عيوب ومميزات ستروين c5

[heema78]

السلام عليكم

كنت بفكر اشتري ستروين c5 مستعملة فياريت لو ملاكها يوضحوا ايه اهم العيوب (لو في) :) والمميزات بتاعتها ؟ ويا تري ايه اخبار التوكيل وتوافر قطع الغيار خصوصا مع قلة انتشارها ؟
وياتري الصيانات كل كم الف ومتوسط سعرها كام؟ وفي اي مشكلة معينة قابلتهم معاها؟

حسب معلوماتي ان من اول 2013 هي بقت بتشتغل ببنزين 92 يا تري ده صح ولالا؟ وايه الاختلاف في الفئتين اللي كانوا بينزلوا في 2013-2014

اتمني المشاركة بكثافة من مالكي العربية لان المعلومات عنها قليلة اوي وهي في رايي عربية ممتازة ورائعة الجمال ومشكورييين مقدما

[TeMoON]

السلام عليكم

كنت بفكر اشتري ستروين c5 مستعملة فياريت لو ملاكها يوضحوا ايه اهم العيوب (لو في) :) والمميزات بتاعتها ؟ ويا تري ايه اخبار التوكيل وتوافر قطع الغيار خصوصا مع قلة انتشارها ؟
وياتري الصيانات كل كم الف ومتوسط سعرها كام؟ وفي اي مشكلة معينة قابلتهم معاها؟

حسب معلوماتي ان من اول 2013 هي بقت بتشتغل ببنزين 92 يا تري ده صح ولالا؟ وايه الاختلاف في الفئتين اللي كانوا بينزلوا في 2013-2014

اتمني المشاركة بكثافة من مالكي العربية لان المعلومات عنها قليلة اوي وهي في رايي عربية ممتازة ورائعة الجمال ومشكورييين مقدما

زى ما انت قولت خليك فى 2013 وانت طالع عشان مووع البنزين انا معايا الاخت ليها 508 وعربية ظريفة واسعة وثابتة وناعمة
والستروين فى الثبات افضل من بيجو عشان نظام التعليق فى الستروين متعدل عن بيجو

[heema78]

شكرا علي رد حضرتك
بما ان مفيش حد من ملاك الستروين رد وبما ان البيجو اختها :)
ممكن تقولي هي الصيانات بتاعتها كل 10 الاف ولا 15 الف؟ وايه متوسط تكلفة الصيانات الصغري وامنتوسطة والكبري وهل في تغيير سير كاتينة ؟ كل كام؟؟
وياتري في اي مشاكل لا قدر الله مع الموتور التيربو خصوصا مع بنزين 92؟

[khaledhamdy300]

يا جماعة انا معايا العربية c5 2016
لو فى اى حد عايز معلومات عنها انا تحت امركم

[ahmzd]

يا جماعة انا معايا العربية c5 2016
لو فى اى حد عايز معلومات عنها انا تحت امركم

طيب ما صاحب الموضوع سأل أسئلة كتير أهو.. يا ريت ترد عليه حضرتك

[khaledhamdy300]

العربية اكيد ممتازة ، شغالة بنزين ٩٢
سحبها قوى وخصوصا مع بنزين ٩٥
العفشة مرنة وخصوصا مع المطبات، ودي حاجة مهمة جدا
الصيانة الاولى بعد عشر آلاف كيلو او بعد سنة أيهما اقرب
التوكيل محترم ، وخصوصا اللى فى العجوزة
أغلبية قطع الغيار متوفرة فى التوكيل ، وكمان فى محلات قطع غيار فى الحرفين
العربية اكتر حاجة بتميزها من وجة نظرى
مريحة جدا فى السفر
اقتصادية فى البنزين مع ان موتورها عزمة قوى
عالية عن الارض
لو خت القرار انك تجرى من الصعب حد يمكن يحصلك

[khaledhamdy300]

العيوب
النافيجيشن مش شغال، تقريبا بيشتغل فى التوكيل ب ٣٠٠٠ جنية
العربية مغيرتش شكل من فترة بعيدة ، بس شكلها بالنسبالى مرضى جدا
فيها اضاءة نهارية جميلة جدا ، بس من غير زينون
مفيهاش حامل أكواب
مفيهاش حليات كروم حوالين الشبابيك من برة

[khaledhamdy300]

اى سؤال تانى انا تحت امركم عشان خاطر ahmzd
مايزعلش

[heema78]

العيوب
النافيجيشن مش شغال، تقريبا بيشتغل فى التوكيل ب ٣٠٠٠ جنية
العربية مغيرتش شكل من فترة بعيدة ، بس شكلها بالنسبالى مرضى جدا
فيها اضاءة نهارية جميلة جدا ، بس من غير زينون
مفيهاش حامل أكواب
مفيهاش حليات كروم حوالين الشبابيك من برة

شكرا جزيلا علي الرد
ياريت لو فكرة عن اسعار الصيانات الدورية بمختلف مستويتها
انا لما جربت اقعد فيها في المعرض حسيت ان الرؤية من الزجاج الخلفي ضيقة شوية؟ ياتري بتضايق فعلا ولا كان مجرد احساس؟ وموضوع ان الدريكسيون الجزء الخارجي بس هو اللي بيلف سهل التعود عليه ولا ؟
كمان انا مالقتش في البروشور ان فيها ايموبيليزر وده اكيد مش طبيعي في عربية في الفئة دي؟فياتري هما مش كاتبينه لانه طبيعي يكون موجود ولا هو فعلا مش موجود؟
وشكرا مرة تانية لان حضرتك الوحيد من ملاكها اللي رد

[Ah_tharwat]

السلام عليكم ....

