اخبار الإكسارا اية ... عايز خبرتكم ؟؟؟

[ehabpopo]

بدور على عربية مستعملة ل اخى ...
شفت الاكسارا ... عجبتنى جدا بس انا ما عارفش حاجة عنها وكنت عايز اسألكم عنها *
اولا : هو فية إكسارا 1 و إكسارا 2 ... المعروضة علية موديل 2000
ثانيا : هو مافيش عنها مواضيع كتير .... بس اللى فهمتة ان قطع غيارها سعرها معقول .... وموجود منها استيراد من الحرفيين ... بس فية منها قطع غيار جديدة ؟؟؟
ثالثا : بعض الزملاء فى القسم بيقولوا لازم يكون ميكانيكى متخصص لاصلاحها ... الكلام ده اكيد ولا مبالغ فية ؟؟؟
واسف على الاطالة ... واتمنى تقولولى رأيكم بكل صراحة ... وخاصتا انا قريت انها فرنساوى ... وقطع الغيار معمرة ... وصاجها ممتاز ... وتستاهل اكتر من سعرها فى السوق هنا ... بس انتم عارفين احنا فى مصر لينا افكارنا الخاصة .... وشكرا ليكم مقدما

[ehabpopo]

معقولة كدة ياجماعة ... انا كنت بفكر اشتريها فعلا ... وكنت عايز تشجيعة منكم .... طمنونى لو ممكن ... اشتريها ولا اية م

[demonarundo]

http://www.nilemotors.net/Nile/445485-2001.html

[ehabpopo]

شكرا ليك وعلى اهتمامك يا باشا ....
ممكن اعرف هى ممكن اغيرلها التابلوة ... لانة فية بعض الشروخ .... الحرفيين الاقى فيها التابلوة ده .... وممكن يكون سعرة كام
ولو حد يعرف محل قطع غيار استيراد فى الحرفيين يقولى او يكتب رقم تليفونة ... ويكون مشكور جدا

[demonarundo]

للأسف انا من أسكندرية , بس أسمع انه موجود فى الحرفيين
وموجود فى بورسعيد باسعار أقل

[ehabpopo]

شكرا على اهتمامك يا باشا ....

[elghrory]

طبلوة ب 1200 بالعدادات / أحمد 01146099523 فى جسر السويس

[kholyo2002]

بص الاكسارا جميلة وركوبة وجراية
قطع الغيار
1- استيراد :في الحرفيين استيراد والوكالة ومفيش حد عارفغ عنها حاجة في عزبة شلبي
2- جديدة: التوفيقية وفي في الحرفيين جديد برده
3- اي ميكانيكي بيشتغل فيها بس مش اي كهربائي يشتغل فيها (ده كلام واحد مجرب اللي هو انا حضرتك) والكهربائي في العطل الجامد يعني الاعطال العادية برده اي كهربائي يشتغل فيها
4- بص بقى لحالة العربية اللي معروضة عليك دي لازم كشف متخصص يقولك فيها ايه علشان موضوع التبلوه يشقق دي صعبة شوية الا لما تكون مرمية في فرن

[ehabpopo]

بص الاكسارا جميلة وركوبة وجراية
قطع الغيار
1- استيراد :في الحرفيين استيراد والوكالة ومفيش حد عارفغ عنها حاجة في عزبة شلبي
2- جديدة: التوفيقية وفي في الحرفيين جديد برده
3- اي ميكانيكي بيشتغل فيها بس مش اي كهربائي يشتغل فيها (ده كلام واحد مجرب اللي هو انا حضرتك) والكهربائي في العطل الجامد يعني الاعطال العادية برده اي كهربائي يشتغل فيها
4- بص بقى لحالة العربية اللي معروضة عليك دي لازم كشف متخصص يقولك فيها ايه علشان موضوع التبلوه يشقق دي صعبة شوية الا لما تكون مرمية في فرن

شكرا على اهتمامك وردك يا استاذ kholyo2002 ...
يعنى العربية كد مافيش منها مشكلة ... زى اى عربية تانية ... وقطع غيارها متوفرة وكلة تمام ....
انا هاشوف موضوع التابلوة ... ولو عرفت هارفعلكم الصورة بتاعتة إن شاء الله .... ونشوف هانعمل اية

طبلوة ب 1200 بالعدادات / أحمد 01146099523 فى جسر السويس

شكرا ليك يا استاذ elghrory وعلى ردك واهتمامك ... هاشوف التابلوة وربنا يسهل

[kholyo2002]

انا بس ليا تحفظ على موضوع التبلوه ده انه مشرخ لانه صعب جداً انه يتشرخ لازمك كشف دقيق
اللي بيبوظ في التبلوه الهوايات فقط لاغير ومكان زارير الكهرباء غير كده يتشرخ دي اول مرة اسمع بيها فأنا بكرر كلامي لازم كشف دقيق وعند متخصص إكسارا