بعد مرور أكثر من عام على إقتناء سى إيليزيه

[scientist9508]

بسم الله الرحمن الرحيم

الإخوه الأفاضل

أرجو التكرم بإفادتى بالآتى:

1 - ما هى العيوب و المشاكل التى ظهرت بعد فترة من إستخدام سى إيليزيه؟

2 - ما هى أقصى سرعه آمنه يمكن الوصول إليها على الصحراوى دون أن تفقد السياره ثباتها أو يختل توازنها؟

3 - ما هى أقصى مسافه آمنه يمكن الوصول إليها على الصحراوى بنفس خزان الوقود بدون الحاجه للتوقف للتزود بالوقود؟

4 - ما هى السعه الفعليه لخزان وقود سى إيليزيه؟

جزاكم الله خيرآ كثيرآ

السلام عليكم و رحمة الله و بركاته

[م أحمد]

بشوف ردود حضرتك عن البيجو 301

ال 301 هى توأم السى إليزيه فى كل حاجة باستثناء الشكليات

[hugan]

العربيه تقريبا مش موجوده في الشارع

[scientist9508]

بشوف ردود حضرتك عن البيجو 301

ال 301 هى توأم السى إليزيه فى كل حاجة باستثناء الشكليات

بسم الله الرحمن الرحيم

أخى الفاضل م. أحمد

فعلآ أنا لست من المعجبين بالبيجو 301 و لكننى لاحظت إقتناع ملاك السى إيليزيه بها بل و رغبتهم فى الإحتفاظ بها (عكس الكثير من ملاك البيجو 301 الذين يعرضون سياراتهم للبيع بعد عام واحد فقط) فأحببت أن أكتشف السبب. إستهلاك الوقود من الأمور التى تهمنى جدآ و لذلك من أوائل الأمور التى أسأل عنها.

تشرفت بمرورك

السلام عليكم و رحمة الله و بركاته

[scientist9508]

العربيه تقريبا مش موجوده في الشارع

هذا ما ألاحظه أنا أيضآ على الرغم من قناعة ملاكها بها

[م أحمد]

بسم الله الرحمن الرحيم

أخى الفاضل م. أحمد

فعلآ أنا لست من المعجبين بالبيجو 301 و لكننى لاحظت إقتناع ملاك السى إيليزيه بها بل و رغبتهم فى الإحتفاظ بها (عكس الكثير من ملاك البيجو 301 الذين يعرضون سياراتهم للبيع بعد عام واحد فقط) فأحببت أن أكتشف السبب. إستهلاك الوقود من الأمور التى تهمنى جدآ و لذلك من أوائل الأمور التى أسأل عنها.

تشرفت بمرورك

السلام عليكم و رحمة الله و بركاته

السبب حضرتك ان الجيش متعاقد على كميات كبيرة من العربية...و فى ناس ضباط اقارب نسايبى من قبل ما يستلموها و هما قلقانين علشان اسعار قطع غيار البيجو....العربية نازلة لهم بتقسيط مريح او تخفيض مش متأكد....زائد vip فى زيارات الصيانة...فهو حتى لو مش عايز العربية بيجيها و يبعها علشان يستفيد منها....بخلاف الاليزيه اللى الافراد العاديين بيشتروها من نفسهم

العربية هى هى ال 301 بالمللى باستثناء شكل الصاج الخارجى و شكل الصالون من الداخل لان بيجو و ستروين شركة واحدة
يبقى مفيش معنى من اقتناع ملاك الاليزيه و عدم اقتناع ملاك ال301
هى اقل من ال 301 ب خمسة آلاف تقريبا فى السعر المبدأى...اللى هم تقريبا فرق السعر اللى بتخسره الستروين عن البيجو مثلا فى اعادة البيع

[elsayed mohame]

بسم الله الرحمن الرحيم

الإخوه الأفاضل

أرجو التكرم بإفادتى بالآتى:

1 - ما هى العيوب و المشاكل التى ظهرت بعد فترة من إستخدام سى إيليزيه؟

2 - ما هى أقصى سرعه آمنه يمكن الوصول إليها على الصحراوى دون أن تفقد السياره ثباتها أو يختل توازنها؟

3 - ما هى أقصى مسافه آمنه يمكن الوصول إليها على الصحراوى بنفس خزان الوقود بدون الحاجه للتوقف للتزود بالوقود؟

