سير الكاتينه اتقطع في السي ٤اعمل ايييييه اغيثوني!!!

[al2stars]

في البدايه الحمد لله علي كل شئ
انا اشتريت سياره سي ٤ ٢٠٠٦ من اربع ايام بالظبط وبعد ماكشفت عليها وكله تمام سافرت بيها فجاه لقيتها بطلت وسمعت صوت المارشوانا بدور تاني كان في حاجه مكسوره
المهم شدتعا علي واحد في اسكندريه ايمه بيرو بتاع فرنساوي
قاللي السير اتقطع وهتختاج اكيد صبابات وحاجات كده وغالبا هتبقي غاليه والموضوع هيكلف
فيا اهل الخبره تنصحوني بايه اصلحها واتوكل علي الله وللا اجيب موتور جديد اصلا
انا مش عارف اعمل ايه وانا لسه ماتهنتش ببالعربيهوهل يوجد لوم علي صاحب العربيه في الحاله بتاعتي دي وللا دي غلطتي

ارجو المساعده وجزاكم الله خيرا
واللي يعرف حد بتاع قطع غيار في اسكندريه يدلني عليه

[pepo2011]

الحمدلله وقدر الله وماشاء فعل بس لا طبعا صلحها مش مستهلة مكنة جديدة دي طقم صبابات وسير وبلية ثانيا المفروض صاحب العربية كان قاللك غيرة قبل كده ولا لا وغيرة امتي ولو مايعرفش كان المفروض حضرتك غيرته اول ما اشتريتها وتكتب قرائة العداد

[Mecha]

الاول احسبها ,في مواتير البيجو السير يقطع بتكسر عمود كامه وهو علوي,وبعد حل الهد بتشوف الصبابات والبساتم,الناس المحترمه لما بتغير سير تقسيمه بتحط ستيكر او تكتب الكم علي الغطا

[amr011111]

هو المفروض اول لما تشترى اى عربيه مستعمله تعمل صيانة شامله ليها تغير ليها سيور وفلاتر وزيوت وبوجيهات

[al2stars]

الف شكر يا جماعه بس ياتري تفتكرو الموضوع ده هيتكلف كام؟؟
لاني سالت علي الشورت بلوك بتاع الماكنه لقيته ب ٣٥٠٠

بالنسبه للسير قاللي انه مغيره مت ٢٣ الف كيلو وانا كنت ناوي اغيره بس ملحقتش للاسف
والمشكله ان الموضوع ده خللاني كرهت العربيه مع اني كنت بعشقها قبل ما اجيبها

[crazy car]

هات شورت بلوك احسن

[fepsceasar]

هو فى البداية اللى اشتريت منه العربية ما علهوش لوم ..لان المفروض بتعملها السرفيس لما تشتريها..لكن للاسف واضح انه كدب او كان حاطط نوعية سيئة وبرضو مالكش حاجة عنده لو رجعت عليه
رايي حاول تصلحها باذن الله بعد ما تشوف تكلفة الخسائر
هى الغلطة دى العربية مالهاش ذنب فيها ..العربية ما شاء الله حلوة ربنا يكرمك وتتمتع بيها بعد ما تتصلح

[Haitham Gamal]

اللي باعلك العربية معلهوش اي لوم يا استاذي الفاضل
المفروض انك حتي لو قالك انه لسة جايبة تروح مغيره وتظبط عدادك اعليه وتعرف مواعيد الصيانات بنفسك
معلهش بقي قدر الله وما شاء فعل
انا رأيي انك تصلحها ومش هتكلفك 3500 جنيها وان شاء الله تشوف الاول الماتور بتاعك لو حالتة تمام يبق صلحة لو كدة كدة عايز شغل يبق غير احسن
بالتوفيق وربنا يعوض عليك

[al2stars]

الف شكر يا جماعه لكل اللي اهتم بالرد عليا ودعواتكم وهعرفكم الجديد لما اخلص ان شاء الله

[demonarundo]

بيرو ده فين فى أسكندرية ؟

[fepsceasar]

متهيالى بيرو قبل الموقف فى الشارع اللى فيه بنزينة التعاون