سيات ليون!!!!!!!!!!!!!

[ilavm]

يا جماعة انا ملاحظ حاجة غريبة خالص ان محدش في المنتدى ده بيتكلم عن الليون خالص شوية تفاصيل بسيطة كده
مع انها عربية رائعة محدش عامل تقرير مفصل غير واحد خد عربية من صاحبة ده حتى صاحب العربية متكلمش غير انو جابها على عكس باقي الأقسام كل ماحد يجيب عربية بيتكلمو عليها
الكماليات والأداء والذي منه
عشان كده ارجو من السادة الأعضاء عمل تقرير مفصل عن الليون ولو كان بالصور يبقى تمام
ويتثبت كمان يبقى كويس
اصل انا بقارنها مع البرافو بس عيبها القاتل انها مانيوال و 1600 8v
وشكرا انكم استحملتوني
وآسف اذا كنت ضايقت حد بكلامي
في النهاية كلنا اخوات وبنحاول نفيد بعض

[drmasho]

....................

لقد خالفت القاعدة رقم 17
لذا وجب حذف المشاركة وتحذيرك
في حالة التكرار ستعامل بالانذار والوقف
الادارة

[ilavm]

تسلم ياغالي

[عبد الرحمن اسامه]

ده تقرير عملتو عن الليون

http://www.nilemotors.net/Nile/90961-2009.html

اتمني لو في حد تاني جاب الليون يكتب تقرير عنها.

[drmasho]

بسم الله الرحمن الرحيم ,
انا عايز رأيكم . مين أحسن , ليون 2009 ولا ابيزا 2010 ؟
مع العلم ان الوسع ما يفرقش معايا و الاوتوماتيك بيفرق بس لو الليون أحسن ممكن اتنازل عن الاوتوماتيك و خاصة ان الليون تبدو أعلى كقيمة مقابل سعر ...

[ilavm]

يابوب انت بتقارن small family car
ازاي ب
supermini car
اما لو بتتكلم عن الأوبشنز بيتهيألي والله اعلم ان الليون تكسب
لأني بصراحة معرفش بتاعت الإبيزا

[عبد الرحمن اسامه]

الليون اوسع و اثبت و اكثر اوبشنز و قيمة اكتر علي السعر و احساس اروع بالقيادة.
الابيزا تتفوق عليها بس انها اوتوماتيك، هنا في السعودية الليون الجديدة هتكون اوتوماتيك بس هتبقي ب٧٥٠٠٠ ريال بدل من ٦٧٠٠٠ ده ال١٦٠٠ سي

انا لو منك كنت فضلت الابيزا لو فيها نفس الموتور ال١٦٠٠ الفي الليون، لكن لو ابيزا ١٤٠٠ يبقي الليون.

[drmasho]

شكرا ً جزيلا ً يا أستاز عبد الرحمن على الرد المفيد و جزاك الله خيرا ً

[dr_hassan82]

الليون طبعا بدون منافس
بصراحه ياجماعه انا من محبى التغيير
بس لما اشتريت الليون حسيت انها هى دى ..>>
,ومش قادر اغيرها لانى بصراحه مش هلاقى اعلى منها فى الفئه دى فى الثبات ومتعة القياده الا لو هجيب BM 116
كل العربيات اللى ركبتها كوووم والليون كوم تانى ......
من افضل العربيات اللى ركبتها بعد Bbw 116I

[ashouhdy]

الليون الجديد 1600 16صباب

[عبد الرحمن اسامه]

الليون طبعا بدون منافس
بصراحه ياجماعه انا من محبى التغيير
بس لما اشتريت الليون حسيت انها هى دى ..>>
,ومش قادر اغيرها لانى بصراحه مش هلاقى اعلى منها فى الفئه دى فى الثبات ومتعة القياده الا لو هجيب bm 116
كل العربيات اللى ركبتها كوووم والليون كوم تانى ......
من افضل العربيات اللى ركبتها بعد bbw 116i

دي مشكلة فعلا، البيركب الليون مبيعرفش يركب حاجة تانية بعد كده، انا عندي نفس الإحساس.
معرفش هل سكودا اوكتافيا مثلا تنفع، ولا لازم bm او اودي ؟

[crazylambada]

لا اسكودا اوكتافيا متنفعش
اللي ممكن تنفع هي البرافو ال tj
او الفورد فوكاسالهاتشباك انا ركبت عربيات كتير بس دول اللي ارتحت فيهم

[dr_hassan82]

دي مشكلة فعلا، البيركب الليون مبيعرفش يركب حاجة تانية بعد كده، انا عندي نفس الإحساس.
معرفش هل سكودا اوكتافيا مثلا تنفع، ولا لازم bm او اودي ؟

اسكودا ايه بس اخى عبد الرحمن
ده حتى شكلها اول ماشوفو ... بحس اننا لسه فى حقبة التسعينات
مفيهاش اى لمسة جمال بتاتا .....!!!!!
مع العلم ان كل المكونات الداخليه موتور ... الخ اول ماتفتح الكبوت هى هى زى الليون بالظبط

[ilavm]

ممكن تركب جولف 6 او برافو

[dr_hassan82]

ممكن تركب جولف 6 او برافو

تصميمهم وشكلهم مش بيعجبنى أبدا
وصراحه انا من عشاق سيات .....