سيتروين سي 5 ولا باسات موديلات 2015

[ENG\AHMED]

على فكرة مش معنى كلامى ان السى5 مش ثابتة .. انا بقارنها بحاجة تانية واقل منها وثباتها احسن

على فكرة الـ ds اقل من السى 5 واثبت والاتنين ستروين

[eng.m7md.ali]

عفشة السى 5 مالتى لينك
الاستابلتى ديزاين عفشة وايرودبنامكس مش شرط طالما مالتى تبقى ثابتة والعكس لو دونجل

الفيرنا مالتى والفكترا 95 والاوكتافيا a7 دونجل

طيب مانا عارف الكلام ده ياهندسة

اللي اقصده همتاً في اي شركة محترمة بتبقي العفشة المالتي لينك احسن من الدنجل يعني الشركة اكيد لما تيجي تعمل المالتي لينك هيبقي كفائته احسن من الدنجل اللي الشركة بتحطه في عربياتها لانه مستوي اعلي

[eng.m7md.ali]

على فكرة مش معنى كلامى ان السى5 مش ثابتة .. انا بقارنها بحاجة تانية واقل منها وثباتها احسن

على فكرة الـ ds اقل من السى 5 واثبت والاتنين ستروين

اقل منها من ناحية ايه؟؟؟

علي فكرة ال ds5 بتنزل برة بموتور اكبر ودفع رباعي وانا شايفها افخم وابهر من الc5 مش عارف حضرتك ياهندسة بتقول اقل منها في ايه

[ENG\AHMED]

خلى بالك ان حاجة زى الـ A7 بقت دونجل بعد الـ A5 مالتى والاتنين سكودا
المالتى كـ setup عفشة احسن لكن زى حالة الاوكتافيا ده كده للأحسن ولا الاسوأ؟

[ENG\AHMED]

اقل منها من ناحية ايه؟؟؟

علي فكرة ال ds5 بتنزل برة بموتور اكبر ودفع رباعي وانا شايفها افخم وابهر من الc5 مش عارف حضرتك ياهندسة بتقول اقل منها في ايه

انا بتكلم عن الـ DS3 بس نسيت احدد
على فكرة مجموعة DS كلها اتجاه مختلف .. زى ماقلت قبل كده الـ c5 comfort اكتر منها sporty عكس مجموعة الـ DS كلها
وخلى بالك ان الـ c5 اللى موجوده دلوقتى من 2008 يعنى بقالها 7 سنين .... ds5 بداية انتاجها 2011

[eng.m7md.ali]

خلى بالك ان حاجة زى الـ A7 بقت دونجل بعد الـ A5 مالتى والاتنين سكودا
المالتى كـ setup عفشة احسن لكن زى حالة الاوكتافيا ده كده للأحسن ولا الاسوأ؟

انت لو سوقت الفانتازيا وال a7 هتعرف الفرق اللي يتكلم عليه واهو في الاخر نفس الشركة

[ENG\AHMED]

انت لو سوقت الفانتازيا وال a7 هتعرف الفرق اللي يتكلم عليه واهو في الاخر نفس الشركة

انا قلت قبل كده المالتى كـ setup احسن ... انا مسوقتش الاتنين بس انا ذكرتهم كمثال لأن الاتنين نفس الماركة الوموديل والمفروض ان الشركة يتتطور للأحسن واسكودا كماركة واخدة ختم وتوقيع فولكس يعنى مش شركة قليلة

على فكرة احنا تقريبا شبه بوظنا الموضوع للراجل :)))

[Abo fatima]

انا قلت قبل كده المالتى كـ setup احسن ... انا مسوقتش الاتنين بس انا ذكرتهم كمثال لأن الاتنين نفس الماركة الوموديل والمفروض ان الشركة يتتطور للأحسن واسكودا كماركة واخدة ختم وتوقيع فولكس يعنى مش شركة قليلة

على فكرة احنا تقريبا شبه بوظنا الموضوع للراجل :)))

لا يا باشا ابدا الواحد بياخد خبره من الكلام الحلو ده. و يا ترى العيشه المالتي صيانتها احسن من حيث السعر و السهولة ولا لا.
كنت قريت موضوع مقارنه في المنتدى شبه الموضوع ده و المقارنه كانت مابين 508 و passat و c5 و 5008 و كان في راجل محترم قوى بحب كلامه جدا اسمه فورميلاتور. و كان رجح passat. بس الفكره انا مش بحب الجري قوى لكن احيانا الواحد بيكون مضطر. و بحب الرفاهية اللي مش لأبيها في الباسات مقارنه ب سي5 و بحب الكلاسيكية الموجوده في تابلوه الباسات. من الاخر كشكل خارجي و رفاهية و فتيس و جنوط و عفشه اماميه السي5 و راحه داخليه و كلاسيكية و سعر اعاده بيع و توكيل الباسات تكسب. عرفتوا بقى انا محتار ليه.

