كومبريسور تكييف c4 2006

[shaheenOnco]

التكييف بتاعي كان ضعيف وبعدين مبقاش يطلع هوا ساقع خالص
كشفت عليه عند ابراهيم - صقر فريش قالي انه محتاج كوبريسور
استيراد زي بتاع العربيه ب ١٢٠٠ وفيه نوع ب ١٠٠٠ شغال برضه
دي ارقام مقبوله؟
شكرا

[أبو إياد]

ابراهيم يوسف بنفسه يبقا تاخد الكلام ثقه انما لو اى حد تانى شغال عنده فى الورشه نصيحتى بلاش بلاش بلاش علشان بيعكوا وهايضيعوا سمعت الورشه

كان عندى مشكله ان التكييف بيشتغل ويفصل بعد فتره زمنيه قصيره بيقلب سخن وبعد فتره يشتغل بكفاءه وممتاز
الباشا اللى عنده شخصلى العيب كالاتى

1- تغيير علبه الفيوزات علشان فى مشكله فى الكهربا 1000ج
2- اعاده كبس احد الخراطيم بتكلفه 120ج
3- اعاده شحن الفريون 200ج

وعلشان الكلام مش مقنع رحت لواحد كهربائى عادى جدا حل المشكله بتكلفه 30ج وهى تغيير الفيشه اللى داخله على الكباس

ومره قبل كده رحت باردو لابراهيم علشان الباور فاصل وقالى هانغيير علبه الفيوزات وافى الاخر طلع العيب ان الفيوز كان فاصل واخد 200ج


والله على ما اقول شهيد

[أبو إياد]

الكباس موجود عند سوسو فى المريوطيه عند فندق سياج بتاع البيجو بسعر 600ج