صنايعية سيتروين Ax

[Mohamed Guda]

السلام عليكم،
لو سمحتم أنا عانيت الأمرين من الميكانيكية واحد مهمل هو شاطر بس مهمل بيطنش ويطلصق وخلاص أي حاجة.. وواحد مش فاهم وبيفتكس وخلاص.. وواحد نصاب بيشتغلني وياخد فلوس على الفاضي.. والعربية بقالها كام شهر فيها مشاكل وآخر حاجة عملتها نص عمرة وبردو لسة فيها عدة مشاكل:
- مش بتدور من أول مرة لازم 10 مرات ولا حاجة على ما ترضى تدور
- بتفصل وهي ماشية في الطريق كل ما أهدي في مطب ولا حاجة تبطل خالص واضطر أدور تاني
- سحبها ضعيف وبتبطل في المطالع
الصوت بتاع الموتور عالي وفيه دخان بيطلع من الشكمان
لمبة الحرارة مش شغالة يعني ممكن تسخن جامد وللمبة مش شغالة
- مؤشر البنزين غير دقيق يعني ببقى مفولها والمؤشر عند النص

لو حضراتكم تعرفوا صناعيعي كويس وأمين تكونوا اتعاملتوا معاه أهم حاجة ياريت أرقام وعناوين

جزاكم الله خيراً

[rotanamasoud]

كان نفسى افيدك بس اللى اعرفه فى اسكندريه

[gem]

اللي عند ده كله من الكاربراتير انت تروح عند حد بتاع كاربراتير تصلحة او احسن حاجة تشتري كاربراتير استيراد ولو عاوز ميكانيكي روح للاسطى علاء وهتلاقي عنده قطع الغيار كمان01007153536

[fepsceasar]

ايهاب جلال في صقر قريش كنت بتعامل معاه فى الاكسارا وكان كويس جدا