يا جماعه ايه رأيكم في الاكسارا

[speed demon666]

يا جماعه ايه رأيكم في الاكسارا , اصل انا معروض عليا وحده و هاشوفها كمان يومين انا معايا سيتروين بس مجربتش الاكسارا قبل كده , يا ريت لو حد يعرف معلومات عنها و عن مستوى اسعار قطع غيارها هل في عيوب في الموديل ده , اكون شاكر ليكو , على فكره هي موديل 2002

[habdelbar]

انا لسه شارى زد اكس وكان عندى ايه اكس واضطريت ابيعها برضو عشان اجيب حاجة اكبر يعنى نفس ظروفك تقريبا. اللى اعرفه ان موديل 2002 اللى هيا اكسارا 2 حاجاتها اغلى بكتير من اكسارا العادية لكن هيا برضو اقوى بكتير وحسنو فيها حاجات كتير
لكن مثلا فيها الكونترول يونت بتاع الموتور ب 4000 جنيه وسالت على كشافها عن امير وجوزيف قاللى الاصلى الفرنساوى ب 1150 والكورى ب 850. وسالت الميكانيكى قاللى هات اكسارا العادية لو هاتجيب عشان مكشلة قطع الغيار الغالية لكن برضو اكسارا العادية حاجاتها غالية برضو لكن ما اعرفش لانهى درجة.
طب هل فكرت فى الزد اكس؟ اكيد الاكسارا احسن شوية فى الركوب لكن حاجتها ارخص كتير حسب كلام الميكانيكى.
والله اعلم

هشام

[fiatmomo]

طيب كويس ان مش انا بس الى بسأل على الاكسارا ... علاشان فى ناس كتير اتهمتنى بالجنون انى فكرت اشتريها اساسا ... لدرجة ان واحد قالى ... انتا مجنووووووووو ... اكسارا اية يا عم ......... هاتلك هيونداى اكسيل ؟؟؟؟؟؟؟؟؟؟؟؟؟؟؟؟ طبعا هو علاشان صاحبى ... وانا واثق انة مش فاهم هو بيقول اية .. ف كبرت دماغى ... لانة هو الى مجنون علاشان يقارن اكسيل ب اكسارا ...


فى حد يعرف معلومات عن اسعار قطع الغيار ....

وهل فعلا فرق سعر قطع الغيار بين الاكسارا 1 و2 مهول اوى ....

[bombastee]

سلامو عليكم...
أنا عندي إكسارا 1 و حلوه جدا اللهم بارك و حاجتها مش غاليا خالص بس في حاجات أحيانا مش بتجيبها بسهوله أو مش موجوده زي مثلا التنابير الخلفيه مش موجوده غير عند واحد فط و ب 1150 جندي روحت أنا عامل تعديل و ركبت دنجل إكسارا 2 (سكينه مش حله) علشان المشكله ديه و كده كده التنابير ديه مش بتبوظ كل شويه ديه علي اللأقل كل 5 سنوات المهم إنك تكشف كل فتره علي الرامل.
الفرق فعلا كبير بين قطع غيار 1 و 2 أنصح بشراء السياره و لكن تأكد جيدا من حالة السياره جيدا حتي لا تدفع فيها ثمنا ثم تجلس تصلح فيها و تشتري قطع غيار و إنت لسه دافع فيها مبلغ...
و الله أعلم و أرجو أن أكون أفدتك...

[fiatmomo]

سلامو عليكم...
أنا عندي إكسارا 1 و حلوه جدا اللهم بارك و حاجتها مش غاليا خالص بس في حاجات أحيانا مش بتجيبها بسهوله أو مش موجوده زي مثلا التنابير الخلفيه مش موجوده غير عند واحد فط و ب 1150 جندي روحت أنا عامل تعديل و ركبت دنجل إكسارا 2 (سكينه مش حله) علشان المشكله ديه و كده كده التنابير ديه مش بتبوظ كل شويه ديه علي اللأقل كل 5 سنوات المهم إنك تكشف كل فتره علي الرامل.
الفرق فعلا كبير بين قطع غيار 1 و 2 أنصح بشراء السياره و لكن تأكد جيدا من حالة السياره جيدا حتي لا تدفع فيها ثمنا ثم تجلس تصلح فيها و تشتري قطع غيار و إنت لسه دافع فيها مبلغ...
و الله أعلم و أرجو أن أكون أفدتك...