4 - ما هى السعه الفعليه لخزان وقود سى إيليزيه؟

جزاكم الله خيرآ كثيرآ

السلام عليكم و رحمة الله و بركاته

بص يا فندم دى شهادة ربنا يحاسبنى عليها انا معايا العربية بقالها سنتين واسبوعين تقريبا استلمتها 17/8/2013
وأنا بشتريها عارف ستروين فى اعادة بيعها فى مصر عامله ايه علشان كده مش فارق معايا ان الناس تشتريها أو لا بل بالعكس ان مش عاوزها تنتشر ده بالنسبة ليا ميزة خاصة انى مش ناوى ابيعها أصلا وربنا ما يحوجنيش لكده إن شاء الله .. أوقات كتير بكون فى حيرة إن ادخل أعلق بين نارين نار ان المنتدى والناس اللى موجودة ساعدتنى كتيرررر قبل إختيار العربية وبعده وما بين إن الاقى ناس تقولك ده بيكدب أو بيحاول يجمل لكن من باب المساعدة أنا نفسى اعمل تقرير شامل بس مش عاوز النار التانية وبخاصة إن مش فارقة معايا .. لكن بخصوص سؤال حضرتك فدى شهادتى أمام ربنا :
العربية منذ أن إشتريتها وهى بسم الله ما شاء الله الله أكبر ولله الحمد زيرو مشاكل ولا مرة بفضل الله يعنى اى حاجة مش فاكر إنها قالت أى خلال سنتين غير حاجتين اتنين:
أول حاجة أثناء التليين كان التكييف وطبعا انا شاريها فى عز الصيف كانت بتقلب بطة بلدى لكن أغرب ما شوفت فى حياتى بعد الصيانة المجانية والسوفت الجديد أقسم بالله تكيييييف ثلاااااجة وجابلى برد أكثر من مرة ومش بشغلة غير على الربع مثلا يعنى النص دة نادرا لو راكن فى شمس مثلا لكن الهاى ماكس دة صعب .. أما حتة بطة دى كانت العجب كله بعد الصيانة المجانية الأولى والسوفت ومهما كانت الشمس أكاد أن أجزم إنه لا يوجد أدنى تأثير على سحب العربية ودة كان علامة استفهام وتعجب كبيرة جدا يعنى مثلا ممكن يتحسن لكن مرة واحدة يبقى مفيش أدنى تأثير بسم الله ما شاء الله والله أكبر ولله الحمد ..

النقطة الثانية أنا من بنها ولظروف خاصة اضطريت إنى أمون من بنزينة التعاون أكثر من مرة وراء بعض وده أثر على البوجيهات تانى يوم بعد التفويلة بدور العربية لقيتها صوتها على وبتترج بس بعد خمس دقائق الصوت راح بس المروحة فضلت شغالة بتاع 3 دقائق لغاية لما فصلت بعد كده دورت العربية وتكلت على الله ..
خلا السنتين دول العربية ولا الهواء بفضل الله وبسم الله ماش اء الله والله أكبر ولله الحمد ..
ختاما برضو هأقولك على كام ملحوظة:
مرتين نزلت لقيت العربية مخبوطة جامد مع العلم إن من أكبر المزايا اللى فيها متانتها بجد أكتر من مرة كنت فى القاهرة واتخبطت منى من ميكروباس ومنهم مرة كان والدى معايا ونزل اتخانق مع السواق فانا زعقت برضو وبعدين غمزتلو وقلتله العربية مفيهاش حاجة بس كان صوت الخبطة جامد وكان فى اثر اكصدام الميكروباس ابيض على الرفرف بس بعد ما وصلنا قلتله بص وجبت قطن وكمبوند وبولش وشلت البياض بتاع الميكروباس فلقيته بيقولى بعد ما كان بيتريق انى جبت ستروين اللى مش منتشره قالى ايه بقى بعد ما شاف المنظر قالى انت عارف ان زمان كان فى عربية سيتروين لو الحرامى جه يسرقها تنزل على الأرض انا مش عارف بصراحة يقصد ايه .. المهم ان فى مرتين نزلت لقيتها مخبوطة جامد وده تسبب فى نقرة فى الكبوت وكذلك نقرة فى الإكصدام وفى مسمار بتاع فانوس امامى اتلخلخ والزجاج الأمامى مكسور بس الحمد لله كنت مأمن لقيت التوكيل غيرهم كلهم والتأمين تكفل وخدتهم معايا البيت والله العظيم حاطط الفانوس فى النيش بيبرق ههههه .. الحمد لله رب العالمين أنا قلت اللى فات ده علشان حته توافر قطع الغيار فى التوكيل .. أما بره التوكيل فعندك مثلا غربية تريد لو قطع اصلى وفى مش اصلى فى القاهرة والحرفيين ودمشق والأماكن دى كان فى حد مجمع الأماكن فى ورقة على جروب على الفيس تقريبا او هنا ..
كنت عاوز أقول ايه تانى .. بص لو حد يتكرم ويقولى مثلا التقرير الشامل دة محتوياته ايه .. بس رجاء يعنى أنا عارف ان الناس كلها عارف ان 301 هى سى اليزيه بس بسم الله ما شاء الله الله أكبر ولله الحمد .. لو التقرير الشامل ده ملوش لازمة يبقى خلاص بلاش وأى سؤال قولى وأنا أجاوبك وخلاص ..
نسيت أقولك أنا حتى الأن بسم الله ما شاء الله والله أكبر ولله الحمد ما غيرتش تيل الفرامل :)
ومعلش على الإطالة والرغى الكتير بس ربنا اللى يعلم إنى قلت كل حاجة بما يرضى الله وربنا يستر ويحفظ لكل واحد عربيته ويديلو خيرها ويكفيه شرها :)

