سؤال بخصوص البنزين و تاثيره على الموتور

[hossamkamel]

يا جماعه فى و احد قلى الابيزا 94 1300 ممكن تحت بنزين 80 وتزود الكهرباء لان النزين 80 معدل الاحتراق مشعارف ماله فبيحافظ على عمر الموتور اكتر طيب انا بسال اهل الخبره احط بنزين 80 ولا 90 ولا92 افيدونى علشان انا ممبحبش الغبطه

[iBiZa]

سيبك من الكلام دة, العربية الrecommended بتاعها من المصنع بنزين 91 فا حط بنزين 92 عادى و دة بيريح العربية.

لو بتعمل الservice مظبوط و محافظ عليها ممكن جدا توصل 400 او 500 الف كيلو من غير عمرة, يبقى عايز اية تانى ؟؟

[hossamkamel]

شكرا يا باشا

[alzelafy]

حط 80 متخافش و جمد قلبك انا 1000 سىسى و انجكشن 98 و شغال 80 بفالى سنه و نص و مفيش اى مشاكل انا لو معايا ابيزا 94 هدور على بنزين 70 كمان و احطهولها متخافش انتا كربيراتير كل الموضوع ضعف فى السحب شويه و وطى الكهرباء شويه بتاعه العربيه

[original]

حط 80 متخافش و جمد قلبك انا 1000 سىسى و انجكشن 98 و شغال 80 بفالى سنه و نص و مفيش اى مشاكل انا لو معايا ابيزا 94 هدور على بنزين 70 كمان و احطهولها متخافش انتا كربيراتير كل الموضوع ضعف فى السحب شويه و وطى الكهرباء شويه بتاعه العربيه

فعلا مجرب ومشكلته فى السحب وأهم حاجة ماتخلليش الموتور يسقف لأن ده اللى بيهلكه..

[Mohamed_Ibiza]

طيب ايه الحل في تسقيف الموتور ؟؟

[alzelafy]

الابيزا ما بتسقفش عشان فيها حساس تسقيف و دا انا سمعتو كل لما اطلع مطلع و اكون دايس دوسه خفيفه اول ما الموتور ينتش فى الطلعه من عدم الدوس على الدواسه الاقى العربيه بتدوس لنفسها او بتزود بس طبعا مش دوسه جامدة زى رجلك

[Mohamed_Ibiza]

والله انا مش عارف بالظبط ايه هو التسقيف لاني اتلخبطت كده

بس كل اللي انا حاسه ان العربية موتورها صوته مبقاش زي الاول

ولما سالت ايه ده قالولي تسقيف

العربية مبقاش صوتها ناعم ووطول مانا ماشي بسرعة اوي بطي سامع صوت كركة في الموتور والصوت ده بيزيد مع السرعة ولما بمشي براحة بيكون الصوت ببطء

ياريت تكونوا فهمتوني

[romeo_6887]

يبقي البنزين 80 مش نافع مع المحرك خالص

[alzelafy]

وطى الكهرباء و هى متسقفش و جرب و انتا واقف عند الميكانيكى دوس دوسه للاخر و سيب و دوس و سيب لو سمعت صوت كركرة يبقى الكهرباء لسه عاليه لو صوت الموتور عادى يبقى تمام و قول للميكانيكى و هو هيفهم و متقلقش من ال 80 خالص و موضوع ان البنزين ال 80 مش نظيف دى كلها خزعبلات فارعه