انا اكييييييييد بحلم ... بجد دة حلم ولا حقيقة

اخيرا منتدى ستروين انضم له احد ملاك الاكسارا ؟؟؟؟؟؟؟؟؟؟؟؟؟؟؟؟؟

ياسلام فين حضرتك من زمان .... دة انا فقدت الامل ان حد يكلمنى على العربية الجميله دية ...

شكرا لردك .... واهلا بيك معانا فى المنتدى ومرحباً بك فى قسم ستروين :)

انا عجبانى الاكسارا 2 الصراحة موتورها 110 حصان ... بحس ان شكلها احسن من قدام من اكسارا 1 غير ان اكسارا 2 فرنساوى ... بس خايف اجيبها ومعرفش اصلحها .. ودية تبقى مشكله وبقارن بينها وبين بونتو 2003 .. ولسة مارستش على اختيار

[fiatmomo]

اضافة بس ... انا اسمع ان الاكسارا معمره جدا وقطع غيارها اصلية وبتستحمل عن قطع غيار الدايو مثلا اضعاف المرات
ف لو غالية بس تستحمل وتعيش يبقى مش مشكلة

انا شمعت حاجة تانى .. ان فيها مشكلة فى الكهربا.... هل حضرتك حصل معاك اى مشاكل فى الكهرباء او كمبيوتر العربية ... لانى شوفت فى مواقع اجنبية كتير بيتكلمو عن مشاكل كهرباء

[salah_moahmed]

السلام عليكم
انا عضو جديد في المنتدي
عندي اسكارا 1 او زي مابيقولو عليها N60 السيارة تحفة بكل المقاييس وانا هحاول اشرحلك شرح مفصل عله قد يكون افادة للاخوة المهتمين
الاكسارا وان هي سيارة ممتازة جدا محركها 1600 cc والهور بور بتاعها 97 تثبتها علي الطريق عمرك ماهتشوف زيه غير في الالماني يكفي اني اقولك اني انا بسافر بيها كتير لاني عملي في شرم الشيخ عمر ماعددي نزل عن 160كم / ساعة وبوصل بيها لغاية 215كم / ساعة
العربية معمرة جدا في قطع الغيار انا عندي المساعدين والسوست لسه بتوع المصنع
والعربية عداها 198 الف كيلو بس لازم تعرف برضه عيوب العربية دي وهي
1- العربية العزل بتاع الماتور سي جدا بمعني ان قوة ماتورها تسمعه وانته جوه الكابينة بمجرد ماتوصل سرعة 120 كم تحس انك قاعد فو ق الماتور ههه.
2- العربية الزجاج كلها مش كهرباء الاتنين اللي قدام بس بالاضافة الي ان الزراير الكهرباء راكبة علي التابلوه اللي كلها بلاستيك مما يحدث انا تلاقي الزرير داخلت جوه وكل شويا تروح لبتاع البلاستيك عشان يعملك قاعدة .
3- فرامل العربية للاسف غير جيدة في السرعات العالية تلاقيها علطول تزحف وداه السبب اني عايز ابيعها بس ليها تعديل بيركبولها جندول خلفي بتاع الاكسارا 2 اللي بيسموها N70 وتكلفته 1000 جنيه .
4- العربية حاجاتها غالية بس زي ماقولت بتعيش وبعض الاجزاء بتكون غير اصلية خصوصا السيور والفلاتر .
5- العيب الاكبر اهمية هو ان العربية دي الناس بتخاف منها جدا وتلاقي دايما سعرها في النازل عشان مافيش عليها طلب ان شاري عربيتي 52 الف من سنتين والنهاردة لو اتنططت مش هتجيب اكتر من 42 الف جنيه
اما لو هنتكلم عن الاكسارا 2 اللي هي N70 عربية حلوة يميزها عن الاكسارا 1 اولا انها تقفيل فرنسي مش مصانع حربية وثانيا انها 2 كامة مش كامة وحدة وزيادة في عدد الاحصنة 10 حصان كمان 4 زجاج كهرباء وصلحو العيب الزراير راكبة جنب نقل الدريكسيون مش علي التابلوه بالاضافة الي ان فراملها تحفة ومجهزة لركوب ABS
يعيبها ان قطع غياره اغلي بمعدل النصف .
نصائح للاخوة اللي بيفكرو في الاكسارا :
1- اياك ان تشتري سيارة اكسارا اتوماتيك الحساسات بتاعت الاتوماتيك كلها مشاكل وتكلفت تغيرها مكلف جدا جدا 2
اتاكد كويس اواي من ان تسجيل السيارة هو الاصلي الذي يعمي علي تارة الدريكسيون واوعي تشتري من غير تسجيلها الاصلي لان تكلقة تسجيلها الاصلي 3000 جنيه .
3 - اتاكد كمان ان مفتاح العربية السنتر بتاعه شغال لان تكلفة المفتاح داه في الاكسارا 1 بيعمل 1000 ج والله اعلم في 2 بيعمل كام .
4- لازم تتاكد من حالة العربية الميكانيكة اواي اواي قبل الشراء لان لازم تعرف اني اي حاجة في العربية دي هتكلف جامد بمعني ان لو عربية نص نص ممكن تدفعلك بالسبعة والتمانيه علي ماتوقفها علي حالتها تاني فلازم تحدد مصريفها قبل ماتشتري عشان تقف علي سعر العربية الحقيقي .
يارب اكون قد افدتكم علي قد ماقدر ولو حد عنده اي سوال يتفضل وانا لو اقدر اجوبه عليه اكيد هعمل داه

