هي العربية اتجننت ولا ايه؟

[civilpharaoh]

السلام عليكم..امبارح كنت نازل باليل و اول ما دورت الاليزية لقيت رعشة و المروحة اشتغلت و كاتبلي علي الشاشة engine fault repair needed..استنيت لما المروحة وقفت لوحدها و بطلت العربية و دورت تاني لقيت نفس الرسالةو لمبة ال تشك انجن منورة بس مفيش رعشة.بطلت و دورت تالت نفس الكلام بطلت و استنيت دقيقة و دورت رابع لقيتها عادية و مفيش اي مشكلة،مشيت بيها لقيتها تمام ولا فيها حاجة ف مش عارف ايه الهبل ده و عرفت كمان انا عملت كده مع مراتي قبل كده بس مرة واحدة وخبت عليا علشان متزعلنيش.حد عنده تفسير للموضوع ده

[aymanshebl]

حاول تشوف ايه الظروف او ايه الجديد اللى خلاها تعمل كده يعنى غسيل موتور قريب ايه بالظبط

[أحمد جودة]

أعتقد محتاج مراجعة على مجموعة الانجكشن وتأكد ان الفيش كلها سليمة ومفيش باد كونتكت

وبعد كدة لو فضل الحال على ما هو عليه بتحتاج نضافة بوابة الهواء

تقبل تحياتي ومشاركتي تعبر عن توقع ناتج عن خبرة محدودة وأنتظر مزيد من المشاركات

[yasser100]

الواضح انه كل العربيات الجديده مهبله

[د.عماد صلاح]

انا معاي 301 و حضرتك عارف ان العربيتين واحد ....حضل معي ومع بعض الزملاء نفس اللي حضل مع حضرتك ...جزء منا وانا منهم اتضح انه بنزين وحش وانا فعلا كنت ممون قبلها بيوم من محطه مش متعود عليها ........و حطيت محسن اوكتان ومنظف دوره وقود و الموضوع لم يتكرر .....مع البعض الاخر اتضح ان في بوجيهات اخده رطوبه وتم تغييرها

[civilpharaoh]

جزاكم الله خيرا

[civilpharaoh]

طيب بالنسبة لموضوع ضعف السحب في الطلعة مع التكيف ده ليه حل و محدش يقولي كل العربيات كده مع التكيف دا تقريبا عندي بيبقي مفيش استجابة لدوسة البنزين و بعد ٥ ثواني تقوم ماشية مش عارف ايه ده و رحت التوكيل غيرو البوجيهات و برضو لسه زي ما هي

[Dr.A7med]

السلام عليكم..امبارح كنت نازل باليل و اول ما دورت الاليزية لقيت رعشة و المروحة اشتغلت و كاتبلي علي الشاشة engine fault repair needed..استنيت لما المروحة وقفت لوحدها و بطلت العربية و دورت تاني لقيت نفس الرسالةو لمبة ال تشك انجن منورة بس مفيش رعشة.بطلت و دورت تالت نفس الكلام بطلت و استنيت دقيقة و دورت رابع لقيتها عادية و مفيش اي مشكلة،مشيت بيها لقيتها تمام ولا فيها حاجة ف مش عارف ايه الهبل ده و عرفت كمان انا عملت كده مع مراتي قبل كده بس مرة واحدة وخبت عليا علشان متزعلنيش.حد عنده تفسير للموضوع ده

نفــس المشكلـه حصلت معايا- العربيه كانت بترعش جااامد زى العربيات النص نقل كده والتنبيه اللى بيظهر على شاشه الكاسيت - لما العربيه كانت عاملة 25.000 كم ،، المهم رحت كشفت عليها في التوكيل واتضح ان البوجيه رقم 2 فيه مشكله وسالت السبب ايه قالو ممكن البنزين وقالوا اصلا المفروش البوجيهات بتتغير في صيانة ال 30.000 كم المهم غيرت الاربع بوجيهات كانوا عاملين حوالي 180 جم تقريبا من غير الضربيه .

ونفس المشكله حصلت لواحد صاحبى معايا الاليزيه بس ماشى بيها 6000 كم بس في 4 شهور ،، وراح كشف عليها برضو وغيروا البوجيهات ،، بس اتغيرت على الضمان (: .

مشكله بسيطه متقلقش ،، العربيه روعه مفيش اي مشاكل غير التكيف مع السحب ،، انا ماشي بيها 40.000 كم لحد الان سفر شرم والغردقه والاقصر والعربيه مش بتشتكي

[civilpharaoh]

الف شكر يا د.احمد بس انا فعلا غيرت البوجيهات في التوكيل من حوالي ٣شهور في الضمان معقولة تكون عايزة تتغير تاني!!!!!!!!!و افهم من حضرتك كده ان مشكلة بطئ الطلعة مع التكيف مشكلة عامة و ملهاش حل؟

[Abo_Mazen]

شكله كده بنزين وحش ..

[Dr.A7med]

[QUOTE=civilpharaoh;3875732065]الف شكر يا د.احمد بس انا فعلا غيرت البوجيهات في التوكيل من حوالي ٣شهور في الضمان معقولة تكون عايزة تتغير تاني!!!!!!!!!و افهم من حضرتك كده ان مشكلة بطئ الطلعة مع التكيف مشكلة عامة و ملهاش حل؟[/QUO


مغيرها من 3 شهور بس !! طيب روح بس التوكيل اكشف عليها ومتكسلش ان شاء الله خير ،،، بالنسبة للتكيف هي للاسف مشكله عااامه وموجوده كمان فى ال 301
مهندس فى الشركة الاوروبيه هنا فى الاسكندريه قالى " دى مش مشكله سوفت ولا بنزين هى مولوده كده " :D

متابع اللي هيحصل معاك

شكرا