ماتور c4 بيكاسوا ديزل

[bedo show]

مش عارف اعمل اية بجد
العربية C4 بيكاسوا ماتور ديزل تيربو بجد جميلة جدا جدا بس للأسف ملهاش حظ فى بلدنا العجيبة دى
من ساعة ما جبتها تقريبا من ٨ شهور وللأسف متهنتش بيها مع اني مش ببخل عليها بأي حاجة من ٥ شهور كنت راجع على الطريق الصحراوي وعند مدخل الساحل الشمالي وكان الشتاء جامد خبطت فى بندورة من بتوع الرصيف كانت محطوطة بالعرض في الملف الخبطة كانت في الكاوتش والفردةباظت خالص المهم ركبت الاستبن وحمدت ربنا أنها جت سليمة وأنا والعيال بخير وكملت بس فجأة لقيت دخان طالع من الكابوت وقفت وفتحت الكابوت لقيت نار وخرطوم الزيت اللي بيغذي التربو فلت من مكانة والزيت كله نزل على علبة العادم وولع
الحمد لله بطلت العربية وطفينا النار ووديت العربية للميكانيكي ومن وقتها حتى الآن وأنا في عزاب معاة
ومش عارف اوصف لكم الحالة اللي كنت فيها أنا والعيال وامهم .
المهم الميكانيكي قالي في الأول التربو باظ وحيتغير وبعدين طلع المبرد بتاع التربو مشروخ ماشي يا عم غيرهم وبعدين معلش اصل لقينا طلمبة الزيت ضعيفة وحتبوظ التربو الجديد ماشي غير الطلمبة كمان المهم المأتور اتفرتك خالص ولما فكينا الماتور لقينا رايش في تانك الزيت طيب أية العمل حنطر نغير الاورمة ماشي يا سيدي غير الحمد لله العربية دارت بس بردة مفيش زيت جاي للتيربو طيب أية الحل أنت مش غيرت طلمبه الزيت
أة بس الظاهر أنها هي كمان ضعيفة طيب وبعدين أية الحل المهم الكلام دة كوله دخل في حدود ١٠٠٠٠ جنية وبردة أنا سلمت أمري لله
الحل ان احنا نغير الماتور كولة أحسن ونجيب واحد استعمال خارج وأنا حامل معاك واجب وطبعا انتوا عارفين باقي الكلام ماشي يا عم بس نخلص بكام الماتور دة وحياخد وقت اد أية
بعد الواجب ١2000 الف جنية مش 150000 واسبوعين ثلاثة بالكثير ..... ماشي الأمر لله ما باليد حيلة .
وطبعا دة غير المصنعية و لسة المرور وأنا كمان حجدد الرخصة وننقل ملكية بالمرة مع تعب وارف ورق الماتور الجديد .
بس الأسبوعين بقم خمس شهور ودخلين في السادس وكل شوية كلام شكل الماتور اللي جالو مش بعتها المركب اتأخرت وضع البلد والثورة المركب طلعت على اسبانيا الحاوية لسة متفتحتش كلام كتير وحوارات ملهاش آخر .
انا بجد تعبت وزهقت ومش عارف اعمل اية وأجمل حاجة سمعتها منة انه ممكن يعمل تعديل ويركب مأتور بنزين بدل الديزل طبعا انا فرحت وقولتلة ياريت وابقى ارتحت من دربكة الديزل بالمرة المفاجئة انه قالي انه حيتكلف في حدود 30000 الف
أية رائيكم يا ناس اعمل اية مع العلم الميكانيكي من الناس اللي مشهورة اوى فى اسكندرية ومتخصص في شغل البيجو والاستروين بس وبشوف ناس عندة من محافظات كتير من القاهرة والبحيرة ودي صورة للورشة بتاعتة

https://m.facebook.com/photo.php?fbi...6106&source=56

[mr_green]

للأسف أخى الفاضل إنت سلمت نفسك لواحد مابيفهمش و نصاب

رجعله ماتوره الديزل و خد ماتورك الأولانى و وديها التوكيل و أمرك لله - أنا عارف إن التوكيل معفن بس عيب الستروين إن صعب تلاقى حد فاهم فيها و بالذات لو ديزل

[Abo_Mazen]

الميكانيكي ده في صلاح الدين ولا إيه ؟؟؟؟!!!!!!!...........إوعى تقول آه ..هزعل قويييييييييي

[bedo show]

للأسف أخى الفاضل إنت سلمت نفسك لواحد مابيفهمش و نصاب

رجعله ماتوره الديزل و خد ماتورك الأولانى و وديها التوكيل و أمرك لله - أنا عارف إن التوكيل معفن بس عيب الستروين إن صعب تلاقى حد فاهم فيها و بالذات لو ديزل

انا فعلا عملت كدة بس للحق هو بيفهم كويس اوى ومعاة كام واحد من سوريا بس عيال اديهم تتلف فى حرير
بس بردة انا خايف من التوكيل من اللى بسمعة من وقت للتانى ....

[bedo show]

الميكانيكي ده في صلاح الدين ولا إيه ؟؟؟؟!!!!!!!...........إوعى تقول آه ..هزعل قويييييييييي

انا مقدرش على زعلك
اطمن هو مش صلاح الدين
دة فى المندرة اسمه
ايهاب بيجو انا رحتلة بعد ما اخدت عنوانة وتليفونة من نايل موتورز

[Abo_Mazen]

انا مقدرش على زعلك
اطمن هو مش صلاح الدين
دة فى المندرة اسمه
ايهاب بيجو انا رحتلة بعد ما اخدت عنوانة وتليفونة من نايل موتورز

صنايعية صلاح الدين اللي داخل عندهم مفقود ..وحتى في شرا المستعمل ..لازم تروح لواحد عن طريق حد يكون هو اللي قايلك عليه ..

[bedo show]

صنايعية صلاح الدين اللي داخل عندهم مفقود ..وحتى في شرا المستعمل ..لازم تروح لواحد عن طريق حد يكون هو اللي قايلك عليه ..

الحمد لله انهاردة لقيت ايهاب بيجو الميكانيكى بيتصل بية وخلانى اكلم المستورد فى بورسعيد والراجل اكدلى ان الماتور حيوصل يوم 13/5 .......
مجتش من اسبوع كمان ربنا يسهل ويصدق فى كلامة وبردة اكون سألت فى التوكيل .....
دعواتكم ....

[bedo show]

صنايعية صلاح الدين اللي داخل عندهم مفقود ..وحتى في شرا المستعمل ..لازم تروح لواحد عن طريق حد يكون هو اللي قايلك عليه ..

صلاح الدين انا متعاملتش معاهم خالص من اللى بسمعة عنهم ......
بس عندى اخوية ووالدى كانوابيتعاملوا معاهم وللحق هما سألوا هناك بردة على الماتور وكل اللى هناك قالولهم على ايهاب بيجو اللى فى المندرة وقالولهم دة احسن واحد شغال فى البيجو والاستروين فى اسكندرية والوحيد اللى بيشتغل فى مواتير الديزل الملاكى برة التوكيل .