أسئله هامه لخبراء الابيزا ارجو الافاده

[ramy_mostafaa]

السلام عليكم ورحمه الله وبركاته
دي أول مشاركه ليا في المنتدى وانا بصراحه جاي على السمعه الطيبه........
انا معايا ابيزا 98 موتور 1000 سي سي
اللي انا اشتريتها منه كان شايل الانجيكشن اللي كان فيها ومركبلها كربراتير اصلي بتاعها مش مولف اي حاجه
و العربيه كويسه وزي الفل مافيهاش مشاكل كبيره غير شويه حاجات بسيطه حابب اعرفها
وبتمنى من ربنا ثم منكم تدلوني عليها عشان انا احترت
1 تجميع العربيه في البدايه وانا على الاولاني مش قد كده يعني ممكن تكون مخنوقه شويه
2 صوت تاكيهاتها عالي مش عارف دا من ايه
3 عايز اعرف بتاخد كام كيلو زيت في ناس تقولي 4 بالفلتر وناس تقول 3.5 مابقيتش عارف
4 دركسيونها مش باور بس تقيل جدا يعني كأني راكب لادا ولا بولونيز
5 وده المهم جدا بتسحب بنزين كأنها 8 سلندر مع اني بحطلها بنزين 92 بفكر احط 80 واريح نفسي عايز اعرف ايه مشكله البنزين واحلها ازاي بتستهلك حوالي 160 كيلو في الصفيحه
6 اللي انا شاريها منه كان مركبلها عفشه سبور بس بترزع جامد في الهادي لكن راسيه جدا على السرعه العاليه
هل الترزيع ده عادي ولا مشكله في العفشه
7 وهل موضوع الكربراتير ده وحش على المكنه ولا ارجعها انجيكشن

معلش انا اسف طولت عليكم جدا بس انا فعلا الحاجات دي هاتجنني وخصوصا موضوع البنزين

[iBiZa]

دي أول مشاركه ليا في المنتدى وانا بصراحه جاي على السمعه الطيبه........
انا معايا ابيزا 98 موتور 1000 سي سي
اللي انا اشتريتها منه كان شايل الانجيكشن اللي كان فيها ومركبلها كربراتير اصلي بتاعها مش مولف اي حاجه

دة يبقى عك.

1 تجميع العربيه في البدايه وانا على الاولاني مش قد كده يعني ممكن تكون مخنوقه شويه

اغلب الظن عشان هى مش مظبوطة

3 عايز اعرف بتاخد كام كيلو زيت في ناس تقولي 4 بالفلتر وناس تقول 3.5 مابقيتش عارف

3.5 liters

4 دركسيونها مش باور بس تقيل جدا يعني كأني راكب لادا ولا بولونيز

اكشف على العفشة و علبة الدركسيون.

5 وده المهم جدا بتسحب بنزين كأنها 8 سلندر مع اني بحطلها بنزين 92 بفكر احط 80 واريح نفسي عايز اعرف ايه مشكله البنزين واحلها ازاي بتستهلك حوالي 160 كيلو في الصفيحه

ال1000cc الInjection بتعمل حوالى 250 كيلو فى الصفيحة.

6 اللي انا شاريها منه كان مركبلها عفشه سبور بس بترزع جامد في الهادي لكن راسيه جدا على السرعه العاليه
هل الترزيع ده عادي ولا مشكله في العفشه

اية نوع العفشة ؟؟

7 وهل موضوع الكربراتير ده وحش على المكنه ولا ارجعها انجيكشن

وحش جدا, رجعها لو تقدر.

[ramy_mostafaa]

انا متشكر جدا على اجاباتك مستر ابيزا
وبالنسبه للعفشه نوعها كوني

[iBiZa]

الkoni ناشفين عن العادى بتاعها طبعا, لو مش مرتاح, ممكن تشوف بيعة ليهم و تجيب طقم bilstein غاز على زيت من الصفوة فى شارع رمسيس و هيريحوك جدا.