سيتروين ds5 .... التقرير المتكامل

[Adnfalcon]

تقرير مفصل وجميل
بس مستحيل عربيه تعمل 100 كم ب 25 لتر !
دا استهلاك خزعبلي اعتقد اخرها تعملهم ب 13 لتر كحد أقصي ومع التكييف كمان
مبروك العربيه ربنا يباركلك فيها

[Abo.Moazz]

تقرير ولا اروع الصراحه
الله يباركلك
الحاجه الوحيده اللي لفتت نظري هوا استهلاك البنزين داخل المدينه ولا ٦ سلندر
ملفتتش نظرك لوحدك
ياريت اعرف مثلا لما بتمشي ال ٤٠٠ كم متر داخل المدينه بتفول بكام لتر تحديدا
الموضوع ده مهم الصراحه لاني هستلم الاسبوع ده بيجو ٥٠٨ و اعتقد ان الموتور واحد في العربيتين
اصل الاعتماد على قرايات الكومبيوتر بتبقى ساعات لحظيا

أنا معتمدتش على قراءة الكمبيوتر .. أنا حسبتها على قراءة عداد الكيلومتر .. كنت بصفرة أول مابفول للآخر .. وأول مالمبة البنزين بتنور كنت بشوف العربية مشيت كام كيلو .. بلاقيها 380 أو 370 كيلو ... يعنى قول هتمشيلها الـ 20 أو الـ 30 كيلو باللى فاضل فى التانك
يعنى لكل 60 لتر اللى هوه سعة التانك بتمشى 400 كيلو بالعافية
ولما قلت لمهندس الصيانة على الموضوع ده قاللى مينفعش تحسب إستهلاك البنزين كده .. دانت لازم تبقى ماشى على سرعة لا تقل عن 90 وطريق يكون معرفش أيه والهواء أيه .. وأنا عارف الكلام ده كله
بس هيه على الطرق السريعة إقتصادية جداً فى البنزين

تاني سؤال هل الفرق كبير بالنسبه لقوة الموتور مقارنة بالفولفو و لا الفرق مش كبير و بالتالي مش كل شويه كنت تتمنى انك تركب الفولفو ؟

فرق كبير طبعاً .. 180 حصان و 163 حصان .. فرق 17 حصان
وموتور الفولفو ولا تسمع صوته وسحبه مخيييييف ... العربية تسحب منك ولا تحس
بس التجهيزات الداخلية إلى حد ما لصالح السيتروين وكمان الشنطة الخلفية والشكل الفريد كمان .. وكمان سعر الفولفو نط اوى .. 338 ألف جنيه بعد ماكانت 288 ألف

و مره تانيه تسلم ايدك على التقرير الجميل

تقرير مفصل وجميل
بس مستحيل عربيه تعمل 100 كم ب 25 لتر !
دا استهلاك خزعبلي اعتقد اخرها تعملهم ب 13 لتر كحد أقصي ومع التكييف كمان

والله ده الإستهلاك اللى أنا شفته عن طريق التجربة .. ومقتنعتش إلا لما جربت تفويله واتنين وتلاته .. دانا حتى جربت الـ 95 بس قبل مايغلى

مبروك العربيه ربنا يباركلك فيها

[rotanamasoud]

ربنا يباركلك فيها
ليا تعليق عن الايروداينامك
الايروداينامك عشان يكون فعال لاقصى درجه لازم تكون النوافذ مغلقه وده مش عيب يقلل من ايروداينامك العربيه (تخيل الفرق بين مرور هواء جانبى داخل السياره والنوافز مفتوحه وانسيابه والنوافز مغلقه) اعتقد انك ترفع نقطتين لبند الايروداينامك
نقطه اخيره مكلمتناش عن اسعار قطع الغيار هل مناسبه للفئه السعريه

[YahiaAshraf]

الف مبروك يا باشا وربنا يباركلك فيها و يحفظهالك من كل سوء

متنسانيش فى لفة بقى بالعربية

[Abo.Moazz]

