سؤال لاهل الخير والخبرة برضو

[fepsceasar]

انا قدامى عربية سي4 موديل 2006
بس فيها تطبيقة بسيطة على السقف وفوق داير الباب الورانى
هى مش مسعمة جوة
وفى حاجة كمان صاحبها مروش العربية سماعات وجى ام وبازوكا وسرينة وحاجات كده
الحاجات دى تاثر على كهربة العربة
على حسب الكلام هى محتاجة علبة دركسيون ..حد عنده فكرة تتكلف كام
العربية كاشية 110 الف
فمبدئيا كده اتكم معاه في سعر اد ايه

[battoot]

والله انا من رأيي لما تيجي تشتري عربية , بص اول حاجة ع الشاسيه, شاسيه تمام
تاني حاجة الكماليات من أ الى ي , ليه بقا , لأان الكماليات التافهة دي هي عقدة عربيات كتير وبيبقى فيها حاجات تافهة بس هتكلفك تشغلها تاني ,
لو الحاجتين دول موجودين , متبصش ع عفشة او مكنة , المكنة بتترمي ويتركب غيرها , والعفشة نفس الكلام
بس مش معنى كده انك متبصش عليهم , لازم تتأكد من كل حاجة في العربية عشان بنائاً عليه هتحدد السعر
بالنسبة للسقف لو حضرتك عندك استعداد تمشي بيها كده , وتبيعها على كده مفيش مشاكل
ناوي تسمكر وترش منصحكش عشان لو جيت تبيعها وجالك بيعه لقطة ممكن ييجي سمكري ويقولك العربية راشة سقف يعني مقلوبة
دي حاجة ترجع لاختيارك بقى
اما السماعات والجي امات والسرينة , كل ده بيركب في اي عربية , وحط في دماغك ان الحاجات دي بتخطف نظر واعجاب اي حد . بس اوعى تخليها تخدعك او تلهيك في اساسيات العربية
وربنا يوفقك

[م/أحمد عبد الفتاح]

أول حاجه موضوع التطبيقة إللى فى السقف دى وكمان إللى فوق الباب دول هل ممكن يتردوا عالبارد وميأثروش على البوية ولا محتاجين تسخين ـ موضوع علبة الدركسيون ممكن تكون الإسكاترا ، وتمن الإسكاترا فى العربيات دى ممكن يكون عالى - لازم تفترض السئ وهو الإسكاترا وإسأل على تمنها كام ( لو كان إصلاحها مش مكلف كان صاحبها صلحها وميضربش سعرها) - كمان إسأل على حاجتها أسعارها إيه لأن ١١٠ الف كم ممكن تحتاج تغير حاجات مثلاً مساعدين - تيل فرامل - طنابير- بيضات ـ ......) شوف الأسعار إيه وبالتوفيق

[م/أحمد عبد الفتاح]

كمان تبص على اللمبات بتوع التحذير إللى فى التابلوة لما العربية تدور لازم كل اللمبات تكون مطفية ماعدا لمبة الحزام ولمبة فرامل اليد ولما العربية تمشى يبقى مافيش أى لمبة تحذير منورة ولاعلامة مفتاح بلدى مثلاً ولا علامة أو كلمة سيرفيس service ولا علامة الموتور check engine لأن معنى كده إن العربية فيها عطل

[tottihr]

بس يا باشا عشان انا لسه شارى العربيه من ٦ شهور ياريت تروح تكشف عليها فى التوكيل او مركز مختص بلستروين فى حاجات ياريت تكشف عليها و متنفضش زى الدينامو عشان دا غالى انا مغيره بألفين و نص فى امير و جوزيف و تكشف على طرمبه برده عشان طرمبه c4 مش معمره انا برده غيرته بألف و نص عشان دول من اكتر مشاكل c4 بلنسبه السقف و الباب التوكيل هيوضح كل حاجه علبه الدركسيون لا اعتقد انه غاليه بص بصراحه مش عارف كام بس هتعدى ألفين جنيه بلنسبه السمعات و البازوكا اعتقد ممكن تاثر على كهربه طبعا ودا كله هيبان فى الكشف بلنسبه السعر لو العربيه حالته حلوه ممكن من ٦٥ الى ٦٨ وطبعا هتنزل معاه عشان اعتقد ان علبه الدريكسون غاليه

