خرطوم الفرامل لستروين ax

[hinrey_2]

كان عندي مشكلة غيرت بسببها كفة الفتيس وعلى فكرة اشتريتها بـ 150 استيراد والميكانيكي تحت العربية ندهلى وقالى شوف يا استاذ خرطوم الفرامل بصيت لقيت خرطوم فرامل العجلة الامامية متاكل وجايب زيت على الكاوتش من جوه .
والحكاية ان فيه نوع اصلي من خرطوم الفرامل ايطالي وتميزه ان عليه من بره سوسته معدن علشان تحميه من الاحتكاك وكمان طوله علشان يمشي فى مسار محدد عارفينه الميكانيكية وجبته بـ 60 جنيه .انما الخرطوم اللى كان مركبه المالك القديم للعربية قصير وبدون سوستة الحماية والميكانيكي الفاشل اللى ركبه ربطه بسلك فى المساعد من تحت والخرطوم احتك بالكاوتش من جوه وحصل له تاكل .
نصيحتى لاى مالك بص على الكاوتش من جوه وان لقيت عليه زيت زي ما حصل عندي يبقى مؤشر خطر .

وكنت عايز رأى زميل يكون له خبرة عن تحويل الستروين ax لهاف انجيكشن وعن جدوي هذا التغيير وتكلفته ان امكن
تحياتى

[rotanamasoud]

تمام يا باشا بالنسبه للفرامل
الانجكشن
الهاف انجكشن هو وان بوينت انجكشن(يعنى رشاش واحد بيوزع للاربع بساتم)يعتبر كاربراتير ببوابه كهرباء
الانجكشن هو مالتى بوينت انجكشن 4 رشاشات وعلى كمبيوتر تحكم وحساسات (المنتشر)
دايركت انجكشن لسه تحت التطوير وفى عربيات نزلت بيه(الرشاش جوه غرفه الاحتراق مباشره ولسه له مشاكل)برغم ان كل الديزل دايركت انجكشن
فرايى الشخصى كاربراتير او مالتى بوينت لان الوان بوينت مش حتلاقى حد يتعامل معاه لو فيه مشكله

[hinrey_2]

خالص الشكر لاستاذنا rotanamasoud على الاهتمام والرد المفيد كالعادة
ولكن هل لا يوجد اى مشكلة فى تحويل الموتر من كاربتير الى انجيكشن مالتى بوينت ؟
وارجو منه او من اى خبير من خبراء المنتدي ان يدلنى على ما هو مطلوب ان اشتريه لهذا التحويل ومن اين والتكلفة مع الشكر