Anti pollutaion fault error

[hegazi_arc]

السلام عليكم..انا معايا ستروين جراند بيكاسو 2007 بنزين.
عملت صيانه عند محمود بدر ( المعادي) غيرنا بوجيهات و سير كاتينه و الفلاتر..
فوجئت العربيه بتعمل الرساله بتاعت ال anti pllution fault و الموتور بيرج جامد و بتبطل خصوصا لما اشغل التكيف..كلنه شكينا في البنزين و قلت اطلع احرقه..حطيت بنزين تاني و تالت و منضف بس لسه المشكله..الكهربائي بتاعي بيقولي البوجيهات المخطوطه ضعيفه.. فغيرناها تاني..ظبطت شويه بس لسه بتطلع الايرور و بتبطل..المهم قالي ارجع لمحمود بدر ممكن التكون الكاتيه فيها سنه و مش مظبوطه..السؤال بقه هل ممكن فعلا تكون ديه المشكله ولا اروح التوكيل..بصراحه ندمت اشد الندم اني ماعملتهاش في التوكيل..غالي شويه بس اضمن>>ياريت تفيدوني

[eng.m7md.ali]

الرسالة دي معناها ان في مشكلة في الشكمان او علبة البيئة

وممكن يكون ليها علاقة بالحرق كمان لكن موضوع الكاتينة ده مفتكرش انها السبب بس لازم بردو حضرتك ترجعله تاني

[demonarundo]

" الكهربائي بتاعي بيقولي البوجيهات المخطوطه ضعيفه.. فغيرناها تاني..ظبطت شويه بس لسه بتطلع الايرور و بتبطل " !!!

مينفعش واحنا فى 2014 ومعاك عربية ستروين بيكاسو وتروح لكهربائى يبصلك ويفتى
أول خطوة بتعملها بتكشف بالجهاز الـ obd وتشوف بالظبط المشكلة فين لأن دى ممكن يكون لها كذا سبب

عامة جرب شيل كابل البطارية بليل وتانى يوم حطه وشوف حيطلعلك نفس الرسالة ولا لأ

[tottihr]

الستروين بلذات لازم حد يبكون بيفهم فى العربيه دى و يكون عنده جهاز كشف اعطال مترحش لاى حد اسأل مجرب ياريت تروح التوكيل او مركز مختص فى الستروين

[fepsceasar]

من الناس اللى اثق فيهم إيهاب جلال فى المعادى شوف رأيه ايه

[ahmdghalwash]

السلام عليكم..انا معايا ستروين جراند بيكاسو 2007 بنزين.
عملت صيانه عند محمود بدر ( المعادي) غيرنا بوجيهات و سير كاتينه و الفلاتر..
فوجئت العربيه بتعمل الرساله بتاعت ال anti pllution fault و الموتور بيرج جامد و بتبطل خصوصا لما اشغل التكيف..كلنه شكينا في البنزين و قلت اطلع احرقه..حطيت بنزين تاني و تالت و منضف بس لسه المشكله..الكهربائي بتاعي بيقولي البوجيهات المخطوطه ضعيفه.. فغيرناها تاني..ظبطت شويه بس لسه بتطلع الايرور و بتبطل..المهم قالي ارجع لمحمود بدر ممكن التكون الكاتيه فيها سنه و مش مظبوطه..السؤال بقه هل ممكن فعلا تكون ديه المشكله ولا اروح التوكيل..بصراحه ندمت اشد الندم اني ماعملتهاش في التوكيل..غالي شويه بس اضمن>>ياريت تفيدوني

اخي العزيز.....اذا الاشارة مكانتش بتظهر قبل عمل الاصلاحات المذكورة...عليك فورا مراجعة الكاتينة وهو احتمال كبير تكون غير مضبوط التوقيت لها_قبل مايتسبب في تلف صباب-او نوعية البوجيهات...ومن المممكن يكون تلف في اي غطاء للبوبينة-اما موضوع حساس الشكمان وعلبة البيئة فهذه اعراض وليس العيب الاساسي وقد شرحت هذا سابقا-فعليك اخي بالتوجه لاي مركز سيتروين متخصص ويعيد ضبط الكاتينة مره اخري
م-احمدغلوش