سيتروين سى4 بيكاسو 2008

[ahmed1_com]

عايز استفسر عن سيتروين بيكاسو لانى بفكر فى واحده ومش لاقى ليها معلومات على النت غير كام واحد بيقولو الموتور الديزل بتاعها وحش ومشاكل بتاعتو كتير ولا ليها اسعار قطع غيار ولا اى حاجه ياريت حد من مالكيها يعرفنا معلومات عنها وعن الموتور الديزل وقطع الغيار

[walidsamy71]

أنا معايا جراند بيكاسو 2008 ديزل مانيوال ... عدلتها وفلبتها لبنزين أوتوماتيك ...
فعلا العربيات الديزل مش كويسة ومشاكلها كتير .. وده بسبب نوعية الديزل فى مصر مش بسبب العربية نفسها ...
العربية رائعة بمعنى الكلمة .. وفيها أوبشنز خيالية .. وأدائها ممتاز .. لكن يفضل إنك تخليك فى البنزين وبلاش الديزل ..

[Mohamed elb7r]

لو سمحت يا استاذ وليد انا هشتري سيتروين بيكاسو 2008 ديزيل كنت عايز اسال حضرتك عن العربيه وازاي احولها بنزين وكده وتكلفة تحويلها

[م أحمد]

كنت قابلت واحد معاه بيجو 407 ديزل تعرفت عليه و عرفت انه ميكانيكى ...شكر فى العربية جدا و بالنسبة لموضوع السولار قال ان فلتر لازم يفضيه اسبوعيا من المياه علشان يحافظ على العربية..

المقصود...لو تقدر تعمل الصيانات الوقائية دى و ليك فى شغل الميكانيكا هيبقى مكسب ليك...بس تمن قطع الغيار غالية جدا عن البنزين تلات اضعاف

كمان الديزل موفر جداااااااا

70 لتر فى ال 407 بيقعدو 1500 كم

77 لتر فى ال 406 الديزل معمول بيهم رقم قياسى 2300 كم

و اكيد الستروين لانهم شركة واحدة

تكلفة التحويل بتشترى نص بنزين كامل و تفضيه فى عربيتك

[Muhammad Eissa]

طيب العربية البيكاسو فيها مشاكل معروفة ؟
وهل معمرة ولا لا ؟

[mahmoudfs]

السلام عليكم
السياره ممتازه وعائليه لو كانت بنزين او ديزل.
الفرق بين الاثنين
البنزين قويه جدا بمحرك 1.6 تربو شارج بقوه 156 حصان المحرك نسخه من شركه bmw
السولار محرك ممتاز و اقتصادي جدا هو الانجح في فلسطين 1.6 تربو سولار بقوه 115 حصان صنح بيجو ستروين
السياره فيها اوبشن كتير

[bedo show]

الديزل ممتازة جدا وكلمة السر فيها أن اللي يشتغل فيها يكون فاهم كويس اوى فى أنظمة حقن الديزل .
المواتير الديزل متوفرة جدا ومعمرة جدا ولاكن تحتاج متابعة باستمرار .....
تغير الزيوت والفلاتر وفلتر الهواء هي دي بأختصار روح وقلب وحياة المواتير الديزل.
وطبعا العربية غنية عن التعريف بالنسبة للأمان والراحة والثبات على السرعات الكبيرة دة كلة بجانب كم الأوبشن والرفاهية اللي في العربية .