[Apop46]

انا شايف انك تكشف عليها عند حد فنى ونصيحتك عند فريد شوقى فى مدينة نصر وده تليفونه 01223236021

[amr011111]

طالما ناوى تجيب عربيه فرنساوى مش كتير بيشتغل فيها يبقى تكشف فى التوكيل علشان يفصصلك العربيه كان فيه احد الاعضاء هنا بيبع فيكترا موديل 97 بسعر عالى شويه وبيحكى تجربته مع اللى جه اشتراها انه كشف عليها فى التوكيل ولما ملقاش فيها حاجه فدفع السعر ده فانت كمان اكشف فى التوكيل واللى العربيه محتاجاها نزله من تمن العربيه
بالنسبه للخبطه اللى على السقف فطبعاً انت هتاخد العربيه بسعر اقل من مثيلاتها نتيجه انك لما هتيجى تبيع هتبيع برضه بسعر اقل من مثيلاتها فلو العربيه كل حاجه فيها كويسه وسعرها مناسب يبقى توكل على الله السى فور عربيه ممتازة

[fepsceasar]

انا صرفت نظر عن العربية دى
وشوفت عربية تانية 2006 برضو خليجي ورفعتها ..بس كان فيها خبطتين منهم خطة ناحية الرفرف ماثرة فى الشنطة..هى مش كبيرة قوى واللى كشف عليها قالى مش هتاثر على اتزان العربية ولا حاجة بس ماثرة فى العضم وفى غطا الشنطة، ده طبعا غير شاشة المعلومات وشوية حاجات فى العفشة وجوان وبلوف للفتيس بس صاحب العربية بيقول انا جايلى فيها 66 ومش عاوز ينزل رغم انه ما قالش على الخبطة دى وقال متفاجئ بيها

[fepsceasar]

يا ريت لو حد كمان من الناس اللى على المنتدى عنده سي 4 او يعرف حد عنده سي4 او بيجو 307 هاتشباك حالتها كويسة وعنده استعداد يكشف عليها وطالب سعر معقول يقولى

[tottihr]

والله يا باشا ان جبت عربيتى من كونتكت كار و العربيه الحمدالله كويسه هو مفيش كتير للأسف هى جات معايا بلصدفه ومعلش بلاش العربيه دى كمان لان شكله برده مش فيها مشاكل ادخل كل يوم على كونتكت و هتلاقى انشاء الله حاجه كويسه بس ياريت بلاش تستعجل

[fepsceasar]

والله يا باشا ان جبت عربيتى من كونتكت كار و العربيه الحمدالله كويسه هو مفيش كتير للأسف هى جات معايا بلصدفه ومعلش بلاش العربيه دى كمان لان شكله برده مش فيها مشاكل ادخل كل يوم على كونتكت و هتلاقى إن شاء الله حاجه كويسه بس ياريت بلاش تستعجل

انا فكرت اتانى شوية واشوف حاجة كويسة على كونتاكت ودوبيزل..وربنا يكرم لانى بحب السي 4 جدا
ومتشكر لكل الناس المحترمة اللى تجاوبت مع الموضوع واستفدت برايكم فعلا

[pepo2011]

ياباشا بلاش تستعجل بلاش عربية فرنساوي فيها مشاكل -- شرا العبد ولا تربيته لانك ممكن تدوخ علي زرار او مسمار وتدفع دم قلبك فلوس وعطلة علي ايه - اشتري نضيف ولو غالي مش مهم

الغالي رخيييييص --

[tottihr]

ياباشا بلاش تستعجل بلاش عربية فرنساوي فيها مشاكل -- شرا العبد ولا تربيته لانك ممكن تدوخ علي زرار او مسمار وتدفع دم قلبك فلوس وعطلة علي ايه - اشتري نضيف ولو غالي مش مهم

الغالي رخيييييص --

والله مفيش مشاكل ولا حاجه بالعكس و قطع غياره متوفرة فى أماكن كتير ومش غاليه اوى زى ما انت فاكر

[AEDALLAM]

ان شاء الله ربنا يوقعك فى حاجه احسن