ستروين جراند بيكسو ٧مقاعد٢٠١٥

[MohamedSotohy]

انا يا جماعه فوردوي قديم ومعايا حاليا فوكس ٢٠٠٨ خليجي ومريحاني جدا وبسم الله زي الفل
بس عندي مشكله بسببها متضطر اني اشتري عربيه ٧ مقاعد
الا وهي ان عندي ٤ اولاد وكبرو والموضوع بقا صعب وخصوصا ان المشاوير في ظل الاذدحام المروري بقت بتاخد وقت اطول
المهم بقالي فتره بدور علي عربيه ٧ مقاعد وبالصدفه شفت العربيه جراند بيكاسو ٢٠١٥ في معرض عز العرب
بعد اذنكو
لو فيه هنا حد خبره ممكن يفيدني في العربيه دي تحديدا
وكمان موضوع السيارات ال سيتروين في مصر من حيث قطع الغيار اسعارها ومدي توافرها
ومراكز الخدمه
انا عارف ان سعر اعاده البيع موش كويس بس ده موش فارق معايا كتير لاني ناوي ان شاء الله مابعش
اشكر مقدما من يفيدني في ذلك
شكرا

[ENG.MaRk]

عربية حلوة جداً و واسعة قوي و كمالياتها ممتازة و توكيلها مش وحش بس شنطتها مش كبيرة قوي طول ما صف المقاعد التالت موجود و في حالتك غالباً هيبقي موجود علي طول ... العربية ديه صفقة رابحة جداً و ممتازة بس فكّر برضه في الكارينز التوب لاين (اللي فيها esp)

[MohamedSotohy]

١٦٢ مشاهده ومفيش غير واحد بس
عالعموم كتر خيره
منتظر منكم اكثر

[tottihr]

ان شاء الله حد يفيدك انا اعرف انه عربيه محترمه جدا قطع الغيار و الصيانه متوفرة

[MohamedSotohy]

ان شاء الله حد يفيدك انا اعرف انه عربيه محترمه جدا قطع الغيار و الصيانه متوفرة

باشا 255 مشاهده ولا حد قال كلمه
ايه الحكايه يا شباب الستروين

[abokoko]

ثمنها الغالى مخليها مش منتشرة

[MohamedSotohy]

ثمنها الغالى مخليها مش منتشرة

سعادتك لو قارنتها بالكارينز اعلي فئه
هاتلاقيها تضربها بالجزمه بالنسبه للسعر والمواصفات
يبقي ايه بقا حكايه ان سعرها غالي دي؟
انا شخصيا شايف ان سعرها كدا موش غالي
ايه راي حضرتك

[abokoko]

انا شايف ان عربيات كتير جدا مش منتشرة رغم انها ممتازة
وده لان اللى بيشترى بيفكر فى قطع الغيار / سعر اعادة البيع / مراكز الخدمة

[abokoko]

https://www.facebook.com/Al.Ahmady.M...78919038784907

[MohamedSotohy]

https://www.facebook.com/al.ahmady.m...78919038784907

باشا ده الاحمدي موتورز
وعلي فكره دول ناس محترمين جدا وكنت قابلت هناك ا تامر الجمال وده شخص محترم جدا عن توكيل ستروين ومعرضهم الغير محترم
واداني سعر اقل من التوكيل
وللاسف امبارح روحت اتفرج علي العربيه عندهم بحكم انهم الاقرب
بس كانت المفجأه ان العربيه اتباعت ومفيش غيرها وبكلم مسؤل الصاله قلي يابيه موش معقول اسيب عربيه ب ربع مليون جنيه مركونه
تخيلو ان ده فكر مدير صاله التوكيل الرئيسي
المهم
بقولو ازاي العربيه بتتباع برا التوكيل ارخص ففهمني كدا فيما معناه اني هخسر لو روت اشتريت من الاحمدي وانه معناه كدا ان فيه نصبه
وربنا شكلو هوا اللي عبيط اصلا وكان شغال في اصطبل قبل ما يشتغل في صاله عرض توكيل محترم زي ستروين

[abokoko]

باشا ده الاحمدي موتورز
وعلي فكره دول ناس محترمين جدا وكنت قابلت هناك ا تامر الجمال وده شخص محترم جدا عن توكيل ستروين ومعرضهم الغير محترم
واداني سعر اقل من التوكيل
وللاسف امبارح روحت اتفرج علي العربيه عندهم بحكم انهم الاقرب
بس كانت المفجأه ان العربيه اتباعت ومفيش غيرها وبكلم مسؤل الصاله قلي يابيه موش معقول اسيب عربيه ب ربع مليون جنيه مركونه
تخيلو ان ده فكر مدير صاله التوكيل الرئيسي
المهم
بقولو ازاي العربيه بتتباع برا التوكيل ارخص ففهمني كدا فيما معناه اني هخسر لو روت اشتريت من الاحمدي وانه معناه كدا ان فيه نصبه
وربنا شكلو هوا اللي عبيط اصلا وكان شغال في اصطبل قبل ما يشتغل في صاله عرض توكيل محترم زي ستروين

فرق رهيب بين الموظف العادى وبين الموظف المحب لوظيفته

ربنا يوفقك للصالح
العربيه شيك جدا وشكلها اروع 100 مرة من الكارينز وامكانياتها بتقول انها الاحسن
بس نعمل ايه لفكر الشارع

[abokoko]

حضرتك معاك مونديو حاليا ؟


موديلها كام ؟
زاخبار قطع غيارها وصيانتها ايه
ولو سافرت بيها بره القاهره بتلاقي قطع غيار و اصلاح
؟

[abokoko]

حظ حلو

تم نشر عرض من قبل Abaza Auto Trade.
5 دقيقة ·
خصم 5000 جنيه لفتره محدوده موديل 2015

الحصول على العرض
خصم 5000 على سيتروين
انتهاء الصلاحية 18 مارس، 2015
إعجاب · · مشاركة ·

[samyyousef]

ما هو نوع الفتيس فيها
كان عندي بيكاسو 2012
فتيسها كان فتيس مانيوال بدون دبرياج....اللي هو اسمة تريبترونك....و مش عارف كانوا بيسموه ايه في السيتروين.....لم يكن به عيوب فنية لكنه كان غير مريح لي في القيادة
تاكد من نوع الفتيس فاذا كان مثل ما ذكرت....فيجب الحذر

[abd_el_7amid]

شفتها النهاردة امام هايبر و انا راجع من اكتوبر
بس الشكل الجديد.. العربية سريعة و بتجمع بسرعة ما شاء الله

ربنا يبرك للى هيجبها.