[fiatmomo]

السلام عليكم
انا عضو جديد في المنتدي
عندي اسكارا 1 او زي مابيقولو عليها N60 السيارة تحفة بكل المقاييس وانا هحاول اشرحلك شرح مفصل عله قد يكون افادة للاخوة المهتمين
الاكسارا وان هي سيارة ممتازة جدا محركها 1600 cc والهور بور بتاعها 97 تثبتها علي الطريق عمرك ماهتشوف زيه غير في الالماني يكفي اني اقولك اني انا بسافر بيها كتير لاني عملي في شرم الشيخ عمر ماعددي نزل عن 160كم / ساعة وبوصل بيها لغاية 215كم / ساعة
العربية معمرة جدا في قطع الغيار انا عندي المساعدين والسوست لسه بتوع المصنع
والعربية عداها 198 الف كيلو بس لازم تعرف برضه عيوب العربية دي وهي
1- العربية العزل بتاع الماتور سي جدا بمعني ان قوة ماتورها تسمعه وانته جوه الكابينة بمجرد ماتوصل سرعة 120 كم تحس انك قاعد فو ق الماتور ههه.
2- العربية الزجاج كلها مش كهرباء الاتنين اللي قدام بس بالاضافة الي ان الزراير الكهرباء راكبة علي التابلوه اللي كلها بلاستيك مما يحدث انا تلاقي الزرير داخلت جوه وكل شويا تروح لبتاع البلاستيك عشان يعملك قاعدة .
3- فرامل العربية للاسف غير جيدة في السرعات العالية تلاقيها علطول تزحف وداه السبب اني عايز ابيعها بس ليها تعديل بيركبولها جندول خلفي بتاع الاكسارا 2 اللي بيسموها N70 وتكلفته 1000 جنيه .
4- العربية حاجاتها غالية بس زي ماقولت بتعيش وبعض الاجزاء بتكون غير اصلية خصوصا السيور والفلاتر .
5- العيب الاكبر اهمية هو ان العربية دي الناس بتخاف منها جدا وتلاقي دايما سعرها في النازل عشان مافيش عليها طلب ان شاري عربيتي 52 الف من سنتين والنهاردة لو اتنططت مش هتجيب اكتر من 42 الف جنيه
اما لو هنتكلم عن الاكسارا 2 اللي هي N70 عربية حلوة يميزها عن الاكسارا 1 اولا انها تقفيل فرنسي مش مصانع حربية وثانيا انها 2 كامة مش كامة وحدة وزيادة في عدد الاحصنة 10 حصان كمان 4 زجاج كهرباء وصلحو العيب الزراير راكبة جنب نقل الدريكسيون مش علي التابلوه بالاضافة الي ان فراملها تحفة ومجهزة لركوب ABS
يعيبها ان قطع غياره اغلي بمعدل النصف .
نصائح للاخوة اللي بيفكرو في الاكسارا :
1- اياك ان تشتري سيارة اكسارا اتوماتيك الحساسات بتاعت الاتوماتيك كلها مشاكل وتكلفت تغيرها مكلف جدا جدا 2
اتاكد كويس اواي من ان تسجيل السيارة هو الاصلي الذي يعمي علي تارة الدريكسيون واوعي تشتري من غير تسجيلها الاصلي لان تكلقة تسجيلها الاصلي 3000 جنيه .
3 - اتاكد كمان ان مفتاح العربية السنتر بتاعه شغال لان تكلفة المفتاح داه في الاكسارا 1 بيعمل 1000 ج والله اعلم في 2 بيعمل كام .
4- لازم تتاكد من حالة العربية الميكانيكة اواي اواي قبل الشراء لان لازم تعرف اني اي حاجة في العربية دي هتكلف جامد بمعني ان لو عربية نص نص ممكن تدفعلك بالسبعة والتمانيه علي ماتوقفها علي حالتها تاني فلازم تحدد مصريفها قبل ماتشتري عشان تقف علي سعر العربية الحقيقي .
يارب اكون قد افدتكم علي قد ماقدر ولو حد عنده اي سوال يتفضل وانا لو اقدر اجوبه عليه اكيد هعمل داه

