فلتر الهواء للابيزا 94

[hossamkamel]

هو الفلتر الاسبور ده مفيد و لا اى كلام

[iBiZa]

هو فين ؟؟؟

[windofchange]

اللي اعرفه ان فلتر الهواء السبور بيدخل كمية هواء اكثر من العادي وكمان بيركب له ملحق يبعده عن جسم الموتور بحيث ياخد هواء بارد فكثافة الهواء البارد اقل من الساخن فبكده تخش كمية هوا اكبر....(الفلتر العادي بتاع المصنع ايبيزا94) بيدخل هواء ساخن لأنه قريب من الموتور\غير كده بيقلل استهلاك البنزين لأنه بيدخل كميه هوا اكبر لغرفة الحريق فبتستفيد من كل نقطة بنزين تتحرق بافضل شكل فبكده توفر بنزين....في انواع مضروب واصلي زي شركة k&nوغيرهم خش علي موقعهم وهات رقم تيليفونهم واعتقد ان هما في الحرفيين...دي شويه معلومات انا اعرفها لو في غلط ارجو التصحيح

[iBiZa]

اللي اعرفه ان فلتر الهواء السبور بيدخل كمية هواء اكثر من العادي

مظبوط

وكمان بيركب له ملحق يبعده عن جسم الموتور بحيث ياخد هواء بارد فكثافة الهواء البارد اقل من الساخن فبكده تخش كمية هوا اكبر

دة مش فلتر بس, دة كدة اسمة Cold Air Intake Kit و دية ليها مميزات و الفلتر علاطول او Short Ram لية مميزات.

....(الفلتر العادي بتاع المصنع ايبيزا94) بيدخل هواء ساخن لأنه قريب من الموتور

ممكن تعملة خرطوم يسحب من حتة بعيدة عشان يجيب هوا ساقع و مش هيكلفك اكتر من 20 جنية تمن خرطوم مياة هتجيبة من دمشق او التوفيقية من محل خراطيم بالشكل اللى انت عايزة.

لو الموتور عندك 1300 كاربيراتير يبقى متفكرش فى فلتر سبور لكذا سبب:

• الموتور اصلا ضعيف فا مش هتحس بفرق.
• لازم تجيب فلتر مخصوص للكاربيراتير و دة مختلف تماما عن اللى انت عارفهم و شكلة هيبقى شبة دة: Performance Air Filters او دة http://www.minisport.com/acatalog/SPD9320.jpg لانة لازم يركب على الكاربيراتير علاطول.
  

في انواع مضروب واصلي زي شركة k&nوغيرهم

بص, عايزين نتفق على مبدأ, ان عمر ما فية حاجة مضروبة هتبقى زى الOriginal و من الاسباب دية الخامات المصنوع منها و الاختبارات اللى عدا بيها و النسبة المسموحة من الاتربة اللى بيدخلها على الموتور و الضمان كمان, K&N مثلا بيديك على بعض المنتجات مليون ميل ضمان.

انا جايب للPolo فلتر K&N اصلى بتاعها و مكانش فية منة هنا فا بعت جبتة من برة و على فكرة كان جاى بالضمان بتاع المليون ميل.

و الIbiza جايبلها AEM Dryflow Air Filter و دة تقدر تقرا عنة هنا:
DryFlow Air Filters - Oil Free Replacement Air Filters and Cone Filters و دة من الانواع الكويسة جدا بس مش معروف فى مصر و بردة جبتة من برة.
من احسن الانواع:

• K&N
• AEM
• Pipercross
• HKS
  
• Green Filter
• Blitz
  

و دول شوية من الكويسين

خش علي موقعهم وهات رقم تيليفونهم واعتقد ان هما في الحرفيين...دي شويه معلومات انا اعرفها لو في غلط ارجو التصحيح

يا باشا مش محتاج, انا حافظ تقريبا كل حاجة عنهم, الK&N ليها وكيل من زمان فى المعادى و ابتدا مؤخرا ينزل لمحلات كتير و هتلاقى سعر الفلتر لوحدة فى حدود من 400 الى 700.

و الباقى ملوش توكيلات فى مصر.

[windofchange]

الله عليك يا ايبيزا استاذ والله ايه الجمال ده ايوه كده ان اول مرة اعرف المعلومات دي واكيد الأصلي طبعا احسن بكتير

[iBiZa]

الله عليك يا ايبيزا استاذ والله ايه الجمال ده ايوه كده ان اول مرة اعرف المعلومات دي

يا باشا كلة موجود على الInternet هو بس تحط الحاجة فى دماغك و تديها Search و ساعتين او تلاتة و تبقى لميت معلومات احسن من الوكيل بتاعها

واكيد الأصلي طبعا احسن بكتير

اكيد, بس كل واحد دماغة مريحاة فى حاجة, فى ناس تقولك الSimota و فى ناس تقولك كلة واحد المهم الصوت, بس المهم فعلا نسبة الاتربة اللى بيدخلها للموتور و اللى بتسبب التأكل للموتور.