ربنا يباركلك فيها
ليا تعليق عن الايروداينامك
الايروداينامك عشان يكون فعال لاقصى درجه لازم تكون النوافذ مغلقه وده مش عيب يقلل من ايروداينامك العربيه (تخيل الفرق بين مرور هواء جانبى داخل السياره والنوافز مفتوحه وانسيابه والنوافز مغلقه) اعتقد انك ترفع نقطتين لبند الايروداينامك
نقطه اخيره مكلمتناش عن اسعار قطع الغيار هل مناسبه للفئه السعريه

لو تلاحظ أنا كتبت رأى المصنعين فى الأول
وبعدين كتبت رأيي .. العربية بسبب شكلها المدمج بداية من الكبوت ولحد السبويلر تحس إنها على خط واحد الإنسيابية فيها عالية جداً
بس كان إستغرابى من نقطة خلخلة الهواء
العربيات اللى ركبتها كان الموضوع ده بيحصل بس لما تفتح الزجاج الخلفى أو الزجاجين الأماميين مع بعض
إنما يحصل ليه لما تفتح زجاج السائق بس ... وبصوت قوى جداً تحس إن ودانك هاتتخرم
غريب الموضوع ده شويتين ... صح ؟؟؟
بالنسبة لموضوع قطع الغيار لسه مجربتوش لأن العربية عاملة معايا 5000 كم بس
بس أنا متأكد إن قطع غيارها هتبقى بأسعار خزعبلية
وده نتيجة الفئة السعرية للسيارة
إنما أول صيانة على 2500 كم كانت مجانية وتم فيها تربيط العفشة فقط وتظبيط شوية حاجات صغننه

[Abo.Moazz]

الف مبروك يا باشا وربنا يباركلك فيها و يحفظهالك من كل سوء

متنسانيش فى لفة بقى بالعربية

أيه ياعم ده ؟؟
يعنى إنت أقصى طموحاتك لفة ؟؟؟
طب قوللى إنت بس هاتها أروح بيها مشوار ولا أروح بيها الساحل وأنا أقولك عربيتك ياباشا

[YahiaAshraf]

أيه ياعم ده ؟؟
يعنى إنت أقصى طموحاتك لفة ؟؟؟
طب قوللى إنت بس هاتها أروح بيها مشوار ولا أروح بيها الساحل وأنا أقولك عربيتك ياباشا

هههههههههههههه يا باشا الله يكرمك ويخليك كلك ذوق و الله
وربنا يباركلك فيها

[minicooper20]

تقرير جميل من شخص فاهم تسلم ايدك
العربيه دى انا مغرم بيها و الله بس لما فكرت اشترى مشترتهاش متعرفش ليه ههههههه
عامله مبيعات عاليه فى السعوديه و بشوفها مع شباب كتير
ركبتها مره
بصراحه اشيك عربيه ركبتها فى حياتى بعد الروفر و الجاجوار
حاجه تحفه الله يباركلك
و عايز لما انزل مصر نتقابل ان شاء الله
انا ناوى انضم لمرسيدس و انتا سيتروين اهو فرنسا و المانيا جيران
الله يباركلك فيها يا رب
تحياتى

[memo_zezo]

السلام عليكم
اولا احييك على التقرير الاكثر من رائع بل فوق الممتاز ماشاء الله تسلم ايدك بجد
ثانيا كنت عايز رايك بخصوص ارتفاع سقف العربيه وانت راكب فيها من قدام ومن الكرسى الخلفى انا طولى 190 سم تقريبا هل السقف وخصوصا من الخلف واطى؟؟ انا بصراحه روحت شوفتها ف التوكيل هنا ف جدة وحسيته واطى شويه يعنى وانا راكب ورا بحس انى دماغى خابطه ف السقف ولازم اوطى شويه والا الكراسى بتوطى والتوكيل كان معليها؟؟
ثانيا كنت عايز اخد رايك ضرورى جدا بالله عليك انا معروض عليا نفس العربيه بس التوب لاين اللى بتنزل ب كراسى حمرا مضلعه وسمعت انها مش بتنزل ف مصر الفئه دى استخدام سنه واحده ماشيه 29 الف ومعاها ضمان 5 سنين وصيانه مجانيه لحد 60 الف صاحبها عايز فيها من الاخر 80 الف ريال مع العلم سعرها زيرو ب 138 الف ريال يعنى فرق 60 الف ريال تقريبا والعربيه تقريبا متفرقهاش عن الوكاله وكنت بقارن بيها وبين بيجو 508 ستاندرد زيرو ب 75 الف ريال من التوكيل موديل 2013 والاتنين موديل 2013 رايك ايه فى الموضوع ده؟ وخصوصا ان تقريرك الاول اللى حضرتك كتبته لما قررت تشتريها هو اللى اقنعنى بالعربيه جدا وربنا يباركلك فيها ويكفيك شرها يارب