الفين شكر وتحيه وتقدير يا استاذ صلاح .............

و يارب يكتر من ملاك الاكسارا فى المنتدى ... لان حاجة تزعل جدا والله ان قسم الستروين مايبقاش فية مواضيع عن العربية التحفة دية .

العربية فعلا بسم الله مشاء الله هايلة جدا جدا جدا جدا ... و للاسف مش واخده حقها

[salah_moahmed]

شباب
معلومة مهمة نسيت اقولها عايز الناس تعرف ان الاكسارا 2 فيها موديلين موديل 1400 cc/ وموديل 1600cc / وانه طبعا لو هنقارن بين الاكسارا 1 والاكسارا 2 يبقا لازم نقارن علي اساس 1600 cc لان لو المقارنة بين 1 /1600cc و 2 1400 cc يبقا الاكسارا 1 تكسب بدون منافس .
ثانيا عايز الناس تعرف ازاي تميز الفرق بين الاكسارا 1 والاكسارا 2 من مجرد الشكل ودي معلومة مهمة اغلبنا بيعرف الفرق من الفانوس اللي قدام لكن انا احب اضيف حاجات للناس اللي تحب يكون عندها معلومات
1- الاكسارا 1 تلاقي الشنطة من وراء مش عليها علامة الستيروين انما الاكسارا 2 تلاقي عليها علامة الستيروين عيل الشنطة موجودة
2- الاكسارا 1 الجنط بيكون 14 ، لكن الاكسارا 2 الجنط بتاعها 15

اللي عايز اي حاجة عن الاكسارا يقول وان كنت اعرف مش هبخل عليه .

[fiatmomo]

طيب يا استاذ صلاح ... ممكن حضرتك تقولنا اسعار قطع الغيار الى حضرتك غيرتها ...

لان فى واحد صاحبى بيقارن مابين جوليت واكسارا 1 ( على اساس ان الاتنين فى نفس السعر ) ويهمة جدا جدا جدا اسعار قطع الغيار ... لانة مش حيعرف يصرف كتير على العربيه لو باظت .

يعنى مثلا سعر الفانوس الامامى .. الخلفى , تيل فرامل , .....................

حاجة تانية , استهلاك البنزين .. بتعمل قد اية فى الصفيحة ,

قوة اداء التكيف .. تأثيرة على اداء العربية ..

و لك جزيل الشكر .

[salah_moahmed]

بصي ياسيدي اولا التكييف لو في حالة جيدة ثق انك هتكون قاعد جوه ديب فريزر ، لدرجة انك لو علي الطريق السريع سفر يعني هيطلعلك بخار تلججججج ، تاثير التكييف علي اداء العربية ولا الهواء انا عارف ان عربيات كتير ومنها الميستوبيشي اللي طالعين بيها السماء مش عارف علي ايه لما يفتح التكييف تحس برجة في العربية وطبعا لو بيجري هيلاقي القوة ضعفت وفي ناس لما تيجي تتسابق تقفل التكييف عشان تخف الحمل علي الماتور داه مش موجود اطلاقااااااااا في الاكسارا ماتسمعش عنه .
قطع الغيار والله انا زاكرتي مش قوية اواي خصوصا ان العربية دي خمسة وخميسة نادرا لما بتروح للمكانيكي ههههههه ، الفانوس اللي قدام كنت جايبة كوري 275 ج والمراية اللي علي يمينك وانته سايق عشان هي كهرباء ب175 ج وطقم الديابريج بتاعها كامل بالبلية 850 ج وتيل الفرامل الامامي 175 ج طبعا الخلفي انا في حياتي ماغيرتوش غير مرة وحدة اعتقد كان 235 ج طنابير العربية عاملة 500 ج السيور هو سير واحد اسمه سير المجموعة تقريبا برضه 60ج وسير التكييف 40 جو فلتر البنزين 30 ج وفلتر الهواء 25 ج انا بقة قصة العفشة لو خاصة بجلب مقصات وبيض ماتعديش 500 ج انا غاوي جري عشان كده عايز ابيع واجيب الجولف 4 / 1800cc عايز بس اوضح ان العريية دي بيخيط بيها عربيات كتير علي الطريق منها الانسر 1600 cc غير كل الكوري اللي يخطر علي بالك ماحدش منه بيسد حتي الانترا 2006 ، والله انا مرة بهدلت بيها توياتا 2007 علي طريق راس صدر كان مش عارف يعدي 180 كم عشان هي خفيفة وانا طرت من قدامه ماشي علي 215 كم يلا بقا سلام طولت عليكم عامل فيها مايكل شومخررررر

