هو كل عز العرب زى بعضه؟

[fepsceasar]

انا ملاحظ ان فى اختلاف بين عز العرب اللى فى العجوزة وعز العرب الصحراوى وأعتقد أسعار الصحراوى أرخص الملاحظة دى سليمة ولا لا وهل لو حد جرب الاتنين ممكن يقولنا أى واحد فيهم أحسن الصحراوى ولا العجوزة

[mghazy]

ابو كمال
الصحراوى هو المركز الرئيسى يعنى تقدر تعمل كل الشغل هناك
اما العجوزة فهو للصيانات السريعة

[fepsceasar]

هل فى سمكرة فى فرع العجوزة وهل تعرف مركز سمكرة ودوكو محترم؟

[mghazy]

السمكرة والدهان بالمركز الرئيسى بالصحراوى ,شغل السمكرة والدهان برة التوكيل يتوقف على نوع الشغل لوكان بسيط ماشى ولكن لو هترش العربية كلها يستحسن فى التوكيل علشان الفك والتركيب وشغل الكهربا

[fepsceasar]

شكرا جزيلا لكم عندك فكرة عن اسعار السمكرة والدوكو فى التوكيل

[mghazy]

السعر بيتوقف على موديل السيارة ونوعية الدهان التى تريدها فيمكن دهان السيارة المتوسطة من 2500 الى 4000 جنية ,اما السمكرة فهى حسب حالة السيارة بمعنى ان شغل الشلسية مختلف عن شغل الاستعدال وهكذا

[fepsceasar]

هو حضرتك بتشتغل فى التوكيل أو تعرف حد فيه وهل جربته فى دهان أو دوكو يا ريت تقولى رأيك هى العربية اكسارا 2001 تفتكر تتكلف كام وما فيهاش سمكرة كتير ولا حاجة ده زى ما بيقولوا رش نظافة من الاحتكاكات بتاعت شوارعنا، وانا شاكر جدا لحضرتك

[mghazy]

العربية الاكسارا فوق الممتازة ,انا من عشاق ستروين عندنا الاكسارا و السى4والسى 5,اما بالنسبة للدهان ذى ما قلت لسيادتك تتوقف على نوع الشغل ممكن تزور الوكيل وتستفسر عن الاسعار

[fepsceasar]

عندك اكسارا 1 ولا 2 لانى بفكر اجيب اكسارا2 ايه رأى سعادتك ولا استنى لحد ما ربنا يسهل واجيب c4

[mghazy]

عندى اكسارا 1 وانا معجب بيها اكتر من اكسارا2,عربية تمام مفيهاش مشاكل وسعرها كويس