[Abo.Moazz]

السلام عليكم
اولا احييك على التقرير الاكثر من رائع بل فوق الممتاز ماشاء الله تسلم ايدك بجد
ثانيا كنت عايز رايك بخصوص ارتفاع سقف العربيه وانت راكب فيها من قدام ومن الكرسى الخلفى انا طولى 190 سم تقريبا هل السقف وخصوصا من الخلف واطى؟؟ انا بصراحه روحت شوفتها ف التوكيل هنا ف جدة وحسيته واطى شويه يعنى وانا راكب ورا بحس انى دماغى خابطه ف السقف ولازم اوطى شويه والا الكراسى بتوطى والتوكيل كان معليها؟؟

لو دخلت على الريفيوهات بتاعة العربية هتلاقيهم كلهم بينتقدوا موضوع إرتفاع العربية من الخلف
أنا تقريباً طولى زيك ... ولو نويت على الـ ds5 إعمل حسابك إنك مش هتقعد ورا خالص
وفى الأمام لازم توطى الكرسى لتحت شوية يا إما تفتح فتحة السقف علشان راسك متخبطش برده
وعلى فكرة عربيات كتير فيها نفس المشكلة زى المرسيدس الـ cla
أنا معنديش مشكلة بالنسبة لسقف العربية لو قعدت فى الأمام خالص .. بس ورا هتبقى راسك منحنية

ثانيا كنت عايز اخد رايك ضرورى جدا بالله عليك انا معروض عليا نفس العربيه بس التوب لاين اللى بتنزل ب كراسى حمرا مضلعه وسمعت انها مش بتنزل ف مصر الفئه دى

كلامك مظبوط مبينزلش مصر غير الفرش الأسود

استخدام سنه واحده ماشيه 29 الف ومعاها ضمان 5 سنين وصيانه مجانيه لحد 60 الف صاحبها عايز فيها من الاخر 80 الف ريال مع العلم سعرها زيرو ب 138 الف ريال يعنى فرق 60 الف ريال تقريبا والعربيه تقريبا متفرقهاش عن الوكاله وكنت بقارن بيها وبين بيجو 508 ستاندرد زيرو ب 75 الف ريال من التوكيل موديل 2013 والاتنين موديل 2013 رايك ايه فى الموضوع ده؟ وخصوصا ان تقريرك الاول اللى حضرتك كتبته لما قررت تشتريها هو اللى اقنعنى بالعربيه جدا وربنا يباركلك فيها ويكفيك شرها يارب

والله إنت حطتنى فى حيرة معاك .. أنا من ألد أعداء المستعمل
ومع ذلك إنت بتتكلم فى فرق 120 ألف جنيه .. طب مش الفرق ده غريب شوية على عربية مش ماشية غير 29 ألف كيلو ؟؟؟؟
بص ... هيه العربية ممتازة وركوبة ... بس أنا بحب ريحة الزيرو أوى ...
إكشف على العربية كويس وإتأكد إن مفيهاش حاجة علشان أنا مستغرب من فرق السعر ... وإتكل على الله ولو كويسه هاتها ... و 29 ألف كيلو ولا حاجة .. بس ده على أساس إنك هتستخدمها عندك مش فى مصر .. وياسلام كمان على الفرش البيج المضلع .. الناس كلها هتتجنن عليه ...
وبردو إعمل صلاة إستخارة وربنا يهديك للخير

[Abo.Moazz]

