معروض عليا ستروين c4....ارجو المساعده عاوز آخد قرار

[ramyfaris]

موديل 2005
عامله 100 الف كيلو
العربيه سقف بانوراما واوتوماتيك ومثبت وكل الاوبشنز

استعمالها كويس بس طبعا كله قالي بلاش ستروين عشان قطع الغيار والكلام ده قلت اسال اصحابها وارجو الرد بكل امانه

**العربيه فيها شرخ فى الزجاج البانوراما ....سعره بكام؟؟

سعر العربيه 60 الف

ايه رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[tottihr]

بس يا باشا اكشف الاول عليه كويس جداً عند حد بيشتغل فى العربية ديه و خالى يكشف على طرمبه البنزين و الدينامو و طبعا الكشف العادى و يكون كمبيوتر وكل حاجه بالنسبة لقطع الغيار مش غاليه آوى انا لسه شارى العربية من شهرين و كويسه بس غيرت الدينامو هو غالى شويه لكن العربيه ممتازة على الطريق و الفرامل كويسه وفى ناس كتير بتفهم فيها

[fepsceasar]

انا واجهت نفس الحيرة وانا بشترى الاكسارا وناس قالتلى بلاش
لكن الحمد لله طلعت عربية اعتمادية وما شاء الله اللى بصرفه عليها اقل من اللى كنت بصرفه على 128 لاعتمادية العربية وقطع غيارها معمرة
وان شاء الله هتقدر توصل لصنايعية كويسين وناس بتفهم فيها بمساعدة زمايلنا هنا ..بس لازم تفحص العربية كويس

[ramyfaris]

طيب الشرخ اللي في السقف البانوراما ؟؟

يتغير بكام؟؟ حد عنده فكره ؟؟

[dr_youtobia84]

انا بدور علي c3 ... ومحتار زيك بالظبط لان كل الناس بتقولي بلاش ومش هاتلاقي قطع غيارها بسهوله وغاليه .. ومش اي حد يفهم فيها

[rahieb_100]

اولا السعر ده غالى عليها
البانوراما لوحدها بحوالى ١٢ الف :-d ...ممكن تسأل على سعرها فى التوكيل
سيبك من اللى بيقولك قطع غيار غالية ومحدش بيعرف فيها...ده اى كلام
قطع الغيار موجودة وناس كتير بتشتغل فيها بس هى مش عايزة لعب كتير ومحافظة على الصيانات
لو هاتخدها بالسعر ده خلى صاحبها يغير البانورماىعلى حسابه :-)

[dr_youtobia84]

اولا السعر ده غالى عليها
البانوراما لوحدها بحوالى ١٢ الف :-d ...ممكن تسأل على سعرها فى التوكيل
سيبك من اللى بيقولك قطع غيار غالية ومحدش بيعرف فيها...ده اى كلام
قطع الغيار موجودة وناس كتير بتشتغل فيها بس هى مش عايزة لعب كتير ومحافظة على الصيانات
لو هاتخدها بالسعر ده خلى صاحبها يغير البانورماىعلى حسابه :-)

السلام عليكم ..
انا بدور علي c3 .... لان دي اكتر عربيه هاتشباك عاجباني
ممكن بس اعرف انواع ال c3
وايه الفرق بينها وبين ال c4

الموضوع افادني جدا علي فكره .. لاني طبعا سمعت كل الكلام والشتيمه اللي انتوا سمعتوها لما فكرتوا في الستروين

انا عارف طبعا ان مكان السوال مش هنا .... بس بجد مش لاقي حد يفيد ني .. بعتذر لصاحب الموضوع

[ramyfaris]

يعني 60 الف جنيه ده غالي على ال c4 ???

امال المفروض تكون بكام ؟؟؟

العربيه بانوراما مو2005 عامله 100 الف كيلو

[monamize4]

انزل بنفسك و أسال على اسعار قطع الغيار و شوف هتناسبك و لا لأ

[rahieb_100]

السلام عليكم ..
انا بدور علي c3 .... لان دي اكتر عربيه هاتشباك عاجباني
ممكن بس اعرف انواع ال c3
وايه الفرق بينها وبين ال c4

الموضوع افادني جدا علي فكره .. لاني طبعا سمعت كل الكلام والشتيمه اللي انتوا سمعتوها لما فكرتوا في الستروين


انا عارف طبعا ان مكان السوال مش هنا .... بس بجد مش لاقي حد يفيد ني .. بعتذر لصاحب الموضوع

للاسف معنديش معلومات عن c3 غير ان فعلا انتشارها اقل من c4
ان شاء الله حد من الاعضاء اللى عنده خبرة بيها او مالك يرد عليك

[rahieb_100]

يعني 60 الف جنيه ده غالي على ال c4 ???

امال المفروض تكون بكام ؟؟؟

العربيه بانوراما مو2005 عامله 100 الف كيلو

ايوه كتير وكمان بانوراما مكسورة
ومش مهم عاملة كام كيلومتر قد ما هى حالتها ايه
اعتقد ان العر المناسب ما بين 50 ل 52 الف

[jackal]

بص انا هقولك

من ناحيت السعر عادي بس ممكن تنزل 2000 شص 3000 بالكتير اقل من كده متجبهاش

انا معايا العربيه وعارف بقولك ايه

قطع الغيار عادي سعرها كويس

البنوراما معرف سعرو بس كونت ابلت واحد قلي في جريش بي 2000 و في ناس اقل بس مش الاصلي

لو عايز اي معلومات كلمني هفيدك في الاسعار

احمد 01064443049

[shaheenOnco]

بص ياباشا..... البانورما دي حاجه تحفة ... انا كان معايا واحدة وكانت مشروخة برضة... هيا شكلها سخيف وهيا مكسور بس في العموم هوا اوبشن لطيف.
بس نصيحة مني.. لو عربيتك مش بتبات في جراج بلاش تصلحها علشان احتمال مش قليل انها تكسر لو حد رمي حاجه من بلكونه وللا حاجة.
العربيه في العموم تستاهل ركوبها (قطع غيار مش غالية للدرجة و اللي بيفهموا فيها موجودين مش نادرين)

[ramyfaris]

طيب هى ولا ميجان هاتشباك بنفس السعر ونفس الحاله الجيده جدا ونفس سنه الصنع ؟؟؟