستفسار عن السيارة

التقرير التالى من الأستاذ / إسلام

لو هنتكلم عن الستروين فى حد ذاتها وبكل موضوعية هى فيها حاجات رائعة و مثالية و فيها حاجات عادية و حاجات كان ممكن تكون افضل :

من الحاجات المثالية فيها :
1- الوسع الداخلى و وسع الشنطة ( الشنطة 506 لتر)
و الوسع ده ناتج عن الشاسيه الطويل نوعا ما بالمقارنة بنفس فئاتها ( قاعدة العجلات طولها 4652 ) و ده مديها ميزة عن باقى منافسينها فى الثبات
2- ارتفاعها عن الارض المناسب جدا جدا لطرقنا المصرية مع عدم التاثير على الثبات
3- الموتور ممتاز , قوى جدا واستجايته سريعة و اداؤه على الطريق جميل و استهلاكه للبنزين قليل لا يعيبه الا البطئ فى السحب قبل 2000 RPM كعادة كل السيارات الاوروبى و صوته العالى نسبيا
4- الاستايل العام للعربية و تصميمها المميز و الشيك و الفخم و خاصة فى التابلوه و اللى بيديها فئة اعلى من فئتها

الحاجات العادية :
1- التكييف كويس و بيسقع و بيعمل اللى عليه مجربتوش مرة و خذلنى حتى لما كانت درجة الحرارة 45 فى الشارع بس مش بقوة تكييف التويوتا مثلا او اليابانى عموما
2- الخامات الداخلية للابواب ( تحديدا ) و التابلوه كويسة ليست بجودة الفلونس مثلا او الاوبل و لكنها افضل من بعض العربيات الكورى مثل الاكسنت R B
3- الثبات كويس جدا مقارنة بكل عربيات نفس الفئة و افضل من الاكسنت و الريو و الصنى

حاجات كان ممكن تكون افضل :
1- الفتيس كان ممكن يكون افضل هو مش وحش بس فى احسن منه فى الفئة دى و هو محجم الموتور شوية و مش مخلى الموتور يطلع احسن ما عنده لكن الصراحة هو عزمه حلو جدا
2- الجزء الخلفى من الكابينة كان ممكن يكون افضل بوضع اماكن تخزين فى الابواب الخلفية او وضع كونسول ( مسند يد ) وسط الكنبة

على الهامش :
العربية اتحسنت كنير يعد فترة من الاستخدام بعد حوالى 8000 كم احساس النتشة البسيطة اللى كان بيحصل بين الاول و التانى اختفى و مبقاش بيحصل الا نادرا , التكييف اداؤه اتحسن اكتر من الاول اداء العربية بشكل عام افضل بعد فترة من الاستخدام ( تقدر تقول بالبلدى ان العربية طبعت و الفتيس و الكنترول خدو وقتهم فى انهم يسجلو قرءات و بيانات طريقة سواقتك )

توكيل عز العرب مش سئ للدرجة زى ما ناس كتير بتقول من غير تجربة للاسف بالعكس بالتجربة العملية اثبت انه احسن من توكيل بيجو ف التعامل مع العربية
و مع العميل و يكفى ان مفيش عربيات C-Elysee نزلت من غير غطاء الكنترول زى ما حصل فى البيجو

حاجاة كمان اكتشفتها بعد الشراء :
الستروين افضل فى التصميم من البيجو لان الاكصدام الامامى بارز عن العربية و يقدر يحميها من الصدمات عكس البيجو

ان موضوع التيل اللى بيخلص بسرعة ده فعلا مش بيطول و انا عندى المهندس فى التوكيل قالى انه قرب يخلص يعنى هيتغير على 13,000 كم
التيل فى التوكيل بـ 430 جنيه من غير ضريبة و مصنعية
ولكن العربية التيل بتاعها هو تيل الستيروين c4 و البيجو 307 موديلات ما بعد 2007
و ده لاقيته فرنساوى اصلى ماركة فاليو بـ 260 جنيه

العربية فيها مشاكل فردية محدش يقدر ينكر , انا شوفت ناس بتشتكى من حاجات انا اول مرة اسمع عنها و معنديش اى مشاكل لحد الان الحمد لله ( 11,800 كم )
انا كان معايا سيراتو 2010 و بعتها و جبت السيتروين و مبسوط اكتر مع السيتروين
كفاية العفشة و الفرامل لا تقارن نهائى بالكيا


