ارجو النصيحة c4

[Zoooooooooomy]

السلام عليكم و رحمة الله
معروض علية سيتروين C4 مانيوال موديل ٢٠٠٩ ماشية ٦٠ الف
مع العلم انا اصلاً معايا ميجان ٢٠٠٥ عايز اعرف ايه ال options الفي الفئة المانيوال الاولي و اية عيوبها و فيها rpm و مثبت سرعة ولا لأ
و السعر المناسب ليها يكون كام
برجاء الأفاده
شكراً

[Zoooooooooomy]

وًعايز اعرف هي ١٦٠٠ ولا ١٤٠٠

[kantofanto]

متابع

[Honda_lover]

فيها rpm وفيها كل امكانيات الاتو من مثبت ومحدد سرعة المحرك 1600 في كل الموديلات سعرها مناسب للموديل بشرط الحالة الممتازة غير كده تقل علي حسب اللي فيها وبقيمة اصلاحه

[عبدالله برعى]

لو ال10 الاف اللى مشيتهم فى مطبات يبقى اكشف على العفشة


لو طريقك مفهوش يبقى ربطها عند ميكانيكى شاطر وريح دماغك

اما لو انت حاسس انها فيها مشكلة او الاتزان واصوات غريبة يبقى روح التوكيل

[Honda_lover]

لو ال10 الاف اللى مشيتهم فى مطبات يبقى اكشف على العفشة


لو طريقك مفهوش يبقى ربطها عند ميكانيكى شاطر وريح دماغك

اما لو انت حاسس انها فيها مشكلة او الاتزان واصوات غريبة يبقى روح التوكيل

والكلام ده ايه علاقته بالموضوع والسؤال اللي الراجل سأله

[kantofanto]

والكلام ده ايه علاقته بالموضوع والسؤال اللي الراجل سأله

هو على فكرة اتلغبط فى الرد لان موضوع العفشة ده ، موضوع تانى و هو رد عليه فى الموضوع ده من غير ماياخد باله و معرفش يمسح أجابته يرجى تجاهل الرد.

[Zoooooooooomy]

شكراً للتجاوب و سرعة الرد
برجاء ذكر السعر المناسب ليها

[MANassar]

أنا كان معايا C4 coupe 2006 و العربية دي من أحلى العربيات اللي ركبتها في حياتي. المهم انها مانيوال عشان الاوتوماتيك بيبوظ. الموتور حلو و الoptions ممتازة و الصالون مميز جدا. و العربية كانت "حاضرة" دائماً في الملفات. (Very sharp)

بس هي كل فترة و التانية، زي اغلب الفرنساوي، بتتجنن و يطلع في sensor بايظ او حاجة.

غير كده ال2006 كان فيها عيب في الطنابير. غيرتها ٣ مرات في ٣٣٠٠٠ كيلو. مرتين منهم ضمان. بس ممكن تكون أحسن في الfacelift.

في الfacelift شالو الRPM من قدام السواق و حطوه في العداد اللي في النص. مش عاجبني التغيير ده بس كل واحد و ذوقه.