[scientist9508]

بسم الله الرحمن الرحيم

أخى الفاضل السيد محمد

لك منى جزيل الشكر على ردك و إهتمامك و أن تشرفت بمرورك.

أتمنى أن تجيبينى عن الأسئله الآتيه فيزيد فضلك:

1 - ما هى أقصى مسافه آمنه على الصحرواى تستطيع السى إيليزيه الوصول لها دون الحاجه إلى التوقف للتزود بالوقود؟

2 - ما هى أقصى سرعه آمنه تصل السى إيليزيه إليها دون أن تفقد ثباتها أو يختل توازنها؟

ثق يا أخى الكريم أننى أصدق كل كلمه كتبتها بل ولك الشكر على كل كلمه . . . ولكننى صدقآ فى حيرة من أمرى عندما أرى قناعة ملاك السى إيليزيه بها و شكاوى ملاك ال 301 منها!

أتمنى ألا تنسى الإجابه على أسئلتى

جزاك الله الخير كله

السلام عليكم و رحمة الله و بركاته

[elsayed mohame]

بسم الله الرحمن الرحيم

أخى الفاضل السيد محمد

لك منى جزيل الشكر على ردك و إهتمامك و أن تشرفت بمرورك.

أتمنى أن تجيبينى عن الأسئله الآتيه فيزيد فضلك:

1 - ما هى أقصى مسافه آمنه على الصحرواى تستطيع السى إيليزيه الوصول لها دون الحاجه إلى التوقف للتزود بالوقود؟

2 - ما هى أقصى سرعه آمنه تصل السى إيليزيه إليها دون أن تفقد ثباتها أو يختل توازنها؟

ثق يا أخى الكريم أننى أصدق كل كلمه كتبتها بل ولك الشكر على كل كلمه . . . ولكننى صدقآ فى حيرة من أمرى عندما أرى قناعة ملاك السى إيليزيه بها و شكاوى ملاك ال 301 منها!

أتمنى ألا تنسى الإجابه على أسئلتى

جزاك الله الخير كله

السلام عليكم و رحمة الله و بركاته

بص يا فندم أنا فى فترة التليين كنت رايح اسكندرية على الزراعى وفى حته اسمها الطريق الحر وكانت لسه العربية جديدة ومرة واحدة اتقفشت رادار وقالى انى كنت فوق 140 بس أنا فعلا مكنتش باصص على العداد والعربية ما شاء الله ثابتة .. لكن بعد كده فى الغالب بكون مشغل الجى بى إس وده متظبط مع قانون المرور يعنى لو المنطقة الفلانية اقصى حاجة 90 هتلاقية قعد يعمل صوت مزعج فمش فاكر بصراحة إنى جربت أوصل حتى ل 160 كتجربة .. يعنى علشان الطرق اللى بمشى عليها كده ومش من بينها الصحراوى للأسف .. فمش هقدر أفيدك بصراحة والله لو فى طريق مفتوح قريب منى أو كان الزراعى ماشى فى يوم ممكن أجرب وأقولك .. أنا أسف انى مجاوبتكش بس إن شاء الله أجرب العداد تقريبا لغاية 220 ولو مجربتش دلوقتى هجرب إمتى يعنى ده :) أنا يوم ما بدوس بنزين بكون على المحور بس علشان الرادار ما بعديش ال 140 علشان الحق ارجع لل90 :) :)

