هام جدا للخبراء فى ابيزا 98

[tefa_ay_200]

انا معروض عليا ابيزا 98 حلة جيدة موتور 1400 بس فى واحد قلى ان موتور 1400 مش كويس ومصاريف قطع الغيار الموتور دة غالة جدا ومش موجودة فهل دة صحيح
ياريت الرد

[ehab_mansour]

السلام عليكم
انا الابيزا اللي معايا موتور 1000 سيسي واكيد العربية دي متسقط ليها موتور وللأسف ما اعرفش حاجه عن ال 1400 بس اكشف عليها كويس وشوف ايه نظامها قبل الشراء وربنا يوفقك

[abb]

على فكره الموتور 1400 كويس وقطع غيره غاليه بس فى المعقول برضوه

[iBiZa]

انا معروض عليا ابيزا 98 حلة جيدة موتور 1400

انهى واحد فيهم ؟؟ ال8 صباب ولا ال16 صباب.

بس فى واحد قلى ان موتور 1400 مش كويس

يعنى اية مش حلو ؟؟ مفيش حاجة بتتاخد كدة و خلاص, انا عندى ال1400 و زى الفل مفيهوش حاجة.

مصاريف قطع الغيار الموتور دة غالة جدا

غالية جدا بالنسبة لاية ؟؟
ممكن غالية دية بالنسبالك 10 جنية و بالنسبالى 1000 جنية.

و مش موجودة فهل دة صحيح

كل حاجة موجودة و فية منها الالمانى و الايطالى و الاسبانى و الصينى و الاستيراد.