حل لمشكله لمبة epc الى السيات والبولو

[MOON5]

منذ ان اشتريت سيارتى سيات ابيزا 2000 كان عندى المشكله دى وبعد لف وكشف بالكومبيوتر اكتر من مرة ربنا وفقنى وعرفت ان سبب المشكله دى حساس اسمه حساس المنافول ودا بيكون مكانه جنب الموتور من ناحية الشمال لو انت واقف وفاتح الكبوت مباشرة وبتلاقيه حجمه بالظبط زى ريموت السيارة فى حدود عقلتى الاصبع بالظبط
ومن سؤالى عن الى بيسببه هذا الحساس هو عبارة عن خنقة هواء و بنزين بيخلى العربية تهنج وتقطع واحيانا تقف والموتور بيطل زى ماكان بيحصل معاي بالظبط
وبعد لف على هذه القطعة عرفت ان سعرها جديد حوالى 700ج فى توكيل الشهاب فى شارى دمش بمصر الجديدة وفى محل فى الحرفين كان بيقول 550ج ولما سئلت عرفت انها ممكن تكون استيراد بسعر اقل وفعلا لقتها بعد عناء كبير فى محل اسمه ايضا الشهاب استيراد الخارج بس فى الحرفين وكان بيتكلم فى 300ج و وبعد محايلة خلصتها على 250ج وعلى فكره ممكن تكون الى هاتشتريها بايظه وده الى حصل بالظبط ثم استبدلتها بواحده اخرى واشتغلت العربية واختفت اللمبه وحسيت بفرق فى المشى فعلا والحمد لله واى سؤال انا تحت امركم
ارجو من ادارة المنتدى التثبيت لان المشكله دى موجوده فى عربيات كتير ومحدش عارف مداها

[ehab_mansour]

الف مبروك علي حل مشكلتك وربنا يباركلك فيها
وجزاك الله خيرا علي طرح الحل للأستفادة للجميع

[iBiZa]

الepc ليها اسباب كتير عشان تنور و دة واحد منهم.

وجب التوضيح حتى لا يتم التعميم ان هذا هو سبب انارة اللمبة.

والف مبروك على حل المشكلة.

[Tayer]

جزاك الله خيرا

[M.Mostafa80]

من أسباب ظهور هذه اللمبه حرق أحدى لمبات الأستوب أو تلف كنترول البدال بتاع الفرامل أو كنترول دواسه البنزين أو مشكله بالبوابه

[ahmedyehia515]

طب أنا عندى مشكلة زى ده فى الفابيا بس عندى لكبة الepc بتروح و تييجى، يعنى لو نورت باطفى مثلاً العربية 10 دقائق و بعدين أدور تانى متنورش. إلا لو المشكلة ان فى لمبة محروقة او حاجة.

ممكن حد يقولى ازاى اعرف اذا كان سبب الepc هو فعلاً حساس المنافول ؟؟؟

[Khalid.e]

السلام عليكم،

ياجماعه انا معايا بولو 2000 ولمبه EPC منورة، كانت مخنوقه شويه خصوصا على التانى والثالث والرابع بدوس مفيش عزم وبتقطع، كشفت كمبيوتر قالى حساس منافول، جيبت واحد استيراد ومفيش فايدة غيرته تانى وثالث بردة الخنقه موجودة. ولمبه epc منورة وبتطفى لما ازود بنزين وانا واقف ولما العربيه بتكون دايرة وافصل الفيشه بتاعته لمبه epc بتور، دة يبقى عيب حساس منافول MAF ولا ايه؟ بتاع قطع الغيار اتخنق منى، مغير 3 لحد دلوقتى، قالى يبقى حاجة تانية. فايه الحل

انا نظفت البوابه كويس، وعندى عداد rpm فى رعشه بسيطة على السلانسيه بيكون بين 0-10 وهو كدة من قبل ما يحصل خنقه او اللمبه تنور