[Abo fatima]

Passat is winner

[دكتور محمدسعيد]

موديلات ستروين 2015

بص يا باشا انا لسة شاري c5 موديل 2015 من اسبوعين بعد حيرة كبيرة بينها والباسات والانسجنيا وال508 وبعد ابحاث طويلة لاني مشحرمي فلوسي استقريت بشدة واقتناع تام على الc5 لعدة اسباب اولا المميزات الشكلية يعني البرستيج انت راكب عربية مميزة مش مرطرطة كل الناس راكباها وده اللي بلاحظه في نظرات كل اللي ماشين في السارع .العربية بجد شكلها تحفة فخامة وبرستيج عالي وركز حتلاقيها بتشبه تصميم البي ام الفءة الخامسة والتابلوه شبه تابلوهات البي ام من الاخر حتديك وضعك اوي .اما من حيث الاستخدام فهي ثاتة جدا لدرجة انك حتحس انك مش ماشي الموتور جبار بيستجيب للبنزين والسرعة جدا وبضغطة عليه حتلاقي بينك وبين اللي جنبك 100 متر وساءل الامان كلها موجودة ومميزات كتير ....عيوبها متفكرش في سعر اعادة البيع لانها بتخسر وده لعدم معرفة معظم الناس بيها وقطع الغيار والصيانة توكيل عدل والباور بتاعها تقيل سنة بس العيوب دي معظمها في العرببات الغالية كلها واولا واخيرا استخير وهي راحة نفسبة وعلى فكرة الوكيل نزل خصم 8000 جنيه عليها وده عامل شغل كويس في المبيعات الفترة اللي جاية لاني ملاحظ زيادة انتشارها وده اكيد حيسهل موضوع قطع الغيار والصيانة.وبالمناسبة كان في عضو قال ان الشكل ده من 2008 ونزل مصر 2011 .اولا هو نزل مصر 2012 تقريبا والانسجنيا برده من 2008 وحتغير شكلها تماما في اوروبا 2016 ومع ذلك منعرفهاش غير من سنة فلا داعي للقلق كده كده الشكل الجديد مبينزلش عندك الا متاخر ابعد كام سنة من ظهوره

[fepsceasar]

بص يا باشا انا لسة شاري c5 موديل 2015 من اسبوعين بعد حيرة كبيرة بينها والباسات والانسجنيا وال508 وبعد ابحاث طويلة لاني مشحرمي فلوسي استقريت بشدة واقتناع تام على الc5 لعدة اسباب اولا المميزات الشكلية يعني البرستيج انت راكب عربية مميزة مش مرطرطة كل الناس راكباها وده اللي بلاحظه في نظرات كل اللي ماشين في السارع .العربية بجد شكلها تحفة فخامة وبرستيج عالي وركز حتلاقيها بتشبه تصميم البي ام الفءة الخامسة والتابلوه شبه تابلوهات البي ام من الاخر حتديك وضعك اوي .اما من حيث الاستخدام فهي ثاتة جدا لدرجة انك حتحس انك مش ماشي الموتور جبار بيستجيب للبنزين والسرعة جدا وبضغطة عليه حتلاقي بينك وبين اللي جنبك 100 متر وساءل الامان كلها موجودة ومميزات كتير ....عيوبها متفكرش في سعر اعادة البيع لانها بتخسر وده لعدم معرفة معظم الناس بيها وقطع الغيار والصيانة توكيل عدل والباور بتاعها تقيل سنة بس العيوب دي معظمها في العرببات الغالية كلها واولا واخيرا استخير وهي راحة نفسبة وعلى فكرة الوكيل نزل خصم 8000 جنيه عليها وده عامل شغل كويس في المبيعات الفترة اللي جاية لاني ملاحظ زيادة انتشارها وده اكيد حيسهل موضوع قطع الغيار والصيانة.وبالمناسبة كان في عضو قال ان الشكل ده من 2008 ونزل مصر 2011 .اولا هو نزل مصر 2012 تقريبا والانسجنيا برده من 2008 وحتغير شكلها تماما في اوروبا 2016 ومع ذلك منعرفهاش غير من سنة فلا داعي للقلق كده كده الشكل الجديد مبينزلش عندك الا متاخر ابعد كام سنة من ظهوره