فى ناس اشتكت ان التكييف ضعيف
وفى ناس اشتكت ان عند النزول من غيار اعلى الى غيار اقل العربية بتنط او او كانها خدت غيار اقل على سرعة عالية
( فى حاجات الناس اشتكت منها مش لانها عيب لكن اشتكت عن عدم فهم زى السحب اغلب اللى كان نازل من كوري او يابانى بيحس ان سحبها وحش لكن لو عرف ان الاوروبى طلعته بطية هو تصميمه كده مش هيشتكى مع العلم ان العربية بعد 3,000 RPM بتتحول و بتسحب بسرعة جد

[Raef Sobh Azab]

الصيانة عند 2500 كم ان شاء الله
مجرد مراجعة على السوائل بتاعة العربية و تشييك على العفشة و هى صيانة مجانية

مركز الخدمة الرئيسى: ابو رواش _ الكيلو 28 طريق اسكندرية الصحراوى جنب كارفور

استهلاك النزين بيختلف على حسب طريقة سواقتك و على حسب طريق سريع و سفر و لا طرق زحمة و سرعات بطيئة معظم الوقت و بتكييف ولا من غير
عموما انا التانك بيعمل معايا من 500 كم الى 580 كم من غير الاحتياطى
على حسب ظروف القيادة

[elsayed mohame]

أنا بفضل الله معايا سى اليزيه بقالها سنة إلا شهر وقعدت قبلها حوالى سنتين بفكر فى الإختيار اى عربية .. ورغم إنى كنت زهقت وزهقت كل اللى حواليا بس الحمد لله عرفت معنى إن كل تأخيره وفيها خيرة بجد الحمد لله تجربة مميزة جدا والحمد لله رب العالمين وربنا يديم نعمه ويدينا دائما خيرها ويكفينا شرها

[م.أحمد الدسوقي]

اتكل علي الله هيا اجمل من ال301 بس انا كنت حجيب البيجو برضه لو مكانك

ان شاء الله عربيه جميله وراقيه ربنا يديك خيرها ويكفيك شرها

[islam.3bada]

السلام عليكم...

كل عام و الجميع بخير...

يا جماعة أنا عايز أشتري العربية دي.. شايفها تحفة و بجد أنا مش بحب سطوة الاختيارات التقليدية و السوق اللي للأسف بيخللي عربيات أدني بكتير تبقي ماشية ع الطريق أكتر من عربيات أفضل بمراحل...

أنا هشتري العربية بكرة إن شاء الله... بس يا ريت تجاوبونى علي كذا سؤال شاغلنى لحد دلوقت و المقارنة بينها و بين بيجو 301...

١. المواصفات... هل العربية فيها esp و لا لأ...؟؟

لا يوجد بها esp مش بينزل فى النسخة المصرية , هى فيها ABS

٢. السعر.

[COLOR="rgb(0, 100, 0)"] اخر حاجة سمعتها 116,000 للمانيوال - 129,000 للاتوماتيك - 140,000 للهاى لاين [/COLOR]

٣. التوكيل ( شكوى من عز العرب توكيل ستروين على خلفية تعاملهم مع مالكي بروتون.. لكن آخرين بيقولوا المعاملة مختلفة مع مالكي الإليزيه.. ايه الحقيقة..؟؟ ) غير كده أنا بحاول أوصلهم علي تليفونات مفيش رد أو خارج الخدمة...!!!

[COLOR="rgb(0, 100, 0)"]فعلا الموضوع فى سيتروين مختلف لان الادارة مختلفة و بالتالى المهندسين و خدمة العملاء

ده تليفون فرع العجوزة 02-33025363

ده تليفون فرع ابو رواش 02-35390601-9

ده رقم أ/ جورج اسكندر من مدير مبيعات فرع العجوزة كلمه لو احتاجت تسال على حاجة
01006115007

[/COLOR]
٤. مراكز الخدمة و الصيانة المعتمدة. خاصة ف القاهرة.. أنا من المنوفية.

[COLOR="rgb(0, 100, 0)"]التوكيل فرع العجوزة و ده ميكانيكة فقط
التوكيل فرع ابو رواش

المراكز المعتمدة :
مركز امير و جوزيف - مدينة نصر و دى تليفوناتهم
22721412 / 22721448

01223104323

مركز اتو ماجد - جسر السويس و دى تليفوناته

22979297 / 22979770 / 22990888


٥. قطع الغيار.. توافرها و أسعارها.[/color]




[COLOR="rgb(0, 100, 0)"]مجربتش اسال على قطع غيارها برا التوكيل حنى الان [/COLOR]

٦. أداء العربيتين و استهلاك البنزين.

[COLOR="rgb(0, 100, 0)"]اداء العربية جيد جدا بشكل عام - الاستهلاك التانك بيعمل من 500 الى 570 كم [/COLOR]

٧. انتشار العربيتين و خاصة الإليزيه.. و فكر السوق بخصوصهم اتغير و لا ايه.. و خاصة سعر البيع هل هو فعلا متدني أوي للدرجادي..!!