انا مؤيد تماما لكل كلمه قالها الأخ خالد حمدي , انا العربيه معاياي من شهر 8 اللي فات و ماشي بيها 9000 كيلو تقريبا ....
عربيه جميله و مريييييييييييييييحه الى اقصى درجه و ناعمه جدا , لدرجة انك حتى و انت قارص عليها بيبقى صوتها ناعم ... واسعه جدا و كراسيها من اريح الكراسي اللي ركبتها , و ده لان سيتروين بتعين خبراء علاج طبيعي علشان يستلموا تصميم الكراسي ...
و كل واحد عنده العربيه أو حتى جربها هيقول لك فيها شعر لانها بصراحه جميله ما شاء الله ...

عيوبها نسبيه و ذكرها تقريبا الأخ خالد , بس انا عندي فيها عيب واحد بس من وجهة نظري و العيب ده اتكرر مع اكتر من حد , بس مش بنسبه كبيره , 5 % ولا حاجه , ألا و هو .................. العفشة

و ده في حد ذاته غريب جدا لان المفروض ان عفشة العربيه دي أعلى عفشة في فئتها في السوق المصري كله , بس سبحان الله ,
المهم ......

العفشه عندي صوتها عالي ,,,, بمعنى لما اخد مطب ولا حفره , بحس اني بسمع صوتها في العربيه كلها .. و ده بصراحه ضايقني جدا في الأول .... الا اني ابتديت تعايشت مع الموضوع لغاية ما اروح صيانة ال 10000 و ربنا يسهل ...
ادعيلي يا باشا ان الموضوع يبقى تربيط عفشه يكونوا نسيوا يربطوها في صيانة ال 2500 وخلاص ..
غير كده انا باستمتع جدا بكل وقت بكون سايق فيه العربيه و لله الحمد ..


بس يا سيدي الفاضل ..
معلش طولت .... بس حبيت انقل لك الصورة كامله من وجهة نظري المتواضعه ..

[khaledhamdy300]

Hema
الصيانةً الاولى بتاعت ٢٥٠٠ ببلاش
معرفش بعد كدةً بكام
بس لو عايز تركب عربية كويسة لازم تبقى صيانتها شويةعالية، دة امر طبيعى ، عشان نفس فئة الانسيجيا وال ٥٠٨ والباسات
اما موضوع الزجاج الخلفى, فدية ميزة كبيرة فى العربية بصراحة ، تصميم مختلف تماما عن كل العربيات لو لاحظت
وبردوا مش هتلاقى موضوع الدركسيون فى اى عربية غير ال c5
كل العربيات الدركسيون كلة بيلف الا الفانتوم مجنن الناس كلها

[khaledhamdy300]

اخى الفاضل Ahmed tharwat
حاول تحط نيتروجين من عند حد كويس وخلية ٣٠ مش اكتر
جرب وقولى

[heema78]

السلام عليكم ....

انا مؤيد تماما لكل كلمه قالها الأخ خالد حمدي , انا العربيه معاياي من شهر 8 اللي فات و ماشي بيها 9000 كيلو تقريبا ....
عربيه جميله و مريييييييييييييييحه الى اقصى درجه و ناعمه جدا , لدرجة انك حتى و انت قارص عليها بيبقى صوتها ناعم ... واسعه جدا و كراسيها من اريح الكراسي اللي ركبتها , و ده لان سيتروين بتعين خبراء علاج طبيعي علشان يستلموا تصميم الكراسي ...
و كل واحد عنده العربيه أو حتى جربها هيقول لك فيها شعر لانها بصراحه جميله ما شاء الله ...

عيوبها نسبيه و ذكرها تقريبا الأخ خالد , بس انا عندي فيها عيب واحد بس من وجهة نظري و العيب ده اتكرر مع اكتر من حد , بس مش بنسبه كبيره , 5 % ولا حاجه , ألا و هو .................. العفشة :copy of majd(4):

و ده في حد ذاته غريب جدا لان المفروض ان عفشة العربيه دي أعلى عفشة في فئتها في السوق المصري كله , بس سبحان الله ,
المهم ......

العفشه عندي صوتها عالي ,,,, بمعنى لما اخد مطب ولا حفره , بحس اني بسمع صوتها في العربيه كلها .. و ده بصراحه ضايقني جدا في الأول .... الا اني ابتديت تعايشت مع الموضوع لغاية ما اروح صيانة ال 10000 و ربنا يسهل ...
ادعيلي يا باشا ان الموضوع يبقى تربيط عفشه يكونوا نسيوا يربطوها في صيانة ال 2500 وخلاص ..
غير كده انا باستمتع جدا بكل وقت بكون سايق فيه العربيه و لله الحمد ..


بس يا سيدي الفاضل ..
معلش طولت .... بس حبيت انقل لك الصورة كامله من وجهة نظري المتواضعه ..

شكرا علي الرد وعلي التطويل :)
ان شاء الله تكون حاجة بسيطة انا زيك اي صوت في العفشة بيعملي قلق وبيخليني مش مطمئن وانا سايق

[Muhammad Eissa]

طيب ياجماعة ايه اخبار الاعتمادية؟
وهل في شكاوى متكررة من العربية ؟

[freesoul]

انا كنت هشترى عربيه منهم بس لقيت حد من الملاك كاتب بوست بيحذر انها بتجيب ماتور وفتيس وفيها مشاكل كبيره جدا
اقرو البوست ده : https://www.nilemotors.net/Nile/496234-c5.html
خد بالك من العربيات الى مليانه مشاكل وقرف !!