استفسار هام بخصوص سيتروين c4 2006 >>> برجاء المشاركه

[sniper_1980]

السلام عليكم ورحمة الله
معلش مش هاطول عليكم ليا استفسار بسيط من الناس الجميله فى المنتدى هنا
مقبل على شراء سيتروين c4 موديل 2006 العربيه ماشيه 100000 كيلو وصاحبها بيقول انها فابريكة وطالب 64000 قابله للتفاوض البسيط
السؤال هنا ومعلش هاتعبكم معايا بس عشمى فيكم كبير لانى اول مره اركب عربيه وبعد دوخة استقريت على العربيه دى ...
اولا انا مش من هواه التبديل والنط من عربيه لعربيه يعنى موضوع اعادة البيع مش قالقنى اوى دا لو يعتبر عيب
ثانيا يهمنى فى العربيه انها متزعلنيش وخصوصا انى فى المكانيكا زيرو يعنى لسه تلميذ
العربيه تكون شكلها حلو ومتتعبنيش اعطال وصيانه
فهل العربيه دى ينطبق عليها المواصفات دى ولا ادور على حاجة تانيه احسن مع العلم ان ميزانيتى 65000
وانا مرتاح اوى للعربيه دى وقريت عنها كتير بس مستنى رأى الناس الخبره واللى جربت العربيه علشان اخد قرار نهائى ومتشكر لكل واحد هايرد مقدما

[tottihr]

السلام عليكم ورحمة الله
معلش مش هاطول عليكم ليا استفسار بسيط من الناس الجميله فى المنتدى هنا
مقبل على شراء سيتروين c4 موديل 2006 العربيه ماشيه 100000 كيلو وصاحبها بيقول انها فابريكة وطالب 64000 قابله للتفاوض البسيط
السؤال هنا ومعلش هاتعبكم معايا بس عشمى فيكم كبير لانى اول مره اركب عربيه وبعد دوخة استقريت على العربيه دى ...
اولا انا مش من هواه التبديل والنط من عربيه لعربيه يعنى موضوع اعادة البيع مش قالقنى اوى دا لو يعتبر عيب
ثانيا يهمنى فى العربيه انها متزعلنيش وخصوصا انى فى المكانيكا زيرو يعنى لسه تلميذ
العربيه تكون شكلها حلو ومتتعبنيش اعطال وصيانه
فهل العربيه دى ينطبق عليها المواصفات دى ولا ادور على حاجة تانيه احسن مع العلم ان ميزانيتى 65000
وانا مرتاح اوى للعربيه دى وقريت عنها كتير بس مستنى رأى الناس الخبره واللى جربت العربيه علشان اخد قرار نهائى ومتشكر لكل واحد هايرد مقدما

بص يا باشا العربيه والله محترمة جدا و انا شايف ان سعرها كويس اهم اهم حاجه انك تكشف عليها كويس و لو مش هتقدر تكشف عليها فى التوكيل لان الكشف حوالى ٨٥٠ جنيه فى ناس كتير برده ممكن تكشف عندهم حوالى ٢٥٠ الى ١٥٠ لو العربيه ان شاء الله سليمة و مفيش مشاكل كبيره مش هتعمل غير صيانه الدورية و قطع الغيار متوفرة و سعره مش غالى اوى و لو عايز تكشف عليها فى ناس فى المعادى و مدينه نصر اهم حاجه تكشف كويس

[sniper_1980]

ربنا يارب يصلح حالك ويريح بالك .... انا رايح بكرة ارفعها وان شاء الله اتوكل على الله ....كلامك ثبتلى شوية حاجات كن حابب اتاكد منها ..... ربنا يكتبلى فيها نصيب ويدينى خيرها ويكفيني شرها

[tottihr]

ربنا يارب يصلح حالك ويريح بالك .... انا رايح بكرة ارفعها وان شاء الله اتوكل على الله ....كلامك ثبتلى شوية حاجات كن حابب اتاكد منها ..... ربنا يكتبلى فيها نصيب ويدينى خيرها ويكفيني شرها

ان شاء الله خير

[sniper_1980]

الحمد لله رفعتها عند فريد شوقى اللى فى مدينة نصر والراجل بصراحة محترم والعربيه الحمد لله مفيهاش مشاكل جوهرية ... كل الحكاية الصيانه الدورية و4 فرد كاوتش لان الكاوتش بتاعها هلكان ... الحمد لله خلصتها على 60500 وتظبيط العربيه حوالى فى حدود 5000 وربنا يبارك ان شاء الله

[tottihr]

الحمد لله رفعتها عند فريد شوقى اللى فى مدينة نصر والراجل بصراحة محترم والعربيه الحمد لله مفيهاش مشاكل جوهرية ... كل الحكاية الصيانه الدورية و4 فرد كاوتش لان الكاوتش بتاعها هلكان ... الحمد لله خلصتها على 60500 وتظبيط العربيه حوالى فى حدود 5000 وربنا يبارك ان شاء الله

فريد شوقى محترم و كويس انا اتعملت معاها قبل كدا الحمدالله انه مفيش مشاكل فى العربيه ربنا يباركلك فيها