عايز اشتري ابيزا مستعمله

[gabr_sayed]

السلام عليكم
انا اول كره اشترك معاكم وانا عايز اشتري عربيه ابيزا ودي اول مره ليه اشتري عربيه بس انا حابب الابيزا اوي
بس ياريت تساعدوني اعمل ايه واروح فين

[M.Hassan47]

نورت يامان القسم وكلنا هنا تحت امرك
انت ناوى على ابيزا ايه
جرب انزل سوق السيارات اللى فى مدينة نصر يوم الجمعة هتاخد فكرة جامده .

[gabr_sayed]

انا عايز واحده في حدود من 30 الف اللي 35 الف جنيه ومش عارف المبلغ ده يجيب حاجه كويسه ولالا

[gabr_sayed]

بس انا كتير خوفوني من موضوع سوق الجمعه وبصراحه انا مليش خبره نهائي في العربيات

[M.Hassan47]

بأمانة لو لحد خمسة وتلاتين فى الوقت ده هاتجيب احسن ابيزا 98 فى السوق بس خد حد بيفهم وميكانيكى شاطر وعلى فكرة المبلغ ده دلوقتى يجيب ابيزا بكماليات مرتاحة يعنى كاسيت وطقم سماعات وجنوط وتكييف والذى منه .

[gabr_sayed]

مرسي اوي علي مساعدتك بس ايه رايك هو سؤال اتكرر كتير بس هقولوه وخلاص اجيب موديل 94 ولا98 لو الاتنين حالتهم كويسه

[mahamedaraby]

من فتره كان فيه ابيزا موديل 2002 كان صاحبها عرض ب 38 الف

وكان السعر فى سوق الجمعه ساعتها ب 42 اول كلام

دور ممكن تلاقى حاجه موديل الفينات

[gabr_sayed]

بس معقوله هلائي حاجه مدويل الالفينات وفي حدود امكانياتي وتكون حالتها كويسه انا محتار بجد وخلاص دماغي فوت

[M.Hassan47]

لو ناوى على حاجة فى التسعينات فاطبعا 98 كل ماتقرب فى الموديل كل ماترتاح

[gabr_sayed]

طيب انا بسمع حجات غريبه يعني في ناس طالبه في عربيتها مثلا الاتنين يكونوا موديل واحد 94 مثلا الائي حد طالب 33 و 35 وواحد تاني طالب 29و 28 الف معقوله حاجه بالسعر الرخيص ده وتكون كويسه ولالا

[ehab_mansour]

طيب انا بسمع حجات غريبه يعني في ناس طالبه في عربيتها مثلا الاتنين يكونوا موديل واحد 94 مثلا الائي حد طالب 33 و 35 وواحد تاني طالب 29و 28 الف معقوله حاجه بالسعر الرخيص ده وتكون كويسه ولالا

اخي الفاضل السعر بيختلف علي حسب شوية حاجات زي :-
1- حالة السيارة كليا
2- حالة دهان السيارة داخليا وخارجيا (فبريكة ولا لأ)
3- العربية عاملة حادثه ولا لأ
3- حالة الموتور كويس ولا محتاج عمرة ولا مسقطة موتور .....
4- العربية محتاجه مصاريف ولا لأ
5- العربية فيها كماليات ولا لأ وعلي حسب كاملة من كله ولا نصف كماليات
...............
يعني السعر ده بيتحدد علي حسب عوامل كتيييييير جدا يعني يجب عليك فحص السيارة جيدا قبل الشراء وعايزك تعرف ان اللي عايز يبيع دايما وأغلبهم بيضرب سعر عالي عشان ترسي في الأخر علي اللي هو عايزه
شوف كده الحاجات اللي مكتوبة في اللينك ده يمكن تفيدك عند الشراء و اقرأ المواضيع المثبته في قسم البيع والشراء بالمنتدي وان شاء الله هتعرف كل حاجه

http://www.nilemotors.net/Nile/20244-a.html

وربنا يوفقك لما يحبه ويرضاه ولا تنسي صلاة الاستخارة

[gabr_sayed]

كلامك تمام والله ينور عليك بس المشكله فيا انا علشان انا ميح في العربيات بس انشاء الله انا بتابع الاعلانات علي النت وهنزل انشاء الله سوق الجمعه وادعولي ربنا يكرمني بحاجه كويسه وطبعا انشاء الله هشوف حد بيفهم كويس في العربيات يروح معايا واخد ميكانيكي او سمكري ولو حتي ارفعها في بنزينه او في التوكيل انشاء الله

[hossamkamel]

بس يا مان انا قدامى و احده 94 فبريقه زى الفل شوفها هى بالهرم كلمنى هى موجوده 0115391193

[gabr_sayed]

اسف اوي يا جماعه انا مكنتش بدخل الفتره اللي فاتت علشان عندي ظروف وياريت مساعدتكم انا لسه مشترتش العربيه وعايز اشتري بجد في حد يدلني علي حاجه