بعض الاستفسارات عن اكسارا 2

[engkamel]

السلام عليكم و رحمة الله و بركاتة

احب قبل ان ابدا اشكر كل القائمين عن هذا المنتدى الكريم اتمنى من الله ان يكون فى ميزان حسناتهم و حسنات كل من يفيد اى شخص

استفسارى عن اكسارا2

الحمد لله انا اشتريت اكسارا 2 منذ يومين ولى بعض الاسئله ارجو منكم الافادة

1- ما سعر زيت الفتيس ( الاتوماتيك ) انا سمعت انه غالى اوى ؟
2- ما اسعار قطع الغيار ؟
3- ما هى مميزاتها و عيوبها ؟
4- ما هى الصيانات المطلوبة بعد عملية الشراء

وفى النهاية انا حبيت العربية جدا فاتمنى ان اكون احسنت الاختيار

لان كان امامى فى نفس السعر دايو / هوندا 93 / ميتسوبيشى 98

شكرا لكم و فى انتظار ردودكم الكريمة

[fepsceasar]

ألف مبروك العربية وربنا يمتعك بيها
سعر زيت الفتيس الاصلي تقريبا الليتر 100 جنيه ..وما فيش داعي تغيره لو ما عندكش مشكلة .. ده مجرد رأى ولك ان تسأل
الصيانات المطلوبة بعد الشراء سير الكاتينة أهم حاجة لو مش واثق فى كلام اللى اشتريت منه .. وتغير زيت وتراجع على الفلاتر ممكن تغير فلتر البنزين وفلتر الهوا والبوجيهات ..وتمشى على صيانتك انت أفضل
مميزاتها عربية محترمة جدا أفضل من أى عربية فى سعرها ..قليلة الأعطال لو اهتميت بالصيانة الدورية انا كان معايا اكسارا 1 مانيوال ..وكانت ما شاء الله قليل ما تروح للميكانيكي
قطع الغيار متوفرة وفى نفس مستوى الكوري

[eng_ashraf2007]

مبرووووووك

الف مبروك على العربية وربنا يرزقك خيرها ان شاء الله
بستأذن حضرتك سعرها كام؟
لانى بفكر اجيب اتوماتيك برده