تقرير جميل من شخص فاهم تسلم ايدك
العربيه دى انا مغرم بيها و الله بس لما فكرت اشترى مشترتهاش متعرفش ليه ههههههه
عامله مبيعات عاليه فى السعوديه و بشوفها مع شباب كتير
ركبتها مره
بصراحه اشيك عربيه ركبتها فى حياتى بعد الروفر و الجاجوار
حاجه تحفه الله يباركلك
و عايز لما انزل مصر نتقابل ان شاء الله
انا ناوى انضم لمرسيدس و انتا سيتروين اهو فرنسا و المانيا جيران
الله يباركلك فيها يا رب
تحياتى

طبعاً ده شرف ليه وترجعلنا بألف سلامة ... وعندك حق ... هوه الفرق بين فرنسا وألمنيا أيه ؟؟؟ حتة كوبرى ...

[HOSSAM99]

مبروك العربيه و التقرير ممتاز
لكن أنت متحامل علي العربية و بتدور لها علي غلطة
أما موضوع الإستهلاك فده غريب داخل المدينة
ممكن تجرب تفول لغاية متشوف البنزين علي أول زور التانك و تشوف هاتعمل كام كم و تفول تاني لغاية الزور و خليك صبور في التفويل
و بلاش كيك داون و شد و طلوع مفاجئ و خلي التسارع ياخد وقت طبيعي متحولش تجمع السرعة في أقل وقت
و قول لنا النتيجة
ربنا يبارك لك فيها

[hany63]

مبروك العربيه و التقرير ممتاز
لكن أنت متحامل علي العربية و بتدور لها علي غلطة
أما موضوع الإستهلاك فده غريب داخل المدينة
ممكن تجرب تفول لغاية متشوف البنزين علي أول زور التانك و تشوف هاتعمل كام كم و تفول تاني لغاية الزور و خليك صبور في التفويل
و بلاش كيك داون و شد و طلوع مفاجئ و خلي التسارع ياخد وقت طبيعي متحولش تجمع السرعة في أقل وقت
و قول لنا النتيجة
ربنا يبارك لك فيها

كلام مظبوط و خصوصا ان الموتور كوبي باست البيجو ٥٠٨ و محدش من ملاكها اشتكى من البنزين
و لو استمر الحال على كده اعتقد لازم يكون فيه ابديت للسوفت وير

[scientist9508]

التقرير . . . . رائع
المجهود المبذول . . . . رائع
صاحب التقرير . . . . كريم جدآ
لك منى كل الشكر و صادق العرفان

[Abo.Moazz]

مبروك العربيه و التقرير ممتاز
لكن أنت متحامل علي العربية و بتدور لها علي غلطة
أما موضوع الإستهلاك فده غريب داخل المدينة
ممكن تجرب تفول لغاية متشوف البنزين علي أول زور التانك و تشوف هاتعمل كام كم و تفول تاني لغاية الزور و خليك صبور في التفويل
و بلاش كيك داون و شد و طلوع مفاجئ و خلي التسارع ياخد وقت طبيعي متحولش تجمع السرعة في أقل وقت
و قول لنا النتيجة
ربنا يبارك لك فيها

لا والله لا متحامل على العربية ولا حاجة .. بالعكس تماماً أنا مقتنع بالعربية فوق أى تصور
وموضوع البنزين عن تجربة ياجماعة .. فولت 3 مرات وكل مرة بتكملش التفويله 400 كم
ومفيش حاجة إسمها بلاش كيك داون وشد .. الحاجات دى غصب عنك لازم تعملها بس مش ده أساس السواقة .. أنا بعملها عند الضرورة .. وكمان مفيش طلوع مفاجئ ولا حاجة ..
والمعروف إن السواقة داخل المدينة بتستهلك بنزين كتيرررررررررررر
بس مش للدرجة دى ... ومعرفش بقى هل التيربو هوه السبب ولا وزن العربية اللى أكيد فارق عن وزن الـ 508

التقرير . . . . رائع
المجهود المبذول . . . . رائع
صاحب التقرير . . . . كريم جدآ
لك منى كل الشكر و صادق العرفان

الله يباركلك ... أخجلتم تواضعنا