[COLOR="rgb(0, 100, 0)"]البيجو منتشرة اكتر من السيتروين - فى وجهة نظرى المتواضعة ان فكر السوق متغيرش لكن اللى خلاهم يعملو مبيعات كويسة و يبدأو ينتشرو هو انهم كقيمة مقابل سعر هما احسن من فى فئتهم .

بالنسبة لسعر البيع محدش كتير اشتراها و باعها على حد معلوماتى عشان نقدر نحكم على السعر , اى عربية بتخسر مش اقل من 5 الاف لو بعتها بعد ما علقت نمر بساعتين بغض النظر عن ماركتها [/COLOR]

و إن شاء الله بكرة أجيبها منين تحديدا..!! من مركز معتمد زي اللي ف العجوزة و التسليم هيبقي فوري و لا أيه.. و لا أجيبها من معارض خاصة زي الفرش.. قلقان من موضوع ان بعض المعارض بتشيل أجزاء من العربيلت و تستبدلها و بتجيب العربيات سواقة مش بكساحات.. و تتخبط و تترش.. مهازل..!!


[[COLOR="rgb(0, 100, 0)"] لو عايز حاجة مضمونة روح التوكيل بس اعتقد التوكيل مفيهوش تسليم فورى - لو تسليم فورى شوف المعارض و افحص كويس . ممكن الليثى او القرش او سمير ريان
[/COLOR]
أفيدونا جزاكم الله خيرا...

تحياتى

[islam.3bada]

و يا ريت لو حد من مالكى أي واحدة من السيارتين أو من لهم تجربة معاها يقولي علي موضوع "نتشة الفتيس" و "تيل الفرامل" اللي بيحتاج يتغير بسرعة دا.. فيه ناس بتقول انهم غيؤوه علي 10.000 كم...!!!

النتشة هتحس بيها ما بين الغيار الاول و التانى و هى ممكن تقول عليها احساس بالنقلة بس واضح
انا عندى شبه اختفت نهائيا و مبقتش بتحصل الا نادرا ( انا حاليا عامل بالعربية 12000 )

التيل فعلا بيخلص بسرعة شوية انا لسه مغيرتوش بس و انا بعمل صيانة الـ 10 الاف كم المهندس قالى انه هيتغير على 13000 او 14000

انا سالت عليه برا و لاقيته بـ 260 جنيه
وان شاء ناوى اركبه برا التوكيل

[Raef Sobh Azab]

تحية خاصة للعضو الفعال الأستاذ / إسلام

[Caesar Ramiro]

اشكر كل من رد عليا.. و جزاكم الله كل خير...
أستاذ إسلام... انا تواصلت معاك ع الفيس و كان بخصوص شئ غريب...
أتمنى أن حضرتك تتواصل معايا ع الفيس ف أسرع وقت... تحياتي لك و لكل اعضاء المنتدى الكرام....

[Caesar Ramiro]

و شكر خاص لكل من د. رائف و أ. إسلام...

بخصوص النتشة يا فندم.. دي حاجة طبيعية يعني و لا عيب صناعة يستحق القلق و المتابعة مع التوكيل لإيجاد حل..؟؟

[islam.3bada]

و شكر خاص لكل من د. رائف و أ. إسلام...

بخصوص النتشة يا فندم.. دي حاجة طبيعية يعني و لا عيب صناعة يستحق القلق و المتابعة مع التوكيل لإيجاد حل..؟؟

لا دى حاجة طبيعية و مش عيب ولا حاجة و غير مؤثرة على اداء السيارة او الفتيس
مفيش منها ضرر من الاخر

[Fo1Fo]

بخصوص ها تجيبها منين .......... لو هاتجيبها الهاى لاين اللى هى ب 140 ألف انا قريت أعلان عامله الأحمدى موتورز انه عامل تخفيض 3000جنيه وفى واحد فى أكتوبر اسمه المهندس بيبعها ب138 الف ممكن تتصل بيهم وتتأكد .

[Caesar Ramiro]

بخصوص ها تجيبها منين .......... لو هاتجيبها الهاى لاين اللى هى ب 140 ألف انا قريت أعلان عامله الأحمدى موتورز انه عامل تخفيض 3000جنيه وفى واحد فى أكتوبر اسمه المهندس بيبعها ب138 الف ممكن تتصل بيهم وتتأكد .

أشكرك يا عزيزي.. جزاك الله خيرا...

طب يا جماعة العربية عرفت انها مفيهاش esp لكن فيها EBD مع ABS و لا لأ..؟؟