[salah_moahmed]

البنزين موفرة جدا 50 لتر يمشو معاك 540 كم وانته فاتح التكييف من غير التكييف 50 لتر يعملو معاك 640 كم

[fiatmomo]

متشكريييييييين جدا يا استاذ صلاح ...

الاسعار انا شايف انها اكتر من ممتازة ... وفعلا رخيصة

وفعلا انا سمعت من اكتر من واحد ان تكيف الاكسارا بسم الله مشاء الله روعة .... وكلهم بيشكرو جدا جدا فى ثباتها وقوتها و استهلاك البنزين .... هو بس الواحد كان بيخاف من قطع الغيار .. بس انا شايف ان حاجة مثلا زى الفوانيس سعرها مناسب جدا ... حتى لو مكانش اصلى .

بمناسبة الشد وال( تخييط ) انا شوفت مرة اكساراn7 مسحت جين 2 . وبفرق ! مع ان الجين 2 عربية اسبور وقوية بس الاكسارا فعلا كسحتها .

ربنا يباركلك فى عربيتك ويحفظهالك .. وياريت لو تحطلنا صورها ... و عاوزين منتدى ستروين .. يكتر فيه الاكسارويه

[salah_moahmed]

بص ياسيدي اسعار قطع الغيار لاتعد غالية مقارنة بالمدة الزمنية للاستهلاك وانا عامة هقولك علي اللي غيرته لغاية دلوقتي سير المجموعة تمنه 60 ج ، سير التكييف 40 ج ، تيل الفرامل الامامي 175 ج يتغير كل 10 الف وتيل الفرامل الخلفي تقريبا 250 جنيه وبيتغير كل 100 الف كم الطانبير الامامي عامله حوالي 500 ج ، وطقم الدبايرياج كامل الاسطونة والديسك والبلية يعمله حاليا 850 ج الفانوس الامامي كوري 275 والخلفي يعمله 280 ج ، المراية الامامية ناحية اليمين وانته سايق كهرباء بتعملها 175 ج : فلتر البنزين يعمله 40 ج ، فلتر الهوء 25 ج تقريبا قواعد الماتور 3 قواعد اغلي قاعدة فيهم بتعملها 60 ج مروحة الريادتير كنت جايبهم استيراد الوحدة 300 ج ، الاكصدام الامامي ربنا يكفيك شره يعمله 2000 ج كامل بالفانويس الامامية وفانويس الضباب .

بالنسة لاداء التكييف هتحس انك قاعد جوه ديب فريزر ولو التكييف حالته جيدة وانته ماشي في طرق السفر هتطليع بيطلع شبورة تلج ، تاثيره علي العربية ولا الهواء كانه مش راكب ، انا ركبت المتسوبيشي 2007 / 1600 cc مش عارف طالعين بيها السماء علي ايه لما تيجي تفتح التكييف ترج اول ماتفتحه واعرف ناس لما تحب تشد بالعربية تقفل التكييف انما في الاكسارا مفيش الكلام داه .
والله ياجماعة انا العربية دي خطيت بيها عربيات كتير تويوتا ، ولانسر وكل الكوري الانترا 2006 ماحدش علي الطريق بيعرف يسد معاها غير الوحش الالماني فيكترا فيما فوق انما كوري ياباني اركن علي جنب ماتلاقيش منه امل .
سحبها للبنزين انا بحط 50 لتر يعملو معايا 540 كم بالتكيف ، من غير التكييف يعملة 640 كم ويارب اكون فيدتكم

[salah_moahmed]

سوري ياجماعة كررت الكلام ماكنتش اعرف انه ممكن يكون اكتير من صفحة افتكرت اللي كتبته مانزلش