فرامل ابيزا 1994

[hossamkamel]

هل ينفع لو سقط موتور 1800 فى الابيزا اخلى الفرامل الخلفيه سكينه و لا اينفه اركب نظام abs و لو ينفع يكلف كام و المتور 1800 هستهلك بنزين اكتر من 1300 هل هو هيكون انجيكجن و شكرا

[ehab_mansour]

نصيحة لو حبيت تسقط سقط موتور 1600 انجيكشن وده بيخلي الابيزا طيارة بشهادة ناس كتير وكمان قطع غيارة متوفرة بس اهم حاجه تدور كويس وتقع علي حاجه صح وياريت تستني رأي خبير التسقيط واللي اتعلمت منه كتيييييييير الاستاذ ابيزا او تحاول تكلمه لأنه اكتر واحد هيفيدك في الحوار ده لأنه مجرب التسقيط اكتر من مرة وربنا يوفقك

[fadynabil]

بصراحه أنا شايف ١٨٠٠ كتير أوي لو ١٦٠٠ يبقي تمام ولو إني شايف إن ال ١٤٠٠ أحلي كمان في إستهلاك البنزين
وسحبه حلو جداً وعن تجربه علي إبيزا ٩٤ بجد أحلي بكتييير من ال ١٣٠٠ اللي عندي

أما بالنسبه للفرامل مش هفتي فيها .. لأني بكره الفرامل عندي علي السرعات العاليه يعني لو ماشي ١٤٠ وجيت أفرمل .. بتاخد وقت لحد ما تنزل ل ٩٠ ٨٠ وبعد كده بيبقي أدائها معقول

لكن أكيد في حل إن الفرامل تبقي أحسن ،، برده التيل اللي راكب عندي أكيد مش زي الأورچينال بتاعها ،، وكمان أنا كنت مغير الماستر بواحد كان صيني تقريباً ،، فمش عارف الموضوع ليه علاقه ( علي فكره أنا مسترخصتش )

الميكانيكي أكدلي إنه زيه زي الإيطالي أو مش فاكر كان صناعته إيه ( بس كان تمنه الضعف تقريباً )

[iBiZa]

هل ينفع لو سقط موتور 1800 فى الابيزا اخلى الفرامل الخلفيه سكينه

اى موتور فوق ال1400 ال8صباب لازم يركب معاة دنجل سكاكين ورا و بيبقى فى حدود 250 الى 400 جنية و مش هيشتفل على سلك فرامل اليد اللى فى العربية فا يا اما تجيب الدنجل بالسلك او تشترى سلك Golf III و موجود عامل 200 جنية جديد.

و لا اينفه اركب نظام abs

لازم تبقى جيب الدنجل كامل عشان بيبقى راكب فية حساسات الABS + الدشمتين اللى قدام + الماستر و السيرفو (عشان اكبر) و الماستر بيبقى راكب علية منظم الABS + ضفيرة الABS

و لو ينفع يكلف كام

مش عارف كام بس بتاخد الكلام دة مع الموتور فا بيبقى فى بيعة واحدة فا مش بتتجزا

المتور 1800 هستهلك بنزين اكتر من 1300 هل هو هيكون انجيكجن

المواتير الجديدة كلها Injection و انت عربيتك 94 يعنى كاربيراتير يعنى لازم هتجيب تنك 98 عشان الطرمبة بتبقى راكبة جواة + الطرمبة + هتغير خرطوم البنزين من التنك الى الموتور بواحد اكبر و خرطوم الراجع بردة نفس الموضوع.

نصيحة لو حبيت تسقط سقط موتور 1600 انجيكشن وده بيخلي الابيزا طيارة بشهادة ناس كتير وكمان قطع غيارة متوفرة بس اهم حاجه تدور كويس وتقع علي حاجه صح وياريت تستني رأي خبير التسقيط واللي اتعلمت منه كتيييييييير الاستاذ ابيزا او تحاول تكلمه لأنه اكتر واحد هيفيدك في الحوار ده لأنه مجرب التسقيط اكتر من مرة وربنا يوفقك

يا سيدى ربنا يخليك و ال1600 كويس فعلا و المفروض تنزل بية, بس الناس طماعة و عايزة زيادة فا عندك حاجات كتير قوى حسب انت مغير لية اصلا, يعنى عشان تمشى معقول و تبقى العربية كويسة مع الPower و التكييف فا ال1600 كافى, اما لو جرى فا عندك من ال1600 ال16v لحد ال2800.