رعشة جامدة فى موتور اكسارا 1- الرد ارجوكم

[elaustaz2000]

السلام عليكم يا شباب

انا محتاج مساعدتكم بسرعة
انا كنت ماشى والعربية حاسس انها تقيلة فى سحبها وان دواسة البنزين تقيلة تجت رجلى وريحة البنزين مش محروق وفجأة لقيت العربية بتترج وتبطل وبعد كدا اجى ادور القيها تترج برضه وبعد كدا تبطل وقطرتها لحد الجراج والنهاردة نزلت جيبت ميكانيكى عادى مش بتاع اكسارا وقالى يا البوبينة يا اما وش سلندر وبصراحة مش عارف اعمل ايه العربية مبتمشيش وفى نفس الوقت مفيش جمبى ميكانيكى سيتروين

[rotanamasoud]

وصفك يطلع عشرات الاحتمالات
حاول تكشف كمبيوتر

[makarther]

التوكيل أحسن حاجة
كلمهم يبعتولك ونش تروح التوكيل بدل ما ميكانيكى يفتيلك
و يدفعك فلوس كتيرة على إنه عبقرى
و فى الأخر ممكن تطلع ضبط الكمبيوتر الخاص بالعربية
زى ما حصل معايا
و فى النهاية ضبط كمبيوتر العربية ما أخدش وقت
و الله الموفق و المستعان
و رب يكرمك بالحل

[kholyo2002]

بقولك ايه انا عملت عندي نفس المشكلة ورفعت العربية على ونش وودتها لكهربائي وخد مبلغ محترم وهو انسان محترم والعطل طلع حاجة اهيف من الهيافة
عموماً هتعمل الاتي:
1- تتأكد أن المارش شغال
2- هتشوف البنزين طالع من الطرمبة ولالا من عند الخرطوم اللي داخل على الموتور هتفكه وحد يدوردورة خفيفة كدهعلشان تتأكد انها بضخ بنزين
3- هتشوف حساس الكرنك شغال ولالا
4- اهم حاجة ودي كان العطل من عندي فيها حاجة اسمها كتاوت دبل ريالي دي كانت عطلانة عندي وغيرتها ودارت العربية
ولو حضرتك قريب مني في شبرا انا ممكن أجي ابص عليها معاك تحت امرك

[elaustaz2000]

بقولك ايه انا عملت عندي نفس المشكلة ورفعت العربية على ونش وودتها لكهربائي وخد مبلغ محترم وهو انسان محترم والعطل طلع حاجة اهيف من الهيافة
عموماً هتعمل الاتي:
1- تتأكد أن المارش شغال
2- هتشوف البنزين طالع من الطرمبة ولالا من عند الخرطوم اللي داخل على الموتور هتفكه وحد يدوردورة خفيفة كدهعلشان تتأكد انها بضخ بنزين
3- هتشوف حساس الكرنك شغال ولالا
4- اهم حاجة ودي كان العطل من عندي فيها حاجة اسمها كتاوت دبل ريالي دي كانت عطلانة عندي وغيرتها ودارت العربية
ولو حضرتك قريب مني في شبرا انا ممكن أجي ابص عليها معاك تحت امرك

المارش شغال وفى بنزين وصلها وامبارح اعدت مشغلها شوية كويسين ومعلى الار بى ام على 20 وبعد كدا سيبتها شغالة على السلانسي وفضلت شغالة لكن اول اما تاخد غيار تترج جامد وتبطل
انا معرفش مكان حساس الكرنك فين والكتاوت اللى بتقول عليه دا اول مرة اسمع عنه

[kholyo2002]

لا كده حساس الكرنك شغال وكتاوت الدبل ريالي شغالة ما دام العربية درات اصل حضرتك كنت كاتب انها مش بتدور اصلاً