بخصوص السيات الليون

[A7mad_Nabil]

السلام عليكم ورحمة الله وبركاته ...

دلوقتي أنا عاااشق للسيات ليون بشكل مهول وأمنيتي اني أجيب وحدة يا رب بالخير إن شاء الله ..

بس في مشكلة بتواجهني إني عايز عربية أوتوماتيك لإني بستريح فالأوتوماتيك وفي البيت عايزين أوتوماتيك ..
فكان سؤالي إن كان ينفع أغير فتيس الليون بفتيس ابيزا من التوكيل ، أو اني اطلب عربية أوتوماتيك هينفع يجبوهالي ولا لأ ..

يا ريت أي حد عنده فكرة عن الموضوع دة يدلني على الطريقة وإن كان ينفع ولا لأ ، لإني كنت سمعت عن واحد غير الفتيس بأوتوماتيك ودفع فرق مش كبير أوي بعد تسليم الفتيس الأصلي طبعاً ..

[M.almaghraby]

اصل اعتقد مش لذيذ انك تغير فتيس وانتا جايب عربية زيرو

حتي لو كان فالتوكيل

بس انا اول مرة اعرف ان مفيش منها اوتو!!!!!!!!!!!

لو حضرتك عايز اوتو ممكن تفكر فالفيات برافو

[crazylambada]

او تجيب سيات ليون فيها موتور TSi اتوماتيك
اعتقد ممكن تبقى بنفس السعر علشان فرق الجمارك

[A7mad_Nabil]

الفيات برافو ممتازة برضه ،، ولو فشل موضوع الليون هتبقى أول حاجة مرشحة بعدها ..

وبخصوص ال-tsi مش عارف هي نازلة امتى بس غالبا هتفرق فرق جامد عن سعرها دلوقتي .

[Tayer]

يا عم الأبيزا ال 2010 خلاص هتنزل و شبه الليون جدا و نزله ستيب ترونيك 1600 سى سى ب لافتيس الجديد بتاع فولكس فاجن dsg 7سرعات

[Sameh]

موضوع الإبيزا ده أكيد ؟

[Tayer]

أكيد ان شاء الله

[A7mad_Nabil]

يعني مفيش حل للليون خالص ؟؟

[dr_hassan82]

يا عم الأبيزا ال 2010 خلاص هتنزل و شبه الليون جدا و نزله ستيب ترونيك 1600 سى سى ب لافتيس الجديد بتاع فولكس فاجن dsg 7سرعات

ابيزا 2010 ايه ياعم اللى شبه الليون .... شتان الفارق
الليون دى معادتش هيتعمل زيها ولا 5 سنين كمان قدام من شركة سيات
انا معايا العربيه بقالها حوالى سنه ... وكل يوم بعشقها اكثر واكثر ....

[Tayer]

ولاهى دى وجهات نظر
و بعدين الليون يعبها انها منزلتش مصر اتوماتيك
بس هيا طبعا عربيه تحفه

[عبد الرحمن اسامه]

الليون بره بتنزل ب كذه موتور اضعفهم ال١٦٠٠ سي سي ، في الرياض مثلا كل الليون ٢٠٠٠ سي سي العربية وزنها ١٧٣٠ كيلو يعني الموتور ال١٦٠٠ يعتبر ضعيف شوية عليها، عشان كده مينفعش تبقي اوتو إلا ال٢٠٠٠ سي سي بتاعتها. لأن طبعا انت عارفين الاوتو بيضعف شوية من اداء العربية المانيوال بيبقي احسن، يعني لو سابقتوا عربيتين زي بعض بنفس الموتور واحدة اوتو و التانية عادية العادية هتكسب. و شكرا.

و اي استفسارات انا تحت امرك يا ريس. و انا رأي طبعا الليون لا تقارن بالإبيزا، زي الفرق بين الجولف و البولو.

[M.Mosaad]

بس فعلا موضوع الاتوماتيك دة ازمه كبيرة لان معظم اللي بيفكر في الشريحه دي بيفكر في اوتوماتيك
و بصراحه هي تقفيلها احلي من البرافو شويه

[A7mad_Nabil]

بصراحة الليون أكتر عربية متكاملة شفتها في الفئة السعرية ده ، ورأيي انها لا تقارن بأي عربية تانية من حيث الشكل الخارجي أو التقفيل الداخلي أو الإمكانيات ...
مهما لفيت وحاولت أدخل في دماغي عربية تانية ، مجرد اني أشوفها معدية بس فعلاً بنسى أي عربية فكرت فيها و أحنلها تاني ..
بصراحة هي تحفة متكاملة ، الحاجة الوحيدة إلي ناقصها هو الموتور الأقوى والفتيس الاوتو .
لو نزل منها موديل جديد TSi وبفتيس DSG سبع نقلات زي أختها الابيزا هتبقى ملهاش مثيل ..
هتبقى فعلاً عربية ولا الخيال ...

[Tayer]

انا اتوقع ذلك بس فى السنين القادمه بس لما الجمارك تتشال