رجاء من اهل الخبرة معروض عليا c4 وعايز اخد رأيكم فيها

[مصطفى وهبة]

انا معروض عليا 2006 c4 اتو عامله 143 الف كم فابريقه دواخل هو قاللي (شنطه وحوض وارضية) ماجبش سيرة القوايم لسه هاكشف عليها بواسطة سمكري المطلوب 55 الف
هل السعر مناسب واقدر اكشف عليها فين والكشف يتكلف كام
وقطع غيارها ناس خوفوني منها وصيانتها برضو ناس قالت لي مافيش غير التوكيل ودول نصابين بس انا شايفكم بتتكلموا عن مراكز خدمه وصنايعيه فهل فعلا ما يقال ان صنايعيتها ومراكز الخدمه سفاحين وقطع غيارها مش مظبوطه
ولو المبلغ اقل من قيمتها ايه اللي ممكن ينزل المبلغ اوي كده
للعلم انا مش ناوي اشتريها وابيعها بعد فتره انا ناوي استخدمها لاطول فتره ممكنه لاني مش من هواة التغيير كل شويه وشكرا

[ahmedshady]

تقريبا بنسبة كبيرة حتبقي رشة قوايم لان سعرها كده فعلا لقطة

[مصطفى وهبة]

متشكر جدا ياباشا هأكد على الموضوع ده بكره

[tottihr]

انا شايف ان السعر قليل قوى ياريت تكشف عليها كويس فى امير و جوزيف الكشف 250 جنيه

[مصطفى وهبة]

تقريبا بنسبة كبيرة حتبقي رشة قوايم لان سعرها كده فعلا لقطة

اتصلت بالراجل تاني وعرفت انها فعلا رشه قايم شمال بس حاول يقنعني انها خبطه مش مأثره في القايم خالص وانها كانت حاجه بسيطه جدا وهو رشها علشان الشكل بس

[مصطفى وهبة]

انا شايف ان السعر قليل قوى ياريت تكشف عليها كويس فى امير و جوزيف الكشف 250 جنيه

هو تقريبا منزل في السعر لانها رشه قايم ومع ذلك هاشوفها بكره واشوف ولو اقنعت نفسي ان موضوع القايم ده مش مؤثر هاروح اكشف عليها فعلا

[ENG.MaRk]

بلاش تاخد عربية ماشية كل ده و انت عارف كمان إنها مخبوطة ... ربما تواجهك مشاكل فيها بعد كدة و تلبسها و صاحبها يقولك ماعرفكش

[fepsceasar]

فى صنايعية وقطع غيار وكل حاجة برة التوكيل وفى انصاص كاملة من العربية وفى المجل العربية دى نفسها 307 مع ان رايي ان السي 4 اشيك من جوة ومن برة
انت وازن الامور لان الرجل حاطط تمن الخبطة فى الاعتبار
لكن لو عندك استعداد تزود وتجيب حاجة تمام اوك
لو انت ساكن فى الهرم فى مركز مان اوتو ممتاز الكشف عنده حوالي 150 جنيه

[AEDALLAM]

اهرب منها دى كده شمااال

[meka1990]

اللي هتوفروا في سعرها هتدفعوا اضعاف في تصليحها و كمان انت مش بتتكلم في فيرنا قطع غيارها مرميه في كل حته و اي حد يشتغل فيها و تتباع بسهوله لو عصلجت معاك انت بتتكلم في عربيه فرنساوي بقالها 10 سنين و عامله كيلوميتر عالي و فيها خبطه فب القايم لو فكرنا انك جبتها و صلحتها و اعقدت بيها 3 سنيين و مشيت بيها 50 الف كيلو ساعتها مش هتجيب جنيه و تبقي رميت فلوسك في الارض و الفلوس دي الواحد تعبان فيها برضزوا حاول تبص لقدام شويه مع التضحيه بالشكل و الابشنز

[shaheenOnco]

انا لسه عامل زي ما انت بتفكر تعمل بس في عربيه اوبترا.. مش عارف حني ابيعها ب خسارة 10 الاف جنيه....
القصد يعني..لو تقدر تزود فلوس يبقي هات واحد ب حالتها..المقبول ان العربيه تبقي مختاجه مصاريف صياناتها )عفشة سيور ..الخ)
لو معكش فلوس يبقي ممكن تقسط مشتعمل عن طريق كونتاكت او هاتلك عربيه كزيسه (سي 3 مثلا او مش ستروين خالص) وأجل ال سي4 لما ربنا يكرمك ب فلوس.

فكرة ان قطع الغيار متاحة والصنايعيه ف ده شئ اكيد واكتر من مكان وصنايعي في اماكن مختلغه.. مش كلنا بنعمل صيانات في التوكيل طبعا..

ربنا يكرمك بالخير