عامة هجرب وأقول لحضرتك واسف مرة تانية مش عارف ازاى واحد فى العشرينات ومقفلش العداد لغاية دلوقتى

أما البنزين فده بيعتمد عليك إنت يعنى أنا مثلا وخلى بالك برضو على الزراعى مش الصحراوى واكيد عارف يعنى ايه الزراعى وزحمته .. التنك 50 لتر .. لو انت مش فارقة معاك البنزين وتوفيره وبتحرق كتير هتلاقيك عامل 500 ك مع تكييف ويبدأ يزيد أنا وصلت 680 قبل كده وفى ناس وصلت ل 800 ك وبصراحة غازونى وده سبب انى بدأت أهتم بالموضوع ده ووصلت ل680 وبشغل التكييف برضو بس مع بعمل بالتعليمات اللى كان المنتدى كاتبها هنا لتوفير استخدام البنزين .. يعنى ده فى الأول وفى الأخر بيعتمد على طريقة سواقتك واستخدامك للتكييف ..

فى النهاية اسمع من الناس كلها وشوف عينك وقلبك وعقلك عايزين ايه ثم إستخير ربنا .. بس كده وإن شاء الله ربنا يكتبلك كل خير :)

[Curva Nord]

العربية معايا من بعد العيد مقابلنيش غير مشكلة تكييف كنت انا سبب فيها اضطرت العربية لفصل التكيف حفاظ عليه ورحت مركز صيانة حلها بسهولة والان بدون مشاكل..

السيارة بتنتشر جدا حاليا وكل طلعة لازم اقابل عربيتين على الاقل ..
انا كان معايا سبورتاج قبلها وبصراحة معجب بعفشة الاليزيه اكتر اوبشنز ممتازة مقارنة بالسعر والفئة وافضل من عربيات اعلى منها سعر..

هى توأم لل301 مع بعض الفروقات الشكلية والسوفت وير وتابلوه الاليزيه افضل ابانوس وكذلك الصالون والشكل الخارجى شايفه جذاب اكتر..
ال301 اكثر انتشارا" ..

[hany2]

سؤال بخصوص الإليزيه

السادة المحترمين
هل السي إليزيه واسعة في القعدة زي اللانسر مثلا؟ أنا عارف إن الشنطة واسعة جدا لكن هل المقاعد الأمامية مريحة والخلفية تسع 3 أشخاص مرتاحين؟
شكرا جزيلا

[hilal]

الستروين القديمة فعلا كانت بتنزل لتحت
وانا كنت محتار اشمعنى الستروين اللي بتعمل كده
وما كنتش عارف السبب أو الحكمة في كده لغاية ما قريت تعليق والدك عليها

[miam0502788391]

الستروين القديمة فعلا كانت بتنزل لتحت
وانا كنت محتار اشمعنى الستروين اللي بتعمل كده
وما كنتش عارف السبب أو الحكمة في كده لغاية ما قريت تعليق والدك عليها

يعنى ايه بتنزل لتحت ؟؟؟؟
الدواسات ؟؟ ولا الكاوتش ؟؟
!!!!!!!!!!!!!!!!!!!!!!!!!!!!!!

[hilal]

يعنى ايه بتنزل لتحت ؟؟؟؟
الدواسات ؟؟ ولا الكاوتش ؟؟
!!!!!!!!!!!!!!!!!!!!!!!!!!!!!!

العجل اللي ورا بيغطس كده

[islam.3bada]

السادة المحترمين
هل السي إليزيه واسعة في القعدة زي اللانسر مثلا؟ أنا عارف إن الشنطة واسعة جدا لكن هل المقاعد الأمامية مريحة والخلفية تسع 3 أشخاص مرتاحين؟
شكرا جزيلا

اوسع و اريح من اللانسر عن تجربة للعربيتين
انا معايا الاليزيه من نوفمبر 2013