بخصوص ds5 ياريت الكل يشارك

[ILoveCLA]

السلام عليكم..

بالنسبة لموديل 2016 DS5 ال Facelift الجديدة في اخبار عنها هتنزل مصر امتى ؟

وياريت لو حد معاه DS5 يقولي اية مميزتها و عيوبها زي البنزين 95 ولا 92 ؟ قطع الغيار ؟ الصيانة ؟ سعر البيع ؟ الخ

انا سألت عليها في التوكيل من شهر قالي حتنزل في شهر 11 وحنكلمك تيجي تحجز ولحد دلوقتي ولا حد عبرني :/

فكرت اشتري Opel Insgnia أو Mercedes CLA 180 بس في كتير خوفوني منهم و خصوصا ال CLA مشاكل الموتور و البنزين

ياريت الكل يشارك و يقول رأية علشان فعلا محتاس و مش عارف استنى لحد ماتنزل ولا اشوف حاجة تاني

[scientist9508]

السلام عليكم..

بالنسبة لموديل 2016 ds5 ال facelift الجديدة في اخبار عنها هتنزل مصر امتى ؟
لن يجيب أى أحد هذا السؤال إلا الوكيل نفسه

وياريت لو حد معاه ds5 يقولي اية مميزتها و عيوبها زي البنزين 95 ولا 92 ؟ قطع الغيار ؟ الصيانة ؟ سعر البيع ؟ الخ
سأجيب ثلاثة فقط لأننى غير متأكد بدقه من نقطة الوقود . . أسعار قطع الغيار مشتعله . . بالتبعيه أسعار الصيانات مرتفعه . . سعر إعادة البيع متدنى بالنسبه لثمنها و هى جديده

انا سألت عليها في التوكيل من شهر قالي حتنزل في شهر 11 وحنكلمك تيجي تحجز ولحد دلوقتي ولا حد عبرني :/
إما أن تصبر و تعاود الإتصال بالوكيل مرات و مرات و إما أن تغير وجهتك لسياره أخرى . . . القرار قرارك لأنك لن تستطيع تغيير سلوك الوكيل

فكرت اشتري opel insgnia أو mercedes cla 180 بس في كتير خوفوني منهم و خصوصا ال cla مشاكل الموتور و البنزين
فعلآ . . . إبتعد عن كل محركات أوكتين 95 مهما كانت مميزات السياره

ياريت الكل يشارك و يقول رأية علشان فعلا محتاس و مش عارف استنى لحد ماتنزل ولا اشوف حاجة تاني

من جديد الأمر يعود إليك . . . إن كنت عاشق للسيتروين فإنتظرها و إن كنت فى عجلة من أمرك و لا تستطيع الإنتظار فغير وجهتك لسياره أخرى

[fepsceasar]

فيما اعلم لانى انا كمان معجب بالعربية دى بس مشمن ملاكها ومش عارف 2016 ايه ظروفها انا هكلمك على اللى اعرفه عن الموديلات اللى قبلها
بنزين 92
قطع غيار مناسبة لفئتها ..مش عارف الاستاذ اللى بيقول مشتعلة بيقول على اساس ايه او بيقارنها بايه..هل هو من ملاك العربية ؟؟؟ خاصة ان اكبر تكلفة صيانة ليها وهى صيانة 80 الف ب 2200 جنيه وفيها كل حاجة تقريبا
مشكلة التوكيل انه ساعات بياخر وصول قطع الغيار ودى مشكلة شائعة فى توكيلات كتير
اعتقد ان فى الفئة السعرية دى الدي اس 5 ممتازة والله اعلم وبرضو نشوف لما الموديل الجديد ينزل ينطبق عليه نفس الكلام ولا لا