الحقيقة يا دكتور اللى راكب سي5 ده بحسه ذو حيثية مش علشان الفلوس اللى دافعها لكن بحس ان دماغه وطريقة تفكيره مختلفة مش نظام ماشى فى الصف وخلاص ..الف مبروك وربنا يديك خيرها ويكفيك شرها

[Eezzoo]

ماهو نوع البنزين المستخدم

بص يا باشا انا لسة شاري c5 موديل 2015 من اسبوعين بعد حيرة كبيرة بينها والباسات والانسجنيا وال508 وبعد ابحاث طويلة لاني مشحرمي فلوسي استقريت بشدة واقتناع تام على الc5 لعدة اسباب اولا المميزات الشكلية يعني البرستيج انت راكب عربية مميزة مش مرطرطة كل الناس راكباها وده اللي بلاحظه في نظرات كل اللي ماشين في السارع .العربية بجد شكلها تحفة فخامة وبرستيج عالي وركز حتلاقيها بتشبه تصميم البي ام الفءة الخامسة والتابلوه شبه تابلوهات البي ام من الاخر حتديك وضعك اوي .اما من حيث الاستخدام فهي ثاتة جدا لدرجة انك حتحس انك مش ماشي الموتور جبار بيستجيب للبنزين والسرعة جدا وبضغطة عليه حتلاقي بينك وبين اللي جنبك 100 متر وساءل الامان كلها موجودة ومميزات كتير ....عيوبها متفكرش في سعر اعادة البيع لانها بتخسر وده لعدم معرفة معظم الناس بيها وقطع الغيار والصيانة توكيل عدل والباور بتاعها تقيل سنة بس العيوب دي معظمها في العرببات الغالية كلها واولا واخيرا استخير وهي راحة نفسبة وعلى فكرة الوكيل نزل خصم 8000 جنيه عليها وده عامل شغل كويس في المبيعات الفترة اللي جاية لاني ملاحظ زيادة انتشارها وده اكيد حيسهل موضوع قطع الغيار والصيانة.وبالمناسبة كان في عضو قال ان الشكل ده من 2008 ونزل مصر 2011 .اولا هو نزل مصر 2012 تقريبا والانسجنيا برده من 2008 وحتغير شكلها تماما في اوروبا 2016 ومع ذلك منعرفهاش غير من سنة فلا داعي للقلق كده كده الشكل الجديد مبينزلش عندك الا متاخر ابعد كام سنة من ظهوره

ممكن نعرف بنزين ٩٢ او٩٥

[ALshahba]

تأكيد الوكيل انها تستخدم بنزين اوكتان .... 92
بكل كفائه
طبعا مايمنعش انك لو حطيط ليها 95 حتلاقي كفائه واستجابه اعلي

[ALshahba]

رايي المتواضع في سي5:

1) عيوبها :
- عدم وجود فتحة سقف
- عدم وجود مفتاح ذكي (Smart Key)
- اعادة البيع خسرانه
- التوكيل غير مرضي نسبيا

2) مميزاتها:
- هدوء في صوت الموتور حتي مع الشد
- استهلاك بنزين خفيف
- فتيس فعلا مميز وسريع الاستجابه
- رحاااابه في الجلوس الغريب في الكنبه الخلفيه (عن تجربه) وجلوس باحساس مميز في كرسي السائق (عن تجربه)
- شكل التابلوه والعدادات مميز تحس انه مش حيقدم لعدة سنين
- 3 شاشات ديجيتال
- شكل من الخارج مميز (وجهة نظر شخصيه) يعطي احساس الرياضي من الجنب , اما من الامام او الخلف يعطي احساس الهدوء لرجال الاعمال (وجهة نظر تحتمل الختلاف مع الاخرين)
- اقل صيانه
- اضائة الفوج مع حركة الطاره يمن او يسار
- اقل سعر جديد ممكن تلاقيه يجمع جميع الكماليات تقريبا

في النها ية تقبلوا مروري واقبل الاختلاف علي رايي